5 اسباب مش بتخلى تمرينة الـsquat فعالة,اخطاء تمارين السكوات

5 اسباب مش بتخلى تمرينة الـsquat فعالة,اخطاء تمارين السكوات

5 اسباب مش بتخلى تمرينة الـsquat فعالة !

مش بتحصل على النتائج اللى انت عايزها يا فورما من اقوى تمارين للرجل؟ ممكن انت بتعمل الأخطاء دى:

هنا يلا فورما حتقولك على الـ 5 اسباب مش بتخلى تمرينة الـsquat فعالة والحاجات المفروض تعملها علشان تبعد عن الأسباب دى وتحصل على تمرينة squat فعالة وتقوى رجليك.

عدم الأستقامة والتوازن

انت بتفتكر انها حاجة صغيرة بس دى من الأساسيات: لما تكون تحت الـsquat bar، اتأكد ان ايدك ووسطك ورجليك عاملين خط مستقيم ومتساوى علشان تحصل على اداء ونتيجه أفضل.

مش بتحدد أولوياتك صح

علشان تعمل تمرينة squat اكتر بتحتاج انك تنظم اللايف استايل بتاعك حوالين التغذية الصحية والكويسه والنوم الكافى وتنظيم جدول تدريبك على مدار الأسبوع، لو أولوياتك الاولى هى انك تزود من تمرينة الـsquat، يبقى المفروض تخلى تمرينة الـsquat فى يوم الظروف فيه مناسبة للتمرين، مثلاً لو كل يوم خميس عندك 6 ساعات اوفر تيم فى الشغل شغلك بيحتاج طاقة جامده علشان تخلصه، بيقى اليوم ده مش المفروض تعمل فيه تمرينة الـsquat.

Walkout غير فعال

انت مش متتمشى فى نادى، ده تمرين squat يا فورما! قلل خطوات مشيك على قد ما تقدر وانت معك الـweight، عدد الخطوات ما يزيدتش عن 3 خطوات، اول خطوة علشان تبعد من على الـrack، تانى خطوة علشان تحط رجلك اليمين، تالت خطوة علشان تحط رجلك الشمال فى نفس مستوى رجلك اليمين وتكون فى وضعية الـsquat، المفروض تحط طاقتك فى تمرينة الـsquat مع الـbar، مش فى المشى.

مش بتشد جسمك كويس

ان انت ترخى جسمك كويس جداً للرقص فى الأفراح، بس وانت بتعمل تمرينة الـsquat المفروض تنسى الموضوع ده خالص وتشد جسمك كله من اول الراس لحد الرجلين، لأنك لو ما شدتش جسمك كويس ممكن يقلل من قوتك اللى انت بتكون محتاجها علشان ترفع اقصى barbell weight فى تمرينة الـsquat، شد جسمك، خليك مشدود، اعمل squat شديد.

ما تمرنتش كفاية على التكنيك

لو كل مرة (rep) بيكون شكلها مختلف، بيقى انت مش بستفاد من تمرينة الـsquat، تمرينة الـsquat عايزة مهارة، كل مرة (rep) وكل مجموعة (set) بتحتاج انك تشوفها على اساس انها بتقوى التكنيك بتاعك، ومش بس كده، احنا كمان محتاجين تأثير التدريب، كل تمرينة warm-up وعدد المرات (rep) والمجموعة (set) بيكونوا فرصة كويسة علشان تحسن من التكنينك بتاعك فى تمرينة الـSquat، فاستفاد من النصائح دى يا فورما علشان تحسن تمرينة الـsquat.

» ما هى تمارين السكوات,فوائد تمارين السكوات للجسم,تمرين السكوات لبناء العضلات
» احذري هذه الاخطاء بأيام حميتك ـ اخطاء الرجيم ـ اشهر اخطاء الرجيم للبنات
» خمس طرق طبيعية فعالة لشفاء الجروح والاصابات بسرعة أكبر - 5 طرق طبيعية فعالة لشفاء
» اخطاء صلاح الدين الايوبي
» اهم اخطاء وجبة الفطور ، Most mistakes breakfast