نفسي يا الهاملة واش تساليني

نفسي يا الهاملة واش تساليني
نفسي يا الهاملة واش تساليني

يا نفسي بالله واش تساليني****هاذ العبد ضعيف ما يقدر لبلاك

طغيتي يا نفسي علاش عميتني**** انت لا تجري وانا غي موراك

تبعتك فالراي ولا نهيتني****وتقولي يا صاح من ذالشي بركاك

ديتيني لنار ثمة دفعتني*****ماشفك ذالحال ما قلتي بلاك

بشر المعاصي حلاو غويتيني****بعد التوبة راه رجع خيك بعكاك

ما صليت الفرض مفروض فديني**** ويقول الاله طايعني هذاك

ما صدقت عشور وزكيت حفاني****تابع الملعون بانيلي للشراك

يراعي كيف انقوم باش يطيحني****منك يا دنيا يعدلي فهواك

لبدا على الفجور دافع دامرني****كي نغلط يقولي منها بركاك

دخلني لبحور ظلمة صرطتني***عايش نتلاطم من ذالهم لذاك

تخبلي غزلي و كثرة محاني*****كبة حياتي تخبلت بالتشباك

ما ساعفت ابا وما ولدتني****يا ويل العاصي ماذا ما يرجاك

ماني مولى راي والزهو شمتني***نتبع في لرذال جاهل ومشكاك

نطلب الاله سيدي ثبتني****بطريق الرشاد نتمسك تمساك

نخطي طريق بليس ذاك الشامتني****ونقوم الصلا ما فيها اتراك

نحسن بالجيران و من يعرفني****يضربو لمثال ويقولو هذاك

نتواضع للخلق ربي يرفعني***ونولي محبوب ويقولو هذاك

بصلات الرسول نختم ونثني****عدد الحجاج من قصدك و جاك

يا لي راك تسال باغي تعرفني**** عبد الله اسمي عمره ما يخفاك

بقلم عبد الله بحوصي

» بحث نفسي عن انواع الشخصية
» صدفة وحدت نفسي هنا
» يا نفسي واش بيك راكي تأمري
» يا عبادي إني حرمت الظلم على نفسي
» يا عبادي إني حرمت الظلم على نفسي