قصة لا زلت ف الثلاثين – الفصل الثامن والعشرون
[size=34]قصة لا زلت ف الثلاثين – الفصل الثامن والعشرون[/size]
دخلت الممرضه لمنى وادتها حقنه مخدره علشان العمليـــــــــــه ,خرج على من الاوضه ,لقى هاجر اتصلت بيه كتير اوى طنش الاتصالات دى ولسا هيقفل الموبايل شاف مسدج من هاجر
(كلمنى علشان مروحش لمراتك اللى انت قاعد جمبها دى وبتقول تعبانــــــــــه )
اتفاجأ قلب على من الرساله دى ,واتصل بهاجر من غير تردد او تفكير
على:ايه الهباب اللى انتى بعتاه ده ,بقولك دى بين ايدين ربنا
هاجر:بقولك ايه لو مجتش تقابلنى علشان نتفق هنهبب ايه وهتيجى لاهلى ازاى انا هروحلها واحكيلها واقولها قد ايه شقتكوا فظيعه وانى نمت على سريرها كمان
على:انتى ايه يا شيخه انتى مش بنى ادمه اصلا كتك القرف فيكى وفى اليوم اللى عرفتك فيه
هاجر:من غير قله ادب بقى ,قابلنى بعد ساعه فى الزفت اللى بنتقابل فيـــــــه
على:بقولك مراتى فى هتدخل العمليات كام ساعه
هاجر:انا مستنياك ,سلام
جرى على على الدكتور علشان يسأله على معاد العمليه فقاله انها قدامها اربع ساعات
فجرى على الاوتيل اللى بيقابل فيه هاجر علشان يخلص من تهديدها ليه
__________________________________________________
دخل محمود وهبه بيتهم وكانت مامتهم الاتنين موجودين بيتفرجوا على الشقه
سعاد:العرسان بتوعنا وصلوا
محمود:ازيك يا ست الكـــــــل ,ازيك يا خالتى
ردوا الاتنين سلام محمود وسلموا على هبه
محمود: يالا بقى نتفرج على الشقه
سعاد:لا يا اخويا انا رجلى وجعتنى انا وخالتك احنا قاعدين هنا فى البلكونه ,خد عروستك واتفرجوا برحتكوا
راح محمود وهبه يتفرجوا على الشقه
هبه:بص بقى دى هتبقى اوضتنا ودى اوضه البيبهات بتوعنا وده الصالون وده
فضل محمود يتفرج على هبه وهى بتوزع الاوض وعن حماسها للشقه وتكوين بيتهم سوا
محمود:بقولك ايه ما تيجى نتجوز ؟
هبه:ها
محمود:نكتب الكتاب يعنى ,انتى امتحاناتك كمان شهرين ,ممكن نكتب الكتاب والبيت جهز اهوه باقى الفرش بس ,علشان لما تخلصى اسبوع ونتجوز
هبه:انت مستعجل ليه بس ؟
محمود:يعنى انتى مش مستعجله وبعدين انا عاوز اخد مراتى فى حضنى
هبه:امممممممم هى خالتو وماما فين
________________________________________
رقيه طول النهار فى شغلها وعمر فى شغله وكل واحد فيهم فى قلبه بينبض فى جسم التانى
وكل راحه لعمر يتصل لرقيه واخر النهار ,رجع عمر من شغله وجايب اكل لكل اللى فى الفيلا
دينا:تعبت نفسكـــــ ليه كنه لسا هنطلب اكل
عمر:ولا تعب ولا حاجــــــــــــــه
راح عمر لرقيه اللى كانت مشغوله بشغلها وقالها وهو مغير صوته
عمر:الاكل وصل يا فندم اتفضلى
وردت رقيه وهى بتدور ناحيه عمر
رقيه:بس احنا لسا مطلبناش اكل مين جابه
لتتفاجــــــىء بعمر قدامها اللى بيبتسم وهو بيديها الاكل
عمر:انا تعبت فى التوصيل ده ,امسكى عنى
رقيه:انت اللى جبته
عمر:لا انا يا فندم
رقيه:هههههههههههه بتهزر انت
عمر:لا جعان انت
رقيه: طيب يالا ناكل
عمر:وحشتينى
رقيه:جايبلنا ايه بقى
عمر:بنقول وحشتينا
وتضحك رقيه وهى بتقول
رقيه:عرفنا يا فندم
دينا:احم احم ,انا قولت اجى اكل معاكوا حسيتكوا قاعدين لوحدكوا
رقيه:اتفضلى يا دوندون
عمر:بتندهلى يا مدحت صح
يضحكـــــــ التلاته وبيبتدوا الاكل
_____________________________________________
دخل على الاوتيل فى الاوضه اللى اتعودوا يشوفوا بعض فيهــــــــــا ,فشاف هاجر قدامه
على:عاوزه ايه انا لازم امشى
هاجر:ولما انت بتحبها اوى كده ,كنت بتتنيل ليه
على:بتنيل ؟
هاجر:ها مقولتليش هنعمل ايه
على:انتى عاوزه ايه
هاجر:انا عاوزه تيجى لاهلى نتجوز وبعدين كل واحد يروح لحاله
على:واهلك هيوافقوا عليا
هاجر:طالما انا موافقه يبقى هيوافقوا ,متجبش انت بس سيره على انك متجوز
على:ماشى ,بس انا مش هقدر اجى دلوقت
هاجر:لا هتيجى وبكره كمان ,علشان انا هقنعهم اننا لازم نكتب الكتاب بسرعه علشان انت لازم تسافر وهتاخدنى معاك وبعد ما نكتبه ,انا هقول انى عاوزه اكمل دراستى هنا وهنعمل خناقه ونفشكل الموضوع
على:ده انتى مجهزه كل حاجه بقى
هاجر:مش موضوعنا ,انا همشى دلوقت وانت تجهز نفسك لبكره ومش محتاجه اعرفك ,مش تتاخر على الساعه 8 بكره وخد دول هات بيهم هديه كويسه
على:انا جاى بكره وفلوسك دى انا مش عاوزها
خرج على من غير ما يسمع ردها على كلامه وهو فى اشد ندم على اللى حصل منه تجاهه نفسه قبل اللى عمله تجاهه ابنه ومراته
___________________________________________________
دخلت رقيه البيت ,شافت هاجر قاعده مع مامتها وبيضحكوا واول ما دخلت رقيه
ماجده:تعالى يا حبيبتى
رقيه:خير يا ماما ,فيه خبر حلو باين ع وشكوا
ماجده:فيه عريس جيه لاختك هاجر
رقيه:بجد وانتى رأيك ايه ,هو كويس ومناسب ليكى وبتحبيه
هاجر:اه كويس
رقيه:الف مبروك يا حبيبتى الف مبروك
ماجده:هو جاى بكره ان شاء الله جهزى نفسك بقى يا رقيه وعقبالك انتى كمان
رقيه:ان شاء الله قريب اوى يا ماما ,بس هو ده مش هيعطلك عن مذاكرتك يا هاجر
هاجر:لا انا مركزه وبعدين علشان ميفوتنيش القطر زى ناس
ودخلت هاجر اوضتها وكملت رقيه كلام مع مامتها
رقيه: بصى بقى يا ماما انا عندى فكره ,نعمل انا وهاجر خطوبتنا فى يوم واحد
ماجده:ياريت يا حبيبتى بس هى هتبقى خطوبتها وكتب كتاب لانها بتقول انه مستعجل وهيسافر وياخدها معاه بعد ما تمتحن وتخلص دراستها بره
رقيه:وانتى متأكده انه هيخليها تكمل
ماجده:ده شرطى الوحيد ,وخصوصا انها بتقول انه بيحبها او وهى بتحبه وكمان ابن حلال وملهوش حد
رقيه:ربنا يوفقها خلاص انا هخلى عمر يجيلنا بعد بكره وتبقى خطوبتى وكتب كتاب هاجر فى يوم واحد
الإثنين 15 مايو - 11:57
