بسم الله والصلاة والسلام على رسول الله.
نقدم لاخواننا في المنتدى الحبيب هذه القصيدة الزجلية من نظم شاعر بني كيل الميلود بوصلعة والتي تحمل عنوان.معين الزمان
اود ان تنال اعجابكم والسلام.
معين الزمان
نبدا بسم الله رب العالمين....هي باب الفتوح وبيها نبدا
والصلاتو عليك يا جد الحسنين....ربحوا من صلاو منها عددا
وطلبتك يا الله واتيا المعين....سلكني يا كريم في هاذ الشدة
سبحانك يا الله وانا حقي وين....والحمد لله نحمدو حمادة
يا سامعني اسمع راه القلب حزين....طال عليا الحال والزهر تقاضا
الشيب اكساني وطياح السنين....ما اقطعت اياسي وباق ي ليفادة
وين امعين الزمان وين ارجالي فين....ولي ما عندو رجال هوموه لعدا
فارس واحدو ما قنع الفراجين....واتخصه اجماعتو عن الرفدة
هاذ المعنى احكيتها للعرافين....يا من تفهم القاصدة والمقصودة
.... و شلا وحدين....والدنيا كلها تعرف ذا من ذا
اجباح بلا عسل خاوية غي طين....واحد عامر من اجباحو والشهدة
واحد عطاه ربي الدنيا والدين....والرزق مع لولاد والعبادة
والدار بلا ولاد اصمك بلا وذنين....حسو مقطوع خالي مرة وحدة
ما عندو من يرغى ولا اينين....لا من يبكي عليه في يوم الصدة
لا صدقة قال ذي للوالدين....والرحمة فالكريم ثمة موجودة
صيري فوق الصبر طال على لسنين....ولي فاتني اليوم نيتناه غدة
صبري صبر الكفيف ما عندو عينين....ما شايف طريق منين ولا يغدا
صبري صبر اليتيم مذبل الخدين....متشوق من والديه مجروح الكبدة
صبري صبر جمال يبكو رغي حنين....هما من صابرين ل هم العمدة
صبري صبر الرجال المجاهدين....ضحاو على الدين ماتو شوهادة
صبري صبر الحديد فيد الحدادين....اجمارو قاوية نارو متصهدة
صبري صبر غريب من المهجورين ...هاجر اوطانو بلاده بعيدة
صبري كي المظلوم من المسجونين ...اصوارو عاليين صبره اتقاضى
حيوك بلا لساس لا بنيان متين...وجري بام ما هي معدودة
طلبوا معايا الله و قولو امين.... وجميع لي سمع هاذ المنشودة
ترحم الوالدين و المقربين....وكل العبادة يمشو سوعادة
كاتب ذو لشعار و لي منظومين....بوصلعة الميلود ناظم لقصيدة
الإثنين 15 مايو - 11:57
