الإثنين 15 مايو - 11:57 الإثنين 8 مايو - 22:14 الأحد 19 أغسطس - 16:42 الأحد 19 أغسطس - 15:17 السبت 18 أغسطس - 17:10 السبت 18 أغسطس - 17:00 السبت 18 أغسطس - 16:56 السبت 18 أغسطس - 14:52 السبت 18 أغسطس - 10:07 الخميس 16 أغسطس - 17:02 الخميس 16 أغسطس - 16:54 الأربعاء 15 أغسطس - 18:13 الأربعاء 15 أغسطس - 18:08 الأربعاء 15 أغسطس - 10:21
صور مكياج للعروس , الوان انيقه لمكياج للبنات كولكشن ميك اب للسيدات, ميك اب السيدات روعه , ميك اب للسيدة الانيقة ، ميك اب جان كيوت ، ميك اب للجامعة ، ميك اب صباحى ، ميك اب حفلات ، ميك اب سهرات ، ميك اب خفيف للبيت
كنت عايزة اوضح ان لو عايزة الجلوس يبقى غامق لان الفازلين بيخفف اللون يبقى تحطى سنة اى شادو بسيطة اسود او بنى حسب اللون اللى هتستخدميه وده شكله على الشفايف وهو فاتح وده شكله بعد ماغمقته اصلى جاتلى استفسارات من اخواتى هنا بيسألو ازاى نعمل لون غامق احمر او نبيتى انا عندى فوشيا ودى نتيحته وهو فاتح وغامق انا نسيت اوضح علشان دايما بعمله فواتح بس
المهم بقى خط ومن اول السطر النهاردة هقولكم عن الايلاينر المعلومة دى قريتها فى موقع اجنبى واول ما قريتها قومت جربتها انا هخسر حاجة لقيتها فظيعة فعلا وخصوصا ان الايلاينر بتاعى خلص من مدة والازمة الاقتصادية العالمية وصلت جيبى ولازم اتصرف الجيش قالك اتصرف كل اللى هتحتاجيه هو اى شادو اسود او اى لون تحبيه وقطرة عين ايوه قطرة وبس زى كده معلش حاجتى عرة شوية بس والله اللى موجود عندنا اسيوط فقيرة جدااا فى موارد الميك آب دى انواع القطرة اللى موجودة عندى دلوقتى ومش غاليين خالص اصلى بلبس نضارة ومش بستغنى عن القطرة ابدااااا وماعنديش غير الفرش دى لكن لو فرشه ايلاينر قديمة طبعا هتبقى احسن خاااالص لكن اعمل ايه الشاطرة تغزل برجل حمار بقى تحطى نقطتين من القطرة فى غطا صغير وتغمسى الفرشة فيها بعدين تغمسيها فى الاى شادو وتقلبى شوية لحد ما يتمزجوا وترسمى بقى زاهية خالص بتبقى زى كده ومش بس ايلاينر انا كمان فرشة الاي شادو بليتها وحطيتها فى الشادو ورسمت بيها جفنى عادى خالص وبفرشة كبيرة تدمجى الالوان بتثبت بشكل عارفة حديد عز؟ الشادو اصلب منه بشوية والصور دى لما رسمت بيه وجربته فى كل الالوان اللى عندى وبالمناسبة انا كمان عملت البتاع اللى راسمة بيه حواجبى ماعرفش اسمه شادو ولا جيل وكمان عاملة لون بنى لبنت عمى علشان شعرها اصفر والله يا جماعة انا عينى بتحمر من اقل حاجة ولو قعدت من غير قطرة 5 او6 ساعات بتبقى حمرا حتى شوفوا لكن لما حطيته جوا عينى ماحمرتش ولا حاجة بس لاحظوا فى الصور انا ماقدرتش اعمل خط رفيع علشان فرشتى تخينة
الإثنين 15 مايو - 11:57
