روايـــــــــة الرزق على الله الجزء الثامن

الجزء الثامن

ابو طلال جالس بمكتبه : يقرى كتاب ..؟..

تدخل عليه ام حسام ومعاها صينية شاي وتحطها على مكتبه..؟..

ام حسام:أي اوامر تانيه
ابوطلال: اقعدي اقعدي ابيك بموضوع
ام حسام.. وهي خايفه : لالا انا مرتحه كذا
ابوطلال: ويرفع عينه يطالعها ويأشر انهاا تجلس : قلت اقعدي
ام حسام وتطيح على الكرسي وهي حدها متخرعه : خير يا حق
ابوطلال: بغيت اسألك يوم الحفله كنتم جايبن شركة عصاير
ام حسام: أأه ااقصد لالا
ابوطلال: اه ولا لا
ام حسام: لالا خيريا استاز فيه حاقه
ابوطلال: اجل منو الللي كان يقهوي الحريم
ام حسام.. وترتاح شوي: اصلوا ام يوسف قابت بنتهاا وهم اللي كانوا بيصبو القهوه
ابوطلال: اهاا بس هالكلام بيني وبينك
ام حسام : من عنياا
ابوطلال:بس بغيت اسألك كان في بنت لابسه دراعه برتقاليه منو هي
ام حسام: كلهم لابسين دراعه برتأليه
ابوطلال: طيب كان شعرها طويل
ام حسام: كلهم شعرهم طويل لالالا صح كان في وحده شعرها طويل أوي يقي لتحت الركب اسمها ايه اسمهاا ايه
ابوطلال: أي هذي اسمهاا ايه
ام حسام:والله مش فكره اصلوا انا بخربط بالاسماء
ابوطلال: وضيق خلقه : طيب هي بنت ام طلال الصغيره ولا الكبيره
ام حسام : لالالا الكبيره واسمهاا والله مش فكره
ابوطلال: خلاص لافتكترتي تعالي وقولي لي
ام حسام: حادر

وتطلع ام حسام وهي حاظنه الصينيه وتحاول تتذكر لما وصلت عند الباب

ام حسام: أأه افتكرت اسمهاا ريميه
ابوطلال.. ويبتسم : انتي متأكده
ام حسام: إلا متأكده اسمهاا ريميه بس حزرتك بتسأل ليه
ابوطلال: روحي شوفي شغلك
وطلعت ام حسام وقامت تفكر ..

هو شفهاا فين وبيسأل عليهاا ليه لايكون عاوز يتقوز على المدام وبياخذ بنت ام يوسف أأأأوه لايكون هالحركه اصدها ام يوسف تقيب بنتهاا عشان يتقوزو وتصير
حمتهم وتبطل تشتغل وتقي الفلوس لحد رقليهاا أأأأه عملتيهاا يامفتريه بس حتروحي
مني فين

طلال..طالع من غرفته كاشخ على الاخر ..

فواز: وين طاس
طلال: بروح لمشاري وفايز تروح
فواز: وين
طلال: بنتمشى وعقبها نروح الاستراحه
فواز: لالالامالي نفس انا بسافر اصلن
طلال: وين رايح
فواز: البحرين
طلال: نازل فلم جديد
فواز: أي والله نازل فلم تروح معاي
طلال: الساعه كم بتمشي
فواز: يمكن وحده بليل
طلال: لالا قويه بكره وراي دوام ماتأجلهاا
فواز: لالا ترى حنا حاجزين انا والربع من اسبوع طق اعصي على هالفلم
طلال: لالالا خساره جعلكم ماتتهنون
فواز: يهب

وطلع طلال راح لفايزومشاري يتمشون عقب يروحون للربع بالاستراحه

...............................

ريميه: يمه لازم ندخل يوسف مدارس الصم والبكم
ام يوسف: ولله ودي بس تعرفين العين بصيره والايد قصيره
جميله: يعني كيف يكبر الولد ويتعقد اكثر
ام يوسف. بحزن : والله لو عندي فلس ماعزه على واحد فيكم بس تعرفون البيت اجر
ومصاريف مدارس اخوانك وغير الديون شسوي انا اقطع عمري
ريميه: قولي لهم يزيدون معاشك
ام يوسف: لالالا ماقدر والله استحي
جميله: خلاص حنا نشتغل يمه
ام يوسف: تشتغلون شنو
ريميه: نطبخ بلبيوت
ام يوسف: لالالالا مابيكم تحسون باللي احس انا فيه وبعدين انتم توكم صغار لا لا
جميله: خلاص نشتري لنا مكينة خياطه ونخيط بالبيت
ريميه:أي والله هم مو عطونا اربع ألاف نشري فيها مكينه مستعمله ومعاها عدتها نخيط لجيرانا ونبيع وكذا نقدرنوفر لنا فلوس ونغتني عن منة الناس
ام يوسف:أي والله فكره مش بطاله بكره انشالله من الصبح بروح سوق الاجهزه المستعمله واشتري مكينه وكم طاقة خام وتخيطونهاا وغرفة المخزن تكون مكان شغلكم
البنات بفرح : مشكوووووووره يما
ام يوسف: اللحين انا بروح انام لان وراي قومه من بدري
جميله:نوم العوافي
ام يوسف:ناموا خواتك
ريميه: أي من بدري عشيناهم وعقبها طخوا ناموا
ام يوسف: يالله اجل تصبحون على خير

ريميه : يالله جميله جيبي سطل المويه والمكنسه عشان ننظف غرفة الخياطه
جميله: يالله

وراحت ريميه فتحت الغرفه و تطير بوجها موجة غبار لانها غرفه قديمه ومحد يستخدها وكان حجمها 4 بي 4 كانت غرفة جدهم الله يرحمه

قاموا البنات يطلعوا الكبت اللي كان فيها وينظفونه وطلعوا الفرشه خموها عقب غسلوها وشرقوها بالسطح وصارت الغرفه خاليه من الاثاث والفرش وقاموا يغسلون
الطوف ويلمعوها وعقب ما نشفت الفرشه فرشوهاا ورجعوا الكبت مكانه وصارت الغرفه نظيفه وحلوه قامو يبخرونها ويعطرونهاا وكتبوا على قطعه خشب عندهم
الخياطه وعلقوها برى الغرفه

جميله: الله ماعاد باقي شي
ريميه:باقي بس المكينه وعدتهاا وطاوله ودفتر الاعمال
جميله: وشو دفتر الاعمال
ريميه: نكتب فيه طلبات الزباين
جميله: اهاا ماودك نطلع موديلات
ريميه: يالله خلينا نجلس نفكر بميدلات
جميله: استني لين تجي الوالده وتجيب الخامات
ريميه: وانتي صادقه
جميله: ماتحسين ان الكبت مضيق الغرفه
ريميه: لالا يافهيمه عشان نحط داخله عدتنا والخامات والملابس لما نخلص منها
تبين شكلها برى غلط
جميله: أي والله ماني مصدقه ان راح نشتغل ونوفر لهلي فلوس
ريميه: الحمد لله يالله خلينا ننام عشان نقوم من بدري
جميله.. يالله

وناموا البنات وهم مبسوطااات حييييييل ..؟..

................................

..وقفت ام طلال بشموخ قدام المرايه وهي تشوف نفسهاا اللي يشوفهاا
مايقول عمرهاا بالاربعينيات بل بالعشرينات لان اللي بعمرها
تهمل جانب الزينه وتهتم باولادها لان هالمرحله تحس انها خلاص جربت
الحياة وحان دور انها تعطي بدل ما انها تاخذ..
.....
كانت ام طلال تحب اولادها وتخاف عليهم لكن لو جاء الامر
مصيري بين حياة اولادها وحياتها لفضلت حياتها على انها تضحي بحياتها
كانت امراه غامضه مره تحسسك انها تموت فيك ومره تحسسك انها تكرهك كره شديد ومره تحس انها طيوبه ومره شريره يعجبك طريقة كلامها لكن لايعجبك
افعالهاا تحب زوجها اكثر من أي شي وتغار غيرة عمياء عليه ما تحب احد يشاركها
في شي سواء في اكلها في ملبسها حتى في الغنفه اللي تجلس عليها تحب ان تكون
بالصداره وما تحب احد ينافسهاا
.....
هي امراه متوسطة الجمال لكن مساحيق التجميل غطت كل ملامحها وشعرها
المقصص غطى القليل من شوائب وجهها جسمها رشيق ومتناسق بفضل النوادي اللتي تدخلهاا ..؟..
...........

سومة تطق باب غرفة امهاا : ماما انتي صحيتي
ام طلال .. وهي ماسكة مجله .. أي صحيت والحين نازله ابوك تفطر
سمومه: لا بس توه جلس على الطاوله وبنحط الفطور تعالي معانا
ام طلال: انا جايه حبيبتي

ونزلت سومه ونزل ام طلال معاها وهم يسولفون ويضحكون على الدرج

ابو طلال .. ناظر ام يوسف بشمئزاز وبعدها نزل عينه يقرى الجريده ..
لولوه.. وهي نازله من فوق تركض .. فطرتوا وخليتوني
ام طلال: لاللحين ماحطينا الفطور استني يا مفجوعه
لولوه: بطني يوجعني من الجوع ..

ابو طلال عقب ما صفط الجريده قام يطالع افراد العايله وكأنه يشوفهم لاول مره

لولوه تجلس على يمينه وجنبها سومه وعلى يساره طلال نايم على الطاوله
وجنبه فواز اللي نايم مع اخوه << دايم كذا نايمين
وقدام ابوطلال ام طلال

ابو طلال ..يصفط الجريده .. ويضرب فيهاا طلال وفواز .. قوموا بسكم نوم
طلال.. متخرع . هااه شفيكم منو هااه انا وين
لولوه : وتضحك : ههههههههههههههههههه قوم قوم لا تجيك بدال الجريده عصى
طلال.. متنرفز : يبه كذا خرعتني زين ما جتني جلطه
فواز: يرفع ايده .. عسااااه تجيك وافتك من ازعاجك
طلال: انا ولد ابوي تدعي علي والله انا معطيك وجهه مني ورايح ما تقول لي ألا يا أبيه طلال
فواز: يا أبيه ياأبيه لوتكرمتش وتعطينش كروسانتش واكونش لكش من الشاكرينش
طلال: مايصحش يا ابنيش يا وحيد خذش بأيديكش جعلهاش للكسرش
ابوطلال: ههههههههههههههههههههه والله مراجيج مدري متى تكبرون وتفهمون
ام طلال: خلهم يضحكون والله حتى الضحك محسوب علينا هالايام
طلال: ينصر دينك يام طلال
فواز: يبا يبااااااااا
طلال: وحطباا فجرت اذني
فواز: ماعليك منه يبا ابي لي كم فلس عشان بروح اشري لي كم بدله وكم طقم
ابوطلال: ليش
فواز: بسافر لاسبانيا
سومه: ياكثر ماتسافر
فواز: وانتي وشعليتس
ابو طلال: ومتى السفر
فواز: يمكن بعد اسبوعين
طلال: إلا صحيح تذكرت يبه فرعنا اللي بلندن صاير فيه مشاكل
ابو طلال: وش صاير فيه انا هالفرع مفكر ابيعه مو جايب لي غير هالمشاكل
طلال: لا يبه من صدق تتكلم بالعكس انطر عليه سنه سنتين يكبر ويصير من اكبر فروعنا حرام تبيعه
ام طلال: دامك متأذي منه عطه لطلال هو يتصرف فيه
طلال: وعجبته الفكره: أي والله يبه خلاص انا اشتريه منك
ابوطلال: صار هو لك من بكره اروح احول الاوراق واعتبره هديه مني
طلال: وابتسم .. مشكووووور يالغالي
فواز: وليه بس طلال له هديه وانا لا
طلال: خلاص ولا تزعل بنسوي لك فرع بالهند
فواز: لالالالالالالالالالالالالالالالالالالالا
الكل: ههههههههههههههههههههههههههههههههههههههههه

.................................

ريميه مجمعه بنات الحاره خويتها احتفالا بالمكينه ..؟..

كانوا البنات جالسات بالحوش وريميه واقفه فوق مركه ..؟..

ريميه .. واقفه وماسكة ملاس وتتكلم كأنها بحفل : اخواتي اخواني الاعزاء
وضحه .. يمال الدجه أي اخوان كلنا ربيعاتك مامن عيال
ريميه: الله يلعنك للحظه تخيلت ان فيه عيال اسكتي خليني اتذكر
جميله: اخلصي كملي فيني تصفيق
ريميه: وتسوي نفسها زعلانه : لا تعالي اشتغلي بدالي اقول انطمن ولا ترى بلغي الحفل وبحرمكم من الحلوى اللي سويتهاا بكاسات علمني بعد الحفل اقولكن الطريقه
حوريه: اخلصي عليناا
ريميه: بناتي اخواتي مدرساتي الفاضلات أأأ اقصد حبيباتي المزعجات
اليوم اقف امامكم احتفلا بأنهاء حياةالفقر ودخول عالم التجاره
اقف امامكم وانا اتمنى اتمنى من كل قلبي اتمنى << ومسكت منديل ومسحت دموعهاا
ريميه .. اتمنى اتمنى
البنات .. جميله و وضحه وحوريه وبدريه و شيخه ودانه وهله و عمشه
كلهم بكوا من كلمات ريميه اللي ما اكملتها تعاطفوا معاها لانها تتمنى وهم مايدرون
عن امنتيتهاا

هله .. تمسح دموعها بطرف شيلتها : كملي يا ريميه تمني كلنا معك
ريميه .. والملاس يهتز بأيدهاا : اتمنى كل وحده فيكم ما تطلع من البيت إلا ومخيطه
دراعه ولا دراعتين
البنات : قاموا امسكوا الملاس وانهالوا عليها بالضرب

عمشه .. ومن اليوم ابكي قلت البنت عندها سالفه واثر ماعندها غير الدجه
ريميه .. بين ايدهم .. التوبه التوبه خلاص اتمنى اني اعرس
هله: يعنى الاخت كحلتهاا
ريميه.. وتقوم.. خلاص مافي حلوه
جميله: ماكفاك الضرب
ريميه .. وتتتذكر الضرب : أي والله لا خلاص بجيب الحلوى

وعقب ماتجمعوا وضحك وناسه واغاني ورقص وقصيد وهيصه
احتفالا بالماكينه وهي لالحين ماجت شلون لو جت

بعد مرور ساعه وصلت امهم ومعاها الاغراض حطتها عند الباب ووصت البنات وعقبهاا طلعت

جلسوا البنات يفكرن بميدلات يخيطنهاا

ريميه .. تمسك الدفتر تسجل فيه .. عشانك يا حوريه حبيبتي بخيط لك 60 ريال
حوريه: وانا منين لي 60 ريال اصلن توقعتها منك ببلاش
ريميه: ببلاش وشهوله فتحت خياطه اقول لايكثر احمدي ربك خام من عندي ومديل
وشتبين بعد..؟..
عمشه: بس اسعارك غاليه
ريميه: وش اسوي اجار محل واكل عيش
جميله.. وتضربها .. هي انتي علامك يابهيمه وشو اجار محل
ريميه: وتغمز لها بعينهاا .. اكذب عليها عشان ما تذيناا
هله: ياكثر اهبالك ريميه .
جميله: خلاص بنات انا بكتب قيمة بلاسعار وبعلقها بالطوفه
ريميه: اكتبي اخر الاسعار تنزيلات بمناسبة شراء مكينه

..القائمه ..

** تصميم موديل مع خام من عندنا بي 60 ريال < ولا يكر هرجكن
** خام من عندك زائد موديل من عندك بي 20 ريال
**خام من عندنا ومديل من عندك بي 30 ريال
** خام عندك وتصميم موديل عندنا بي 25 ريال< الاخت ايلي صعب
الزين عندنا والشين حاولينا
لسنا الوحيدون لكننا الافضل

((خياط الرزق على الله ))
مصممين: ريميه صعب وجميله البدوي

طبعا البنات انبسطوا واستانسوا وخيطوا كل وحده لها ثوب على قد فلوسهاا
وراحوا لبيوتهم

ريميه : خلاص مني ورايح انا اشتغل بالخياطه وانتي بالبيت والاشراف على راحتي
جميله: احسن لاني ماحب الخياطه واجد
ريميه: يالله قومي
جميله: وين
ريميه: اشرفي على راحتي
جميله: مالت عليك خرعتيني احسب عندك شي
ريميه: هاتي لي ماتبقى من الحلوى
جميله: مابقى شي
ريميه: انزين رتبي البيت على ما اخلص من خياطة الملابس
جميله: وتعرفين تخيطين
ريميه: قبل كنت اطلع الاولى بالخياطه والبنات يرسبن
جميله:يالكذوب اصلن الخياطه ماهي اساسيه
ريميه .. وترقع الموقف.. المهم كنت شاطره

وقطع عليهم سوالفهم دخول ابوهم عليهم قاموا البنات يركضون يحبونه
وجلسوا سولفوا معاه وبعدهاا بدون سابق انذار طاح والدهم بين ايديهم مغشي
عليه

ريميه: يبااا يباا
جميله: روحي نادي احد نوديه المستشفى
ريميه : لبست عباتها وراحت تركض بالشارع مجنونه

وصادفت ولد راعي البقاله جالس عند باب بيتهم ويكلم بجواله

ريميه .. ابراهيم تكفا انا طالبتك
ابراهيم : وطاح الجوال من ايده : ريميه فيك شي
ريميه .. وهي تبكي:ابوي ابوي
ابراهيم: شفيه شفييييييييييييييه
ريميه: طاح علينا تكفا ودى المستشفى

ابراهيم بدون تفكير راح شغل سيارته وقال لها انا جاي بقرب من باب بيتكم

راحت ريميه تركض لبيتهم وهي في حاله يرثى لهاا

ابراهيم دخل البيت وشال ابو يوسف ودخله سيارته وراحت معاه ريميه وجميله

وصلوا المستشفى ونزلوا وقام يركض ابراهيم يجيب السرير
وعقبها دخلوا ابو يوسف للطوارئ وجلس هناك حوالي الساعتين
وريميه وجميله ميتات بكي وابراهيم يحاول يهدي فيهم ..؟..

وبعدها طلع الدكتور

ريميه: دكتور هاه بشر
الدكتور: والله تدهورت حالته اكثر من اول ولازم يسافر برى يتعالج
جميله: تدهورت حالته ليه هو فيه شي
ريميه: بس الوالد ماهو مريض
الدكتور : كيف ماهو مريض وهو قبل مدة اكتشفنا فيه مرض سرطان الدم

نزل الخبر كالصاعقه على راس ريميه وجميله اللي زاد بكاهم

ابراهيم . وهو متضايق من الدكتور: هذا اسلوب تعلم فيه مرضاك بمرضهم
الدكتور.. وهو متوتر : انا اسف بس كان لازم اقول لهم لان ان جلس اكثر راح يموت

رجعوا البنات بيتهم وهم متضايقات حدهم ما امداهم يفرحون برجعه ابوهم الا جاء
خبر مرضه مفاجئ له

درت ام يوسف بالخبر وباقي العايله وكانت فاجعتهم اقوى من فاجعت البنات

ريميه: ابوي لازم يتسفرولا بيموت
ام يوسف.. منين بدبر فلوس منين
جميله: يما تسلفي
ام يوسف: وتزيد علي الديون
ريميه: تزيد ولا ان ابوي يموت انا مستعده اشتغل معاك لين نوفر علاج ابوي
جميله: وانا بشتغل على المكينه
عمر: وانا بوقف دراسه وفلوس الدراسه بنحطها لبوي وبشتغل لين ابوي يرجع لنا
يوسف .. كان يناظرنا .. وتمم بأشراته انه بيوقف معانا وبيشتغل
ام يوسف: لا ياعيالي انا بطلب من المعزب واشوف كم بيعطيني وبتنحل المشكله
بس مابي ولا واحد فيكم يفكر اني بتخلى عن ابوكم لا انشالله راح يرجع لنا ابو يوسف متعافي وغانم..؟..

...........................

ابو طلال: لا حول ولا قوة الا بالله
ام يوسف.. وتطيح على رجوله .. طلبتك يابو طلال تساعدني
ابو طلال.. حاول يبتعد عنهاا : خلاص يا ام يوسف بيتعالج انشالله وعلى حسابي
ام يوسف : جزااك الله كل خير
ابو طلال: بس على شرط تمضين على عقد انك اخذتي مني فلوس
ام يوسف : انشالله من عيوني امضي على مجلدات بس يرجع لي ابو يوسف
ابو طلال: ابتسم .. خلاص بكره مريني اعطيك الشيك

طلعت ام يوسف من مكتب ابو طلال وصادفت طلال على الباب اللي ابتسم لما شافها

طلال: نورت الشركه يا ام يوسف
ام يوسف: منوره بوجودكم
طلال: وينك اليوم
ام يوسف.. وبان عليها الحزن: في الدنيا

طلال وقف وهو يشوف ابوه يبتسم وبمكر وحس ان ورى هالابتسامه اشياء

طلال: يباا شفيك
ابوطلال: ولا شي بس اصرف لي شيك بمبلغ 50 الف ولا اقول لك خلهم 90 الف
لام يوسف
طلال: اووووف كل هالمبلغ لام يوسف ليش وش سوت عشان تعطيهاا
ابوطلال: تصدق انها اخدمتني كثيييييير وزاحت عني هم كبير ووضعي في احراجات
طلال: اخدمتك بشنو وليش كل هالفرح
ابو طلال: بتعرف بوقتهاا بتعرف انشالله المهم اصرف هالشيك بكرى اللقاه على مكتبي ..؟..
طلال: حاااااااااظر .

» روايـــــــــة الرزق على الله الجزء 7
» روايـــــــــة الرزق على الله الجزء الرابع عشر
» روايـــــــــة الرزق على الله الجزء الخامس عشر
» روايـــــــــة الرزق على الله الجزء الثاني
» روايـــــــــة الرزق على الله الجزء الثالث