صدور الدجاج المكرمله بالصور 2014 ، وصفه دجاج لذيذه وبسيطه 2015

صدور الدجاج المكرمله بالصور 2014 ، وصفه دجاج لذيذه وبسيطه 2015

| الطريقة والمقادير مع بعض | :

صدر دجاج نقطعه بالنص عشان تصير عندنا شريحتين رقيقتين .
ممكن تدقونه بعدين عشان يرق أكثر بس عن نفسي ماسويت كذا .

عصرت عليه نص ليمونه وخليته يتتبل يوم كامل .

بعدين ناخذ الدجاج ونبهره بفلفل أسود وبابريكا وملح .

ونغمسه بطحين - الطحين بعد نذر عليه شوي فلفل أسود وبابريكا -

وبعدها نغسمه ببيض - البيض نفس الشي نذر عليه شوي فلفل أسود -

وبعدها نحطه على طول بالمقلى نكون حاطينه على نار متوسطه من أول وفيه زيت شوي .

نخلي الدجاج 5 - 6 دقايق وبعدين نقلبه للجهة الثانيه .

لما يستوي ويتحمر شوي نشيله ونحطه بصحن ,

الحين بنفس المقلى نضيف كاس ماي مذوبين فيه نص مكعب ماجي ,
ونضيف عليه ربع اصبع زبدة وشوي بقدونس مفروم وشوي فلفل أسود وممكن ملح بس أنا استغنيت عنه عشان الماجي مالح .

ونحركه لما تذوب الزبده ويبدا يثقل شوي بس .

في هالمرحله نضيف الدجاج عليه ,

ونقلبه شوي ونخليه لما يبدا الصوص يثقل مره مثل هنا شوفوا الفرق - أضفت شريحة ليمون تعطيه نكهه خفيفه -

وبعدها نقدمه .

* ملاحظه :
طبعاً بما إن قليناه ع الطبقه اللي فيها بيض , فتوقعوا يكون فيه نكهه خفيفه .

--------------

المقادير:

- قليل من الكركم - بصلتين مفرومتين -
دجاج مفروم - بيضتان مخفوقتان - فلفل اسود مطحون
- ربع ملعقة شاي فلفل احمر مطحون - 2ملعقة طعام طحين
- بقسماط - نصف ملعقة شاي فلفل اخضر حار مفروم - زيت للتحمير
- نصف ملعقة شاي ملح

الطريقة:

تُفرم البصلتان وتضاف الى الدجاج المفروم تُضاف اليهما الكركم والفلفل الاخضر والاحمر والاسود والملح والبيض المخفوق يوضع الخليط في الفريزر لمدة ربع ساعه على الاقل تشكل العجينه على هيئة كرات وتُغرس في البيض ثم الطحين او البقسماط وتقُلى في الزيت .. وعليكم بالعافيه.....

------------------------------

كبده

1- وهي عبــــاره عن / كبدة غنم كامله ومقطعه على حسب الرغبه >> مكعبات أو طوليه ...

+ بصله كبيره مقطعه مكعبات + طماط مقطع مكعبات + بهــــــــار >> ( كمون + فلفل أسود + بزار لحم + ملح ) ...

*** وممكن إضافة فلفل رومي مقطع مكعبات أو ثوم مهروس >>> على حسب الرغبه ...
وراح يطلع لذيذ .. بس انا ما أضفته لأن زوجي ما يحب الثوم أو الفلفل الرومي

2- وهنــا حمسنا البصل مع زيت السمسم لأنه يعطي طعم أفضل ,,, وممكن أستبداله بزيت الزيتون أو زيت الذره ...

3- وهنــا بعد ما ذبل البصل أضفنا الطماط ...

4- وهنـــا أضفنا البهارات ونتركه شوي ..

5- ثم نضيف الكبده ...

6- نحركه شوي ثم نغطيه ونتركه 3 دقايق فقط ..

7- وبعد ما رفعنا الغطاء .. لاحظنا انه ما يخذ وقت أبداً في النضج ,,,ونطفي النار للتقديم ..

8- وضعناه في صحن تقديم ... ونزين على الوجه كزبره مفرومه .. ويقدم مع الخبز

وممكن تقديمه مع صوص الطحينه >> ( طحينه سايله على حسب الكميه + لبن او زبادي + عصير ليمونه + فلفل اسود وملح + قليل من الماء )