ماسكات للبشرة , ماسكات طبيعية للعناية بالبشرة الجافة في الشتاء

نقدم لكم فى هذا القسم كل مايخص بوصفات للشعر والبشرة
ماسكات للبشرة , ماسك لنضارة البشرة , ماسكات لصنفرة البشرة , خلطات منزلية للبشرة , خلطات لتفتيح لون البشرة , ماسكات لتوحيد البشرة , ماسكات لجمال البشرة




كل واحدة بتحلم ان بشرتها تبقي ناعمة ونضرة وجذابة لكن علشان البشرة هي اكتر منطقة مكشوفة في جسمنا فهي من اكتر المناطق اللي بتكون معرضة للضرر بسبب تغيرات وتقلبات الجو, وطبعا مع برودة الجو في فصل الشتا البشرة الجافة بيكون ليها نصيب كبير جدا من المعاناة من الحكة والاحمرار غير التشقق والجفاف الشديد ,علشان كده البشرة الجافة هي من اكتر انواع البشرة اللي بتحتاج للعناية والترطيب المستمر في الشتا,تابعينا علشان تعرفي وصفات منزلية للعناية ببشرتك الجافة في فصل الشتا.



1-ماسك بياض البيض والعسل:
مكوناته:
معلقة بياض البيض،معلقة عسل,معلقة زيت عباد الشمس.
طريقة التحضير:
-اخلطي بياض بيضة واحدة في وعاء صغير لحد مايبقي غليظ شوية.
-خدي معلقة من العسل مع معلقة من زيت عباد الشمس واخلطيهم مع بياض البيض.
-حطي الخليط ده علي وشك وسيبيه لمدة ¼ ساعة وبعدين اغسلي وشك بمية دافية.


2-ماسك الموز والزبادي:
مكوناته:
2 موزة,معلقة عسل,1/2 كوباية زبادي.
طريقة التحضير:
-اخلطي المكونات مع بعض في وعاء.
-حطي الخليط علي وشك وسيبيه لمدة 1/3 ساعة او لحد ماينشف وبعدين اغسلي وشك بمية دافية.


3-ماسك القهوة مع الكاكاو:
مكوناته:
معلقتين بن مطحون،معلقتين مسحوق الكاكاو,3 معالق لبن،معلقة عسل.
طريقة التحضير:
-اخلطي المكونات مع بعض في وعاء.
-حطي الخليط علي وشك واستني لمدة 30 دقيقة وبعدين اغسلي وشك بمية دافية.







4-ماسك الافوكادو:
مكوناته:
½ حبة افوكادو,1/4 كوب من العسل.
طريقة التحضير:
-اطحني ½ حبة الافوكادو في ¼ كوب من العسل.
-حطي الخليط علي وشك واستني لمدة 10 دقايق وبعدين اشطفي وشك بمية باردة.