قصة لا زلت ف الثلاثين – الفصل السادس والعشرون
[size=34]قصة لا زلت ف الثلاثين – الفصل السادس والعشرون[/size]
دخلت هاجر اوضتها ,مسكت الموبايل واتصلت بعبير اللى كان موبايلها فى وضع الانتظار ,وده اللى ضايق هاجر وفضلت تتصل بيها لحد ما ردت عليها
هاجر:ايه كل ده ,بتتكلمى مع مين غيرى هو حد يعرفكــــــ
عبير:اه ,هو انتى فاكره انى مش بعرف غيرك وبعدين ما احنا خلاص مبقناش اصحاب
حبت هاجر تلطف الجو وخصوصا انها محتاجلها الايام الجايه
هاجر:كنت متنرفزه شويه يا بيبو وخلاص مش انتى لازم تستحملينى
عبير:يا سلام
هاجر:اه ,انتى عامله ايه بقى
فضلت هاجر وعبير يتكلموا عن كل حاجه وسط دهشه عبير ,هى مكنتش مستغربه من تصرفاتها ولكن مستغربه ان هاجر تقع الواقعه دى ويضحك عليها واحد وتبقى ساذجه للدرجادى
عبير:وهتعملى ايه دلوقت
هاجر:والله ما اعرف يا عبير الزباله ده ,انا نويالوا على نيه سودا
عبير:هو انتى مش خايفه
هاجر:اخاف ,بصى ده واحد اخره قالى هتجوزك يعنى فى النهايه مش هخسر حتى لو هتيجى على كده واسيبه ,النصيبه ليكون ناوى يربطنى جمبه
عبير:والحل ؟
هاجر:هحاول اتكلم معاه يمكن يتعدل ويتزفت يتجوزنى وبعدين اخلص منه بقى ,ده غير موضوع الزفت عمر ده والصول رقيه
عبير:ايه حصل عمر مين
هاجر:عمر اللى قبللناه
عبير:وايه عرفه برقيه وايه بينهم اصلا
هاجر:بيحبها يا ستى
عبير:نعم ,بقى ده يحب دى
هاجر:اه هحكيلك
قامت رقيه تروح لهاجر بعد تفكير فى انها لازم تتعامل معاها بعقل علشان متصدمهاش لو بتحبه وكدبت كده علشانه ومقرره انها لازم تسيبه لو حست ان اختها بتحبه
ابتدت هاجر تحكى لعبير اللى تعرفه عن علاقه عمر برقيه وعن اللى عملته معاهم واللى ناويه تعمله
ورقيه واقفه على باب اوضه هاجر مش مصدقه ان دى اختها , وانها تتعمل معاها كده او شيفاها كده واتمنت ساعتها ان ياريتها كانت بتحب عمر عن اللى هى فيه دلوقت وبتعمله مع اختها
نزلت دموعها اللى حفظت ملامح وشها وجريت على اوضتها من صدمتها
فاحيانا صدمه القلوب اهون
قفلت هاجر مع عبير وراحت تشوف رقيه اللى اتاخرت دى
______________________
نزل عمر مش عارف يعمل ايه لاول مره يحس انه تايهه فعلا ,فبالرغم من التوهه اللى كان فيها قبلها بس مكنش حاسس بيها انما دلوقت هو فعلا تايهه ,خايف من حب عمره يضيع ,خايف من ان ربنا يعاقبه فى قلبه ,بس اللى صبره انه اتغير فعلا
على دخل فى غيبوبه تفكير مش عارف يعمل ايه ,حس قد ايه انه كان مغفل وكان غلطان وان النعمه كانت فى ايده وبعدت عنه ,هو فعلا ميستحقش منى ,وانه هيظلمها زياده بجوازه من هاجر ده لو هى وفقت وبين قلبه اللى فعلا حب هاجر وبين دموع منى المستخبيه ,لعن الساعه واليوم والثانيه اللى قاعد فيها على النت وكلم هاجر
وصحى من غيبوبته بصوت صراخ لمنى
منى:الحقنى يا على الحقنى
على:مالكـــــ يا منى مالك يا حبيبتى
منى :تعبانه ,تعبانه اوى يا على
على:انا هروح اشوف تاكسى بسرعه
جرى على على الشارع مش عارف يعمل ايه ومن لهفته جيه تاكسى وراح بمنى لاقرب مستشفنى
وهما فى الطريق
منى:على
على:نعم
منى:يوسف يا على فى البيت روح وديه عند ماما
على:,انا كلمت مامتك تروحله خليكى انتى بس فى نفسكـــــ
منى :تعبانه اوى يا على
على:متقلقيش ,بسرعه يا اسطا
وصل على ومنى للمستشفى
وكلم على الدكتور ابراهيم بعد ما كشف على منى واداها حقنه مسكنه
على:مالها يا دكتور فهمنى ارجوكـــــ
ابراهيم :مراتك محتاجه عمليه ضرورى جدا
على:عمليه ايه يا دكتور
ابراهيم:عمليه فى الرحم اظاهر انها اتعرضت لضغط كبير جدا فى الولاده وجالها نزيف شديد وده اثر عليها جدا
على:وده خطر يا دكتور
ابراهيم :ادعيلها
مشى الدكتور وساب على وسط افكاره اللى مش قادره تتجمع ,جرى على لمنى
على:انتى كويسه
منى:انا كويسه ,الدكتور قال ايه
على:بتدلعى يا ستى ,هتعملى عمليه صغيره بس علشان تعب الولاده
منى:عمليه
على:اه بسيطه متقلقيش
منى:والتكاليف يا حبيبى
على:متشليش هم
منى:بص بيع الدهب اللى فى الصندوق اللى فى الدرج يا على
افتكر على الصندوق ده ومصيره معظمه كان ايه ,فعيط ومقدرش يمسك نفسه
على:متشليش هم يا منى ,المهم تقوميلنا بالسلامه انا ويوسف
_____________________________________________________
قاعده رقيه فى اوضتها مش عارفه تتصرف ازاى مش مصدقه ان اختها بالدماغ دى وبتعمل فيها كده ليه و وسط ده كله خبطت هاجر على افكار رقيه ,فرقيه خلتها تدخل من غير ما تخطط حتى هتعمل معاها ايه
هاجر:عامله ايه دلوقت
رقيه:انا كويسه اوى
هاجر:اومال عمر ده كان بيعمل ايه هنا
رقيه:ابدا احنا بينا شغل برضوا
هاجر:يعنى جاى علشان شغل
رقيه:لا
هاجر:اومال ايه
رقيه:هو انتى بتحبى عمر يا هاجر
اتفاجأت هاجر من سؤال رقيه ليها
هاجر:لا طبعا
رقيه:متأكده
هاجر:اه طبعا متأكده
رقيه:يبقى انا دلوقت اقدر اقولك ان عمر كان جاى علشان يقولى انه بيحبنى وعاوز يحدد معاد مع ماما
هاجر:وانتى وافقتى
رقيه:وموفقش ليه
هاجر:علشان هو بيحبنى انا
رقيه:اممممممم ده حاجه قديمه وانتى زى اخته يا هاجر الصغيره ,عمر 32 سنه والمهم دلوقت ,هو اصلا مكنش يعرف اننا اخوات
هاجر:وانتى مصدقاه
رقيه:طبعا واهم حاجه انك مش بتحبيه وده اللى يهمنى
اضايقت هاجر من هدوء رقيه المبالغ فيه ومن تلقائيه كلامها وده اللى خلاها تتعصب ومتحسش بنفسها
هاجر:اه طبعا مش بحبه ,بس اصلا هو بصلك على ايه بكره يندم فيه واحد يرفض هاجر ويقبل بيكى انتى
اتكدت رقيه من عمر ,ساعتهاواتاكدت كمان من مشاعر هاجر الطفوليه واعتبرتها فتره مراهقه ليها ,وانها عاوزه تحس ان كل الناس معجبه بيها
عكس هاجر اللى فاقت من الكلمه وسابت مملكه رقيه ومشيت وهى متنرفزه
____________________________________________________
دخلت هاجر اوضتها بعد نرفزه شديده مع رقيه ,فهربت لعالم الهروب #الانترنت قعد محمود على النت لقى قبول صداقه من اكونت هاجر ,هو بعته من زمان اوى وهى كانت سايباه ونسى ده وسط دنيته الجديده ,وكمان كان عارف هاجر
اتفاجأ محمود ومكنش عارف يعمل ايه وخصوصا انه فى اللحظه دى اون لاين ,استقر على انها جارته وعادى ,هو مش فى قلبه حاجه ناحيتها ولا حتى فى عقله ,وكلمته هاجر
هاجر:ازيك
محمود:الحمدلله وانتى احسن دلوقت
هاجر:اها احسن الحمد لله
محمود:يارب ع طول
هاجر:هو انت ليه بتهرب منى
محمود:انا اهرب انا مش بهرب
هاجر:انت لسه بتحبنى صح
محمود:لا مش صح يا هاجر انا بحب خطيبتى
هاجر:كداب يا محمود ,انت بتحبنى واوى كمان
محمود:متوهميش نفسك يا هاجر ده كان زمان ربنا يوفقك فى حياتكــ
هاجر:بس لعلمك انا متاكده انه هيحصل بينا حاجه
محمود:حاجه ازاى يعنى
هاجر:يعنى حب ,ارتباط ,جواز
محمود:بس انا فعلا بحب ,مرتبط ,خاطب
ولسا بيكمل محمود راحت ردت هاجر
هاجر:بس مش متجوز
_____________________
قاعد عمر فى اوضته على سريره وصوره رقيه متبروزه قدام عيونه من نسيج الهوا
وفجأه رن تليفونه بأسمهـــــــــــــا ,قام عمر مصدقش نفسه ومش عارف يعمل ايه مش مصدق لدرجه ان عنيه اتحجب عنها انه يرد بأى زرار وفى الاخر داس قلبه فـــــــــــ رد
عمر:رقيه ,حبيبى قلبى والله بحبك ,انتى صح
رقيه:براحه يا عمر اهدى انا رقيه اه
عمر:قولى طيب اننا هنتجوز وانك مش هتجيبى رقيه الصغيره غير منى
رقيه:رقيه تانى
عمر:يعنى انتى موافقه صح
رقيه:يا عمر انا بحبك وانت عارف كده كويس
عمر:وانا بموت فيكى ,بعشقك ,وحشتينى
رقيه:انا اتكلمت مع هاجر
عمر:وعملتى ايه
رقيه:اللى استنتجته انك صح ,وقلبى صح ,وهى فتره مراهقه وهتعدى عليها ,احنا بس نستنى فتره لحد ما تهدى وبعدين نتخطب
عمر:هو انتى حنينه كده ازاى
رقيه:بكاش يا عمر
عمر:بكاش ايه بس حرام عليكى ده انا كنت بموت من غيرك
رقيه:بعد الشر عنك
عمر:انا اتاكدت انك حياتى كلها يا رقيه ,هو انا ازاى كنت عايش قبلكـــ
رقيه:اسأل نفسكــــ
عمر:ما انا بسألها اهوه
رقيه:بحبكـــــ يا عمر
عمر:بحبكــــ يا نفسى
الإثنين 15 مايو - 11:57
