كراتان شرائح الدجاج بالخضر

كرتان شرائح الدجاج بالخضر ~_^

السلام عليكم يا قمرات

كيفكم يا غاليات

صدر الدجاج شرائح

خضر

انا استعملت البطاطا والكبوية الصغيرة

البطاطا تكون صغيرة مقطعة دوائر

والكبوية الى كانت كبيرة تقطع دوائر والى كانت صغيرة تقطع طول
انا رشيتها بالملح والفلفلة شي ساعة قبل الطياب باش تجي لذيذة

العطرية

الملح-الفلفلة-سكنجبير-خرقوم تحميرة
واعشاب منسمة (زعتر -هيل-بصلة بودرة )

نحتاجو صوص بشاميل-فرماج محكوك-ثوم-نصف عصير ليمة-زوج معالق كبار زيت الزيتون
وزوج معالق كبار دانون مسوس

نسيت مصورتش الليم والزيت والدانون

نوضع العطرية مع الدجاج والدنون ضروري

نخلطوه ونخلوه على الاقل شي ساعتين

ناخدو كسكاس نستفو البطاطا مملحة في الاول

ثم نستف الكبوية ونعملوها تفور

الى بغيتو تدوزوها في الزيت خليوها شادة راسها
والى بغيتوها غير مفورة خليوها تفور مليح
انا مندوزهاش في الزيت

من بعد مارتاح الدجاج نقليوه في الزيت مليح
غادي يجي فتي ودغيا يطيب بسبب دانون

من بعد موجدنا كلشي نبداو في التستاف

فيهاد الوصفة تجي لصوص بشاميل شوية جارية انا سهيت عليها وقصاحت
مبقاليش لحليب باش نخففها

نديرو طبقة خفيفة من البيشاميل

ونستفو نصف الخضر انا درت غير شوية نتاع الخضر على حسابي

ونستفو الدجاج كله

نزيدو طبقة اخرى من الخضر

نصبو باقي البيشاميل ونديرو فوقه الفرماج
وتدخل الفرن شي ربع ساعة

هاهي يله خارجة سخونة وبالصحة