روايـــــــــة الرزق على الله الجزء الثاني عشر

الجزء الثاني عشر

طلال منسدح على السرير ويلوم نفسه : والله اني خبل من اول يوم
اصدمهاا ليه قلت لها كان سكت فرضا عجبتني ارد بكلمتي يعني وبتقول
اني كلمتي ماهي وحده واطيح من عينهاا اوووف صدق حمار حماااار ياناس

وقام يصقع راسه بيده

طلال.. لالالا اصلن حتى لو عجبتني انا مطلقها مطلقهاا اجل استمرمعاهاا وماكان لي راي يوم اخذتهاا لالا انا ماني سامح لقلبي تسيطر عليه بعاملهاا بجفااوه لاجل ماتحبني ولا انا احبهاا اجل عاملها بطيب وتعشقني وانا اعشقهاا وش يفكني منهاا بعدين

بعدها طلع من غرفته وتوجهه للمطبخ التحضيري يشرب ماي هو راجع لغرفته
شاف طرف باب غرفة ريميه مفتوح وجاه فضول يشوف شنو تسوي اللحين

وقام يتسحب لين لصق بالباب وبطل الباب وقام يطل من ورااه

شاف ريميه نايمه على السرير من دون لحاف ومكتفه ايدينهاا من البرد وكانت البلكونه مفتوحه والهواا قوي لانهم شتااء وبرد الرياض مايرحم << مجربه

دخل طلال للغرفه وراح سكر البلكوونه واخذ اللحاف ولحف ريميه فيه
اول ما حط اللحاف عليهاا قامت ريميه متخرعه ..؟..

ريميه: نعم في شي شعندك شكنت تسوي هااه
طلال .. يبتسم حب يغثهاا : زوجتي واسوي فيك اللي ابي
ريميه :وقفت متخرعه : هااه انت مو تبي تطلقني
طلال: بس انتي اللحين زوجتي لين اطلقك
ريميه: قامت ترجف .. وكانت بتطلع من الغرفه

مسكهاا طلال من ايدهاا وقربهاا منه لين خلهاا تلصق بجسمه وهي ترجف كأنها ماستهاا كهرباا ..

ريميه .. وتبعد نفسهاا : طلال الله يوفقك خلني بروحي
طلال: ماقدر
ريميه: وتبي تبكي .. طلال تكفاا
طلال: تبكين تقعدين مالي شغل
ريميه: وتبي تفك نفسهاا : ولله ان ماتركتني قسمن بالله لصرخ
طلال.. ويرميهاا على السرير ..
ريميه:: يمااااااااااااا

...............................

الصبح

ام يوسف ..يالله يبنات قومن
جميله.. وهي تلحف نفسها .. تركوني ابي انام
حوريه: خلاص خليها ياخاله وحنا نروح نشوف البيت وهي تنطق هنا معندها احد
جميله: وتحذف الفراش : اللحين بنروح
ام يوسف: وش اقول لتس من الصبح
جميله: يالله يالله قومن شيخه بنروح لبيتنا الجديد .
شيخه: وتقوم تركض تشيل جنطتها
ودانه: تمشط شعرهاا

والبيت اعتفس وهم يشيلون ويحطون لين وصل السايق وزوجه عندهم وبعدهاا اخذووهم ودوهم لبيتهم الجديد

وصلوا للبيت كان حلوو وبسيط من دورين الدور الارضي اول ماتدخلون البيت فيه حوش وسيع يطل على دوانيه ومقلط وفيه باب اخر الحوش يودي لحديقه خلفيه لاهل البيت خاصه وبعد الدوانيه باب وثم صاله كبيره رخام ومجلس حريم
ومطبخ و3 حمامات
اما الدور الثاني كان فيه 4 غرف بينهم غرفة لقعدتهم اليوميه وحمامين
فرق كبير بين بيتهم الجديد وبيتهم القديم انبسطوا حيل في بيتهم

اخذت ام يوسف الغرفه الرئيسه كانت جدا كلاسيكيه وتشرح الصدر باللون اسود وابيض وسلفر
اما جميله فستقلت بغرفه لحالها كان اثاثها جدا راقي ولونهاا برتقالي على تفاحي
والبنات شيخه ودانه تجمعهم غرفه على شكل فله ورسوماتهاا ورديه
والعيال غرفه ازرق باصفر مع اثاث عسلي

اول مادخلت جميله الغرفه .. شهقت .. اللـــــــــــــــه وناسه ..وتحذف جسمها
على السرير .. أي احسن حطوا سريرن عشان لاجت ريميه تنام عندي وناسه

وقامت تلعب بالاغراض وتشغل التلفزيون اللي بغرفتهاا وانبسطت اخر انبسط

واما البنات الاصغارضلو يبكون لين نامو ماهم مصدقين شلون غرفتهم
لعبوا فيهاا وعفسوهاا

والعيال اول مدخلو الغرفه .. راح يوسف يحجز له سرير وعمر وراه كلهم يبون
السرير المقارب للبلاكونه

عمر: يوسف غش غش
يوسف.. يضحك .. ويأشر براسه .. ماراح تاخذه
عمر.. ويعصب يمسك المخده ويطق اخوه فيهاا
ويوسف:يمسك مخدته ويرمي اخوووه فيها بعد

وقاموا يضربون بعض ويطقون بعض وهم اخر انبساط

ام يوسف دخلت غرفتها اللي اقرب مانقول انهاا جنااح من كبره وسعته ..

ام يوسف : مااشالله ماشالله

وانسدحت على السرير المريح وغطت في نوم ..؟..

بعدهاا قومهاا صوت عيالهاا وقفت متخرعه وراحت للدريشه فتحت الستاره و
لا تشوفهم جالسين بالحديقه الخلفيه ماكانت كبيره مره بس متوسطه

كان فيهاا اللعاب للاطفال وخيمة شعر وطاوله حديد مشغول مع خمس كراسي
كان شكل الحديقه جنان غير احواض الورود والنخل والثيل والاشجار الاصغار

لما شافت عيالها غصبن عنهاا بكت حيل وقامت تهشم وقطع عليها بكيها صوت ضرب الباب

راحت تفتح الباب .. خير
نسمه: ماما سنو يبي غداا
ام يوسف: عرف يطبخ
نسمه: يطبخ نظف كل سي
ام يوسف: لا خلي الغدا انا بطبخه بس انتي عليك تنظيف بيت
نسمه: انسالله ماما يبي سي سوي ساي كهوه
ام يوسف: أي سوي قهوهوشاي ووديه للحديقه بالخيمه

راحت الخدامه واخذت ام يوسف لها شال لان الدنياا برد برى البيت

وقامت تدوربالبيت اعجبهاا حجمه واثاثه الراقي وبعدها راحت لعيالها اللي كانو يلعبون مبسوطين وجلست بالخيمه وبعدهاا تجمعوا العيال حولها قاموا يسولفون ويضحكون وهم مبسطين اول مره تشوف هالانبساط عليهم ..

.......................

قامت ريميه من النوم ولا تشوف طلال قدام المرايه يمشط شعره لفت راسهاا وقامت بتروح الحمام ..

طلال.. صباح الخير
ريميه: ابتسمت .. صباح النور
طلال: نمتى كويس
ريميه.. وتأشربراسهاا : أي
طلال.. الفطور برى تفطري عشان اوديك لاهلك
ريميه: صدق
طلال: انا شقلت لك امس بوديك صح
ريميه: صحين ...<< وحذفت الفراش وراحت تركض تتسبح وتلبس ملابسهاا
طلال: ههههههههههههههههه

وبعدها طلعت ريميه ولبست لها تنوره سوده قصة سمكه عليها حركات من تحت القصه ومعاها بدي ماركة بربري صوف وربطه حمره تنربط بالرقبه نشفت شعرهاا
ورفعته لين فوق وحطت شباصه كرستال وبعدها نزلت شعرهاا كان شكله كأنه بوف والشعر نازل كأنه مدرج واطول شعره واصله اخرظهرهاا وطلعت خصل من شعرها وحطت قذلتهاا على جنب مع ماشه صغيره اخذت لها شنطة ووبوت ماركة بربري مع اساور بيدها اليمين احمر واسود وابيض وبيج وبيدها الثانيه ساعه سوده
طلعت عباتها الجديده الراس وشيله لها نفس العباة ونقاب وراحت عند طلال

طلال لما شافهاا انبهر وظل يطالعهاا

ريميه . واقفه : طلال نمشي
طلال: ماتبين تفطرين
ريميه: ماني مشتهيه
طلال: تعالي اكلي
ريميه: طلال تكفا خلنا نلحق على اهلي
طلال: بيطرونهم تعالي افطري اصلن انا بفطر وبعدين اوديك
ريميه.. وتستسلم : انشالله
طلال: تبين شاي ولا حليب
ريميه: امممم شاي
طلال.. ويبتسم : ابشري
ريميه: وتمسك الكوب ويالله قامت تشرب من شوقها لهلهاا سد نفسهاا
طلال: خلصتي
ريميه: ايه
طلال: يالله اجل

وطلع طلال هو وريمه وراحوا لبيت اهل ريميه لما وصلو ..

طلال: يالله انزلي ..
ريميه: وانت منت نازل
طلال: عندي شغل ياقلبي لما اخلص راح اجي ايه صح استعدي الساعه خمس بنروح لبيت اهلي
ريميه: انشالله << وكانت بتنزل
طلال: ريميه
ريميه.. وتلف له بشوق: لبيه
طلال:تبين امرك على الغدا نتغدى برى
ريميه: لا تعال تغدى عندنا
طلال: هااه خلاص انشالله
ريميه: بفرح : يعني بتتغدى عندنا
طلال: نشالله
ريميه: ونزلت .. يالله مع السلامه
طلال: لحظه لحظه .. يفتح بوكه ويطلع منه فلوس.. تفضلي
ريميه: ليه
طلال: لك
ريميه: بس انت مو مقصر معاي
طلال: لك ان بغيتي شي تشترين شي مب حلوه تنزلين ومامعك فلوس
ريميه: وتمسك الفلوس .. الله يخليك لي
طلال: يالله مع السلامه

ودخلت ريميه بيت اهلها الجديد : ريميه بقلبهاا : قالها وربي قالها قال ياقلبي انا سمعته الله يارب يتمم علي ولا يحرمني منك يا طلال ياحبيبي

ودخلت عند اهلهاا وجلسوا سوالف وضحك وتعليقات على ريميه

ريميه: يماا ترى طلال بيتغدى عندنا
ام يوسف: الله يحيه اجل اروح اضبط الغدا بنفسي
عمر: انا بطلع بروح اتعرف على عيال حارتناا
دانه : شيخه يالله نلعب بالديرف
شيخه: يالله

وراحوا كل العايله ماظل غير ريميه وجميله جالسين بالخيمه

جميله: يالله سولفي لي وش سويتي
ريميه: وش دخلتس بهناتي الخاصه
جميله: بلا مصاخه قولي
ريميه: عطاني فلوس تبين
جميله: مانقول لا
ريميه: تفتح الجنطة وتطلع منه عطر وخمس ميه ريال : هذا لك ما انساك يالغاليه
جميله: وتحظن اختهاا .. الله لا يحرمني منك
ريميه: أأأأه يا جميله احبه احبببببببه
جميله: امدااك تتولعين فيه
ريميه: انا مو متولعه وخالصه الا محترقه
جميله: ههههههههههههههههههههههههههههههه
ريميه: ماودي اخسره ابيه لو يخيروني بين كنوز الدنيا وهو اختاره هو
جميله : يالعياره والله لو جابوا الكنوز الدنيا بترمينه
ريميه: مو حاااسه بالي انا حاسه فيه مرات احسه حنون ويحبني ومرات لا احس بالعكس احسه عايش بصراع مع نفسه من داخل
جميله: لا لا تتخلين اشياء وانتي ما صار لك يوم معااه امداك تعرفينه
ريميه.. وتبتسم بحزن .. امداني امداني ياجميله ..؟..

شيخه من بعيد .. ريميه طلال يبيك على تلفون

وتنقز ريميه تركض داخل البيت وجميله وراهاا

ريميه .. تمسك السماعه وهي تلهث : هلا وغلا
طلال: هلا فيك شفيك تلهثين
ريميه: كنت اركض
طلال: هههههههههههههههه وليه طيب
ريميه: انت على التلفون
طلال: الله وكل هذا عشاني
ريميه.. وسكتت : عندك شي
طلال: هههههههه ايه عندي لك
ريميه : وتحاول تبعد اختهاا اللي لازقه فيهاا : شعندك
طلال: ابي اسال عندك جواز
ريميه: لالا
طلال: اهاا خلاص
ريميه: ليه تسال
طلال: لاننا بنسافر
ريميه: ووين
طلال: مالك شغل
ريميه: وليه موانا بسافر بعد
طلال: مفاجعه
ريميه: قول مفاجعه مو مالك شغل مو اسلوب معرس جديد هذا
طلال: هههههههههههههههههههه حاضر يا ام اسلوب
ريميه" متى بتجي
طلال: انشالله اخلص الاوراق اللي بيدي واجي
ريميه: حياك الله لا تتاخر
طلال: انشالله

وسكرت ريميه السماعه وبعدها رفعتهاا وباستهاا ..؟..

جميله: هههههههههههههههههههههههههههههههاي كل هذا حب
ريميه: يما ما يما قلبي احس بنفجر لحقي علي
جميله: لالالا انتي منتهيه عليك اسلام
ريميه: على السلام ووداعا ومع اللقاء بس يكون جنبي ومايروح عني
جميله: كني اشوفك عقب شهر تدعين عليه وعلى اللي عرفك فيه
ريميه: منو انا ما اخسى
جميله: ههههههه لالالالا قاضيه خلاص امشي نشوف لبيت

وراحوا البنات يستكشفون البيت ..؟..

............................

لولوه: سومه ترى الساعه 5 بتجي العروس
سومه: وااااااااو اجل نروح نشتري لها هديه
لولوه: لالالا انا شريت وخلصت انتي روحي
سومه: يالنحيسه ليش ماتعلمين
لولوه: لاني اعرفك مزعجه اذا نقصت عليك فلوسك رحتي واخذتي مني
سومه: مالت عليك خلاص اروح مع مامي
تدخل ام طلال.. شفيكم تتهاوشون
سومه: راحت شرت للعروس هديه وماقالت لي
ام طلال: خلاص روحي انتي
سومه: ومن يروح معاي
ام طلال: انابروح السوق باخذ لي اغراض خلاص تروحين معاي
سومه: اوكي اروح أفكر شنو اخذ
لولوه: ماتبين تاكلين
سومه.. تمد لسانها : ماااابي

............................

ريميه: يالله حياا
طلال مبقق عيونه: واقفه بالحوش ومو حاطه شي على راسك
ريميه: عادي بيتنا
طلال: بعصبيه .. ادخلي بسرعه ادخلي لا يشوفك احد
ريميه.. تبتسم: انشالله

وراحت لبست لها شيله وراحت مع زوجها للخيمه

جلس يتقهوى مع يوسف وعمر ويلعب مع شيخه ودانه وهن مسانسات حيل

ريميه .. بالمطبخ : وانا بكل مع زوجي
جميله: وانا جلس بروحي بالمجلس
ريميه: عاد كيفك دبري روحك صار لي 18 سنه وانا اكل معاكم وحان دور اكل مع رجالي
ام يوسف: جميله خلاص اخلي البنات ياكلون معاك بس خلي ريميه تنبسط مع رجالها
ريميه: وليه تستأذنين منها اصلن شدعوه برد عليك
جميله: مش حتكلي معاااااه
ريميه : هههههههههه حكل
جميله: والله لفضحك
ريميه: على شحم

وراحت تركض برى المطبخ لين طلعت بالحديقه وجميله وقفت عند الباب ماقدرت تكمل ..؟.

ريميه .. وهي تركض بعدها بنص الحديقه : وقفت : ههههههههه تعالي
يالله امسكيني
طلال. يطالعها : ويضحك .. ههههههه شفيك تركضين
ريميه: جميله وراي
عمر/ اعقلي اعقلي ولا يعرس عليك رجالك
ريميه: كشرت بوجهها ونزلت راسها بان انها تضايقت
طلال.. بعد انصفق وجهه وسكت نزل راسه بعد
ريميه: رفعت عينها تشوف ردة فعله لكن كان عادي جداا

حطوا الغداء وتغدواا وجلسوا بعدها يشربون شاي منعنع

كانت صينيه الشاي عند ريميه تصب لهم شاي زوجهاا جنبها وعمر ويوسف
جالسين قدامهم وام يوسف جنب عيالهاا

لما خلصت ريميه مسكت سكانتهاا وتسندت على مركاهاا وهي مكشره
طلال حط ايده وراهاا ..

طلال.. ويهمس لها : شفيك مكشره
ريميه: لا ولا شي
طلال: وليش مده بوزك
ريميه: بشوف كم طوله
طلال: هههههههههه << بقلبه حتى وهي زعلانه تنكت

طلال.. يالله نمشي
ريميه: بدري تو الناس
طلال: بنروح لبيت اهلي
ريميه: وتطالع امها تبيها تكلمه : يما ما جلست
ام يوسف: عيب يالله قومي مع زوجك روحي سلمي على عمك وعمتك
ريميه: وتنزل راسهاا ..
طلال: خلاص نجلس لبعد صلاة العصر وبعدها نمشي
ريميه: وتبتسم : انزين

تموا يسولفون لين اذن العصر وبعدهاا مشوا

ريميه: طلال ممكن تمر البيت اغير ملابسي
طلال: بس حلوه
ريميه: تبتسم. بس احس شكلي غلط
طلال: لا غلط ولا شي حلوه وضبطيه هنا
ريميه: انشالله

وصلوا لبيت اهله وكان بستقبالهم امه لولوه وسومه ..
جلسواا ..؟..

لولوه: يا هلا وغلا بالغاليه
ريميه . وتجلس على الكنبه جنب طلال: تسلمين ياقلبي
لولوه: لالا اخاف طلال يغار تقولين لي قلبي لالا بيذبحني
طلال: طالع اخته حيل . يعني اكرميني بسكوتك : وبعدها ابتسم لريميه
لولوه: وماعليها من اخوهاا : هاه شخبارك شلون طلال معاك ادري فيه غثيث بس استحمليه عشاني ..؟..
ريميه. هههههههههههههههههههه
طلال: عجبتك هالسالفه ..معصب
ريميه: اختك نكته شسوي
طلال: ويسوي نفسه زعلان
ام طلال: ماعليك منهم ..قول شسويت بأجراءات السفر
طلال: كلها اسبوع ونسافر
ام طلال: زين الحمد لله
لولوه: وتمسك ريميه من ايدهاا : عن اذنكم ابي ريميه بشغل
طلال.. ويمسك يد ريميه : وين بتاخذينها تراك بتخربينها علي
لولوه: لاني مخربتها ولا شي بوريها غرفتي وبنسولف شي
ام طلال: خلهم بنات ينبسطون مع بعض
طلال: ويترك ايدها : لا تسمعين كلامها تراها مدمره
ريميه: انشالله

ويرحون ريميه ولولوه لغرفة لولوه يسولفون ..

ام طلال: هااه بشر شلون البنت انشالله عجبتك
طلال.. يسكت : الحمد لله
ام طلال: وتضربه بيده : مو قلت لك ماراح تخسر هاه ناوي تطلقها
طلال: اكيد مايبي لها أي رجعه
ام طلال: انزين ليش ما تخليها عندك وتاخذ عليها مره ولا انك تطلقهاا
طلال: يعني هذا مخططك يمه انك تلزقيني فيهاا
ام طلال: لالالا طبعا شي راجع لك بس حرام يعني تخسر وحده مثل ريميه..
طلال: اهااا لا عادي عندي اخسرها ولا تنفذين مخططاتك فيني..

...........

لولوه: انتي مو تقولين تحبينه
ريميه: واموت فيه بعد
لولوه: خلاص اجل
ريميه: خلاص شنو
لولوه: اللي يحب يضحي بكل شي من اجل حبيبه
ريميه: مستعده اسوي أي شي بس ما يطلقني
لولوه: ماعليك انا مضبطه لنا خطط اتنفذينها وانشالله نخليه يموت
فيك ولا يستغنى عنك
ريميه: والله
لولوه: افا عليك عندك لولوه وتخافين صحيح منتي قدهاا
ريميه: الله يستر واذا ما نجحت
لولوه: بسيطه نروح للخطه الثانيه عندي جدول خطط اخذي هذا رقم جوالي الخاص
واي شي يصير او تفشل الخطه اتصلي علي
ريميه: اوكي يالله قولي خطتك الاولى
لولوه.. وتمسك ورقه وتعطيهاا ريميه : اقري
ريميه: وتقرى وكل مالها تبقق عيونهاا : لالالا ماقدر
لولوه: حنا شقلنا خلي الاورقه معاك ونفذي اللي اقوله ولا بيطلقك
ريميه: لالالا خلاص بنفذها وامري لله ..
لولوه: وعقب كل خطه فاشله بعطيك ورقه للخطه الثانيه
ريميه: بنشوف خططك بتودينا لوين

» روايـــــــــة الرزق على الله الجزء الثاني
» روايـــــــــة الرزق على الله الجزء 7
» روايـــــــــة الرزق على الله الجزء السادس
» روايـــــــــة الرزق على الله الجزء الثامن
» روايـــــــــة الرزق على الله الجزء التاسع