قصة لا زلت ف الثلاثين – الفصل الثاني والعشرين
قصة لا زلت ف الثلاثين – الفصل الثاني والعشرين
وقفت العربيه قدام فيلا عبدالرحمن عدلى بالزمالكــ
عمر:متخافيش
رقيه:انا مش خايفه يا عمر ,انا قلقانه بس
عمر:قلقانه من ايه انا معاكى ,,انتى عارفه انا خدتك ليه لمكان زى ده مع انى عارف جميله وانتى جميله فى عينى من غير حاجه
رقيه:ليه
عمر:اصل عجبتنى ثقتك فى نفسكـــ اوى ,يعنى لما كلمتك مكنتيش عاوزه تغيرى نفسك ,انتى اضايقتى من انى خبيت عليكى مع انى برضوا زعلت انك مكنتيش متمسكه
رقيه:بص يا عمر انا اتقدملى ناس كتير مش هكدب واقول شافونى قبلها بالعكس هما جايين لعروسه وخلاص وانا برضوا كنت بوافق علشان امى ومع ذلك عمرى ما فكرت اغير نفسى رغم انى بيتعلقلى كتير على كده ,انا عاوزه واحد عارف انى اكيد مش هصحى بميك اب ع وشى
عمر:طب ممكن يالا بقى عاوز اشوف التمسك ده وانتى قمر كده
رقيه:يالا بينا يا عمر
دخلت رقيه الفيلا مع قلق بسيط راح بمجرد ما عمر مسك ايديها وهما داخلين
دخلوا مكتب انيق قاعده على مقدمته منال اللى ركزت وشالت النضاره علشان تتاكد ان دى رقيه اللى شافتها من كام ساعه بس
_________________________________________________________________
فى بيت على دخل ,شاف الشقه كلها مليانه شموع وجو رومانسى واضاءه خفيفه ومنى قاعده على الكنبه وراحت فى النــــوم
قرب على منهــــا وفضل يبصلها ويتكلم بصوت واطى وهو بيلمس وشها
على:هو انا ظلمتك ولا ايه ,انا حاسس انى بحبكـــ
صحيت منى على اخر كلمه قالها على وبصتله ولمست وشه بأيديها
منى:انت جيت من بدرى
على:ولو من بدرى انا مبسوط كده
منى :يا سلام ,طب هقوم بقى احضرلك العشا
على :لالا خليكى كده انتى متعمليش حاجه خالص
منى:هههههههه ده ايه الدلع ده كله
على:انا عاوزك متزعليش منى
منى:وازعل منك ليه اصلا ,انا مبقدرش
على:كمان والنبى ما تذوديهاش عليا يا منى
منى:خلاص يا حبيبى متزعلش نفسكــــ
على:انتى اعظم ست شوفتها فى حياتى
منى:وانت احن راجل فى الدنيا
على :هو يوسف فين
منى:نام
على:احم احم طب كويس
_____________________________________________
منال قاعده مش مصدقه ان اللى قدامها رقيه واللى اكدلها ده عمر لان رقيه فعلا اتغيرت
عمر:رقيه يا ماما
رقيه:حضرتك عامله ايه
منال:انا كويسه والواضح كمان ان الشغل كان ظلمك اوى
رقيه:ازاى ؟
منال:يعنى انا شايفه قدامى بنوته جميله
رقيه:ميرسى
عمر:رقيه طول عمرها جميله يا ماما وكويس انها فضلت علشان اخطفها
منال:انتى بقى بتعملى ايه فى حياتك ,عرفينى على نفسك
رقيه:انا زى ما حضرتك ما عارفه مهندسه ورثت مكتب ديكور عن بابا وعندى اخت واحده اسمها هاجر ووالدتى عايشه معانا فى شقتنا وعندى طموح كبير للمكتب انه يبقى من اشهر مكاتب الديزينر والتصميم فى مصر وانا فعلا كبرته شويه واكيد حضرتك سمعتى كده
ورقيه بتتكلم منال كانت بتبصلها باعجاب من ثقتها فى نفسها ولما اتكلمت عن خططها المستقبليه ده غير شكلها واناقتها اللى سيطرت بعض الشىء على دماغ منال وحست انها هتبقى زوجه كويسه واستغربت ان دى اختيار عمر ,لانها عارفه ان عمر دماغه مش كده فاكيد اتغير
اما عند عمر فكان فى دنيا تانيه خالص الاول كان مستمتع بكلام رقيه ونظره امه ليها ولكن اول ما نطقت وعندى اخت اسمها هاجر اتبدل حال عمر ,,ازاى هاجر اخت رقيه وياترى ده هيبقى تأثيره ايه على علاقتهم ورقيه هتفهمه او لا ,كل دى اسئله شغلت دماغه وضيعت جزء من فرحته
________________________________________________
هاجر قاعده فى البيت ومضايقه من على ومن طريقته اللى اتغيرت معاها وان لولا اسلحتها اللى مش بتخيب من وجهه نظرها كان زمانه مشى وسابها واسلوبهـ معاها اللى حست فيه بالبرود
فكرت فى عمر وانه فرصه حلوه ليها وفلتت من ايديها وانها اتسرعت لما اختارت على
وتفكيرها الكتير ده خلاها خلاها تهرب منه بأنها تخرج تتفرج على التليفزيون
________-______________-_________-
وصل محمود وهبه قدام بيتها وهبه خارجه من العربيه
محمود:استنى بس
هبه:استنيت بس
محمود:بحبك يا هبه
هبه:يا كابتن قولتلك مليون مره انت بتخلى حالاتى صعبه بالكلمه دى ,يعنى حالات اغماء ,دوخه بسيطه
محمود:انزلى يا هبه انزلى
بقولك بجد امتحانتك امتى ؟
هبه:قربت خلاص ع الابواب اهيه
محمود:طيب يبقى مفيش خروج الايام الجايه علشان نتجوز وركزى انا مبحبش الفشل يا لوزه
هبه:لوزه !!! انا هعيد السنه يا محمود
محمود:خ انا غلطان انى بدلعك يا بت
هبه:لالا خلاص على ايه لوزه بطه ان شاء الله كتكوته انا موافقه
محمود:طيب خلاص انا بكره هنزل اتفق مع الناس علشان نبيض الشقه واعمل الكهربا
هبه:الله الله الله بقى
________________________________
رقيه خارجه من الفيلا مع عمر بعد مقابله مامته وهما خارجين
عمر: انا هاجى اوصلك
رقيه:لا يا عمر انت روح علشان تعرفلى رأى ماما وبعدين هكلمك لما اوصل
عمر:يعنى هتكلمينى
رقيه:طبعا
عمر:هو انتى ممكن تزعلى منى
رقيه:لا طبعا
عمر:بتحبينى
رقيه:سبهالى اقولهالكـــ بطريقتى هتتفاجىء
عمر:خدى بالك من نفسك
رقيه:وانت طمنى
عمر:حاضر يا عيون عمر
مشيت رقيه وعمر ماشلش عينه من عليها وخايف بزياده من اللى منتظره ,رقيه اخت هاجر
____________________________________
رقيه طالعه البيت وهى فرحانه واول ما فتحت الباب شافت هاجر فى وشها اللى اتعدلت من قاعدتها اول ما شافت رقيه
رقيه:مساء الخير
ماجده :بسم الله ماشاء الله عليكى يا بنتى
رقيه:ايه رأيك يا هاجر ,لسه الصول رقيه
ماجده:ده انتى ست البنات يا حبيبتى
هاجر:ومن ايه التغيير ده بقى ان شاء الله
رقيه:هتعرفوا قريب ,انا داخله اغير يا ماما وهاجى نتعشى سوا انا جعانه اوى ونفسى مفتوحه للاكل
دخلت هرقيه وسط شكوك هاجر الغير منتاهيه فى دماغها على الرغم من انها علاقتها مش قويه او مفيش علاقه بينها وبين رقيه بس هى عارفه قد ايه ان شخصيتها مش ساهله وان التغيير ده وراه حاجه كبيره وكبيره اوى وافتكرت عمر
الإثنين 15 مايو - 11:57
