يا دار الغرور ويا الغرارة

يا دار الغرور ويا الغرارة
صلي وسلم ياربي على الرسول.....صليو يا حضرة على صاحب الفرقان

صلي وسلم ياربي على الرسول......صليو يا فقرا  على الطاهر  العدنان

لي بوجادي  ما   يكونشي  منو......والتابع  الدنيا  هذاك  غي   غفلان

يا    راقد   فيق   قوم   لرفيق......صلي     الفجرية  تنال   الايمان

نوصيك يا فقير خطيك من النوم......والنوم    الياسر  مكايد   الشيطان

ويلا بغيت تحير  دخل  الحضرة......في   هواهم  غيب  ناس  العرفان

مذا تشوف عجب لحضرتهم رغب.....القلب يصبح رطب بذكر الرحمان

ويلا بغيت تغيب صلي على الحبيب..لي كان جاك صعيب تساهل الطرقان

مذا رقدت ايام مذا ارقدت   شهور...مذا خطيت فضايل من نعايم الرحمان

مذا رضيت النفس غرارة  المغرور.....يا طايع  الهوى  طيع  ل الرحمان

ربي  ويا   سيدي   ويا   ضامني ....والضامنو ربي قلبو  مناش  يخاف

يا تابع   الدنيا  خليك  من  لهواس.....ويلا  خطيت الشور عليك بالعدنان

صلي وسلم ياربي على الرسول .....صليو يا حضرةعلى صاحب الفرقان

نفسي  ويا  نفسي  و ياالغارة  بيا......والتابع  غي نفسو  يطيح   فالنيران

نفسي ويا نفسي ويا  اللاعبة  بيا.......انت  و   الهوى  وزاد  الشيطان

يا  دار  الغرور   ويا   الغرارة.......ولي  يتيق  فيك   غواه  الشيطان

لي    يتيق  فيك  يحاسبو  ربي .......يرجاه الصيراط  ويرجاه  الميزان

يا بنادم توب بركاك  من  العيوب.......توب  لرحمان  يرجاك  بالغفران

صلي يا ربي صلي على المحبوب.......مولاي  محمد  صاحب  القران

تمحي يا ربي  وتغفر  كل  ذنوب.......لشيخ  عبد الله  لي ناظم  الميزان