Labza.Salem Admin
عدد المساهمات : 43954 نقاط : 136533 تاريخ التسجيل : 12/09/2014 العمر : 29 الموقع : سيدي عامر
| موضوع: نصائح لحرق الدهون وبناء العضلات,لياقه بدنيه,بناء العضلات الجمعة 3 مارس - 17:49 | |
| نصائح لحرق الدهون وبناء العضلات,لياقه بدنيه,بناء العضلات
نصائح لحرق الدهون وبناء العضلات
خليك نشيط
أول نصيحه هى انك تقوم من على الكنبه وتروح الجيم او حتى اتمشى فى الشارع او فى النادى، ممكن تعمل تمرينة الـ pushups وتمرينة الـ lunges فى البيت، المهم انك تتحرك! لو انت فاكر انك محتاج لساعات وساعات كل يوم علشان تتمرن، تبقى غلطان، لان كل اللى انت محتاجه هو 10-15 دقيقة تتمرن او تتحرك او تعمل stretching او تعمل تدريب الـ bodyweight لأنك حتلاقى نتيجه الحركه والتمرين على اخر الأسبوع، أبدأ ببطء وأتمرن 3 مرات فى الأسبوع ومع تقدم تدريبك ممكن تتمرن 4 او 5 مرات فى الأسبوع لو عايز، أتبع النصيحه دى كل أسبوع على مدار شهر و3 شهور وسنه، خليك نشيط ومثابر!
التقدم
أفتكر دايماً، أن كل البرامج التدريبيه بتكون فعاله لفتره معينه، فده الوقت المفروض تدور على برنامج رياضي جديد او تتعلم ازاى تعمل برنامج رياضى خاص بيك.
أكتر الطرق الشائعه لتزويد الـ intensity بتاعت أى تدريب:
تعديل فتره الراحه.
نوّع فى الـ load.
زود من سرعه الحركة.
أنتقل من حركات isolated لحركات مركبه (compound).
أكتب الأكل اللى أنت بتأكله فى Journal
الطريقه الوحيده أنك تفضل مستمر فى الدايت/الرجيم، هو انك تشوف أنت بتأكل اد ايه كل يوم، لو انت كتبت الأكل اللى أنت بتأكله فى Journal، حتندهش بكميه الأكل اللى انت بتاكله او مش بتأكله، شويه نصائح بسيطه مع الدايت، كُل أكل جودته عاليه ومصدر من مصادر البروتين كل ساعتين وخلى أغلبيه الكربوهيدرات المركبه تكون فى أول وجبه والوجبه اللى بعد التدريب على طول، كمان خلى هدفك أنك تشرب جالون ميه يومياً وقلل من المشروبات السكريه وانت حتلاقى نتيجه وتتحمس لاستمرارك على الدايت والتدريب.
أكتب التدريب اللى انت بتتمرنه فى Journal
زى ما أنت حتكتب اللى انت بتأكله فى Journal أكتب كمان اللى انت بتتمرنه، لو انت مش عارف أنت عملت ايه، أزاى حتعرف توصل لهدفك، الكتابه حتوضح لك الـ weights والتمارين اللى انت عملتها قبل كده علشان متكررش التدريب.
أحسن حاجه تقدر تستخدمها هى النتيجة، لأن التواريخ مكتوبه جاهزة فى النتيجة، أنت ممكن تختار واحده فيها مكان تكتب فيه اليوم بيومه، ونوع النتيجة اللى مطبوعه بالأسبوع.
أهتم بالتوازن
المفروض تصمم برنامج سليم بيعتمد على أساس توازن بين الحركات والأنماط الحركيه، لازم توازن بين حجم حركه الدفع والسحب،وبكده تضمن ان مجموع العضلات والمفاصل مضاده وقويه وأن الجسم بيخلق شد مناسب لما تتاح لك الفرصه للتغلب على الـ weight.
عدم التخصص
لو انت عايز تبنى عضلاتك وتقويها، عندك أختيارات كتير، المشكله ان الـ lifters بيستمروا على برنامج واحد لفتره طويله ومن غير أى تغيير، الاحسن انك تتحدى نفسك دائماً!
لما نيجى نتكلم عن الرياضيين بكل أعمارهم، هما بحتاجوا تدريبات متنوعه، ساعات الرياضيين المتخصصين بيعتقدوا ان تدريبهم هو أحسن تدريب وان الناس كلها المفروض تعمل تدريبهم بس، مع ان ده غلط خالص.
أيوه انت تقدر تقوى جسمك وعضلاتك بالـ kettlebells و الـ barbells والـ dumbbells، كل الأدوات دى فعاله، بس هما فى الأخر أدوات رياضيه وبتعتمد على كيفيه استخدامك لها أثناء التدريب.
التعافى والـ Warm-Up
جلست قبل كده على الـ lacrosse ball علشان تحسن من جودة ولياقة الأنسجة الرخوة؟ المفروض تستخدمه، هو فعال (بسبب كثافته) للتخلص من جروح الأنسجه و بتساعد على التئام الأنسجة.
مهم أوى انك تستخدم foam rolling (و laX balls) مع كل تدريب او فى الأيام اللى انت مش بتتمرن فيها، لأنها حتحسن من قوه واداء جسمك، أدوات رياضيه تانيه زى foam:
الـ stick
الـ foam rollers
كرة التنس
كرة الجولف
الأصرار
لازم يكون عندك اصرار علشان تتابع اى برنامج رياضى، من غير العزم والأصرار والدعم (من الأصدقاء او من Twitter او من Facebook) انت مش حتقدر تكمل، لو انت جاد على تغير حياتك لازم تكرس نفسك للتغيير يومياً، قول لنفسك وللناس عن أهدافك علشان تحققها! أوعى تستسلم ابداً! |
|