قاضي الحب
جيتك رافع دعوتي يا قاضي الحـــب.........وتغيث المضيوم داخل تحت حمـــــاك
لاتغبن مظلوم يتجلى هـــــــــــــارب.........جار عليه الحب مثلي وتعنـــــــــــــاك
عيني شافت ريم كي طاح المغـــرب........كيما شفت شافني ما نيشي شــــــــــــاك
بالومية نابيتلو لي وجــــــــــــــــــب.........كي كلمتو قال لي فاهم معنـــــــــــــــاك
ناباني ب العين وبشارة تعجـــــــب..........قال تنكب حاذر الحســـــــــــاد وراك
وهمنا ذا الناس بالسربة تعــــقــــب.........وتلاقيت بشوفتي ســــــــــا عة من ذاك
عدت انجيب كلام ما هوش مصاوب.......مقواني قدام باشا من الاتـــــــــــــــراك
اعرفني مخلوع منو متــــــرهــب..........كلمتو بعض الكلام وقــــــال ادزاك
انظرني بعيون قتالة تعطـــــــب.............راه مقلق ما جبرت معا ه ســــــلأك
جات الظلمة بينا والحال غصب.............هو راح سليم وانا زدت اهــــــــلاك
هذا ما قال لي ع الصح مرتب..............شوف جواب خليلتي وعمل مرضاك
اعدل فيما بينا دير الواجـــب................اذا ربيت القايمة رب يرعـــــــــــاك
قال لها واعلاه يا كحل الحاجب..........اتواسي لو هكذا خافي مــــــــــولاك
قالت لو مجنون يصحى ويغيب..........لا تاذلو راي ب الباطل شكــــــاك
صدت لي قاتلي مالك تكذب..............ياك انا فالشاو مانعرفش اسمـــــــــاك
ما نقدرش انقول ذاك الفم كذب..........لكن عدينا ليالي انا ويــــــــــــــــــاك
عندي شاهد ما يزيف ما يكذب..........هذا القلب اللي مكوي بيه جفــــــاك
تدلل بكلام عني وتمقيب..............قالت لي من يعرفك هذا تهمــــــــــــاك
ولد الخيمة عيب عنو كان انسب.......اذا غابت نسبتي سالي بـــــــــــاباك
انديرو ما بينا ربي راقب...............اذا قلبك شين عنا يتـــــــــــــــــولاك
مول القلب الزين عمرو ما ينكب.....واللي حاسد فارقو لو كان ضنــاك
انحس النيران في جوفي تلهب........انا عقلي من فراقك زاد اهـــــــلاك
يوم افراقك فيه عام اذا نحسب........ضروك دار الحول وانا نستنــــــاك
صاحب ضني قال لي لا تشغب......وسع بالك للزمان اذا عـــــــاداك
نجم النحس اذا طلع لابد يغرب......اذا بيك حبيب قلبك ما ينســــــاك
يا دهري ظنيت ما درت الواجب......لي مدة ناظرة عيني لقفــــــــاك
كنت انمثل خاطري طير ايلوب.......وين اختلتو راه لاح العين احذاك
كي كان المكتوب مامنو مهرب........نصبولوعلى زينة الشوفة لشراك
نجع المحنة حط في قلبي رحب........قداش ان دوار شبكها تشبـــــاك
من كثرة لهوال نصحى ونغيب........سكران ب خمر المحبة دايم هاك
طول الليل انبات مفتون انلوب.........ويوك يا ليل الهموم ايبان ضياك
قالو لي في حب ولفك كانش طب......ماظنيت ايفكني منها فكــــــــــاك
قلبي والع بيك والحسنة تجلب..........نبغي من تبغي وننكر من عاداك
لو كان المولى ايجيب نهار غصب .....وتمكن ضرباتها في لهـــــلاك
ذاك الوقت اندير صدري للمشرب......يا ولفي نديك ولل انموت حذاك
راهم بعض الناس قالو لي تتعب.......اتبع في شاردة ربي عيــــــــاك
لو تتركها خير لك ما تتعذب............اتغانى عنها وخلي من خلاك
ما ينساكش خاطري ما يتجنب.........اذا ينسى قيس ليلى ما تنســــاك
يعرف قدر الحب من شاف وجرب.....يعذرني ويقول راه الحق معـاك
على الطفلة اللي زينها فايق يعجب......اجميع اللي صار لك عنها مقواك
ضرك دارت بيك هي تتحاسب.........ويفكك في الاخرةمنها مــــــــولاك
صاحب ظني
صاحب ظني صابني مهموم حزيــــــــــن......كاده همّي عاد مشّقب حــــــــالــــــو
سلتك بالله قال ليذا الضر منـــــــــــــــــين......صادك في ذا اليوم الرادي ب اعلالو
كون رزين مساعف الحال وفطـــــــــــين.......واستخبر في خوك كيفاه اجرالــــــــو
نكشفلك عن شي خزاين مدسوســـــــــين........هما اسباب اضياع قلبي واشغالــــــو
لكن عارف ذا الجفا والصد منـــــــــــــين.......سباب الفرقة بينا ياك كحـــــــــــــــالو
يا مرسم بجاه سيد المرســــــــــــــــــلين .......تخبرني ع الريم كيفاش اجـــــــــــرالو
الحوش اللي عاشراتو يامعــــــــــــــين.........ليك أنت ندعيه شتّت شمـــــــــــــــــالو
ياتو ليهارعود و مزون قويـــــــــــــين.........يصحو له لرسام ويزول اخيـــــــــــالو
يا مجيب خفي علي كحل العــــــــــــين.........يا جامع شتات مفروق اشمـــــــــــــــالو
يا قلبي عييتني بالراي الشـــــــــــــــين.........واصبر اللي خالقك راك اقبــــــــــــــالو
في الآية ممدوح علم الصابريــــــــــن..........وامهل للمطلوب لعل تنــــــــــــــــــــالو
اجمعني يا خالقي بها فيالحــــــــــين..........بجاهك يا رسول طه وافضــــــــــــــالو
ياسايلني ل: عبدالله بن كريو
ياسايلني قيلني ربي يهديك لاتطعنشي وادجاهل يتلاطم
بعدني ياعبد ربي لانعديك لاتتعرض للبلا وانت سالم
لوتحملني للخيار انوريك انصحتك وانصيحة المؤمن لازم
لو تعلم ماراه في القلب ايبكيك تبقى مثلي ساخف الدمعة هايم
لاتشقاش تسالني حالي ينبيك مايخفى جرح المحبة ع الفاهم
هذا العبد اللي تشوفوا بين يديك ذالو سنين ماشاف العارم
وريني يا زينة الشوفة مابيك حطاطة للعين ولشوري دايم
يامطبوع القد جيت انشاكي فيك نلقالك بالذل مانيش نخاصم
علم المغناطيس في موموعينيك جالبني لهواك بحكم الحاكم
ياولفي هذا الجفا نقصان عليك ما غيرتك مابليتك بجرايم
ماعندي سبة اللي بيها ندعيك مانشتيش ضرورتك ربي عالم
ياولفي نطلب العالي يهديك خايف لاندعيك ونولي نادم
راني خايف يسبق لساني يدعيك ودعوة المظلوم تنفذ في الظالم
ماعندك ظنة الصغر يلاطم فيك جراية للعالية رأيك عادم
يا ولفي لوكان في غفلة ياتيك عني خبر مشوم جابولك ظالم
يحكي لك ويقول ذاك اللي يشتيك في حالة خليت ناسو تتلايم
مسبول على ليمنة ماله تحريك مايعقلشي تارك اللقية خاتم
ايغيضك هذا الخبر ولايزهيك قري لي بجاه الأمجد بلقاسم
نسوى عندك زين ولارخيس عليك ماندري ماراه في القلب الكاتم
قالتلي يا ليعتي لاباس عليك خلي لاتكويش قلبي بمعالم
صديتي صد الجفا علي يشتيك عذبتيني ياغزيل بونادم
انظل ندنق في الطريق انراعي فيك مانتهنى قالا شفتك دايم
عيايا كوات خوها بمعالمشوفوا يا لحباب
شوفوا يا لحباب معتاها قصـــــــة...خلفنا لقواط كيفاش المفعـــــــــــول
فارقنا ورق الذهب باي العســــــة...الطفلة اللي خاطري بها مشغـــــول
والله قلبي في هواها ما ينســـــى....ما ننساش محبتك دايم للطــــــــــول
دهشتيني يا مثيلة بوعبســــــــة.....يا من زينك ع النسا وصفه معـــــزول
واش نخصص فيك يا باهي اللبسة...زين النظرة و البها قدام الحــــــول
أجواب و ميعاد فهم وسياسة.........سبحان اللي صورك دار المحمول
جرحتيني اجراح جرح بلا مسه....ومنعتني من طبها وانا معـــــــــلول
جرحتني سود اللوامح والقصة....ما كتبت ما زيفطت لي مرســــــول
خليتيني كي اللي داير قصة......نتعذب بين العدو طايح مذلـــــــــــول
واهديتيني كي اللي شارب طاسة...والا كاس من الهوى دايس مسطولالمنيعة لعبد الله بن كريو
هلكني تراس جا متلا فيـــــــــــــــنا......ويفتش عن نسبتي جاني ســــــــــــــــوال
قال بديتك في الكلام تسامحنـــــــــا.......لا تجحد شي كون صادق في المقــــــــال
أنا من لغواط ماني شي منــــــــــــا.......ب سوالك هوّظتني نفدو لي لـــــــــــعلال
الأغواط أغواطين في معرفتنــــــا.... ...الأغواط المعلوم والأغواط كـــــــــــسال
الاغواط اللي جا بميزو شرقيـــــنا........واللي ناسه عايشة همـــــــــــــــة ودلال
ما نرضو بالذل للي عاشــــــــرنا.........ونموتو ع النيف رخاسة للمــــــــــــــال
ما تخفاكش في المدن شوايعنـــــا.........شهدو لينا بالشجاعة ناس أبطـــــــــــــال
سقسي قاع الناس راها تعرفنـــــا.........ما تلقى فينا رذيــــــــــــــــــــل ولا ذلال
عيطة من لعراش راهم نسبتـــــنا.. ......يختارو لولادهم منا لخـــــــــــــــــــوال
ماني داري نشتاق شوفة من هلنا..........و لاني داير سايسة من وطني مــــــــال
لاني قاتل روح من بري نجنـــــا..........ولاني ضاري نفرق بلادي محــــــــــال
ارمانا لغواط في المنعا عـــــــدنا.........بر القارة والنفاقات ولهـــــــــــــــــــوال
فيها خمس عروش ما فيهم قمنـــا........غير اللي يبغضنا رافد لقدقــــــــــــــــال
اتخلطنا في الطبايع واللسنـــــــــا.......واللي يحدث فيك ما تفهم ما قــــــــــــــال
(ياغضب الطش) ما عرفنا له معنى...وأما غضب الله عليهم ظاهر حـــــــــــال
في ذي الدشرة الخالية شفت غبينة......وعربها لنزيلهم ما ردوا بــــــــــــــــــال
جمايعها ديما تفتش على الفتنة.........ضاعت غربتها مع هذا الجهــــــــــــــــال
ولا من يعمل بالشريعة والسنة.......هذا الناس تقول في فطرة مـــــــــــــــــازال
اللي هو مدفون وسط الجبانـــة.......كرعيه ظهارة وراسه غربي مــــــــــــــال
ما شفنا فيها جمايع تعجبــــــنا........مبسوطة بكلامها ينزل على الـــــــــــــبال
ناسا لا يرضو ب خلطة عشرتنا.....لمناهم كانو مع الصحرا همّـــــــــــــــــال
كي نتفكر غربتي في البر هنــــا.....ايحدثني قلبي احديث انتاع اهــــــــــــبال
قلبي فرفر للوطن ورفاقنـــــــــا......لو نجبر حيلة نطير مع لوعـــــــــــــــال
لحت بعيني للمراسم بعدتـــــــنا......اندنّق في وطني اعليه الغيم اكحـــــــــال
مهاميد اتعّب الخاطر لينــــــــا.......ارض مغبة والعرب منها رحّـــــــــــــال
الله يا لحباب خنتو عاهدنــــــا........احليلي أنا انفتش الخاطر وانســـــــــــــال
من يغفل عنا حسيبه مولانــــا .......غير أنا في ظني ما ني بـــــــــــــــــــدال
تتقلب لفلاك عبدك ما يهـــــنا........ساعة في راحة وساعة في لنكـــــــــــــال
نستنوا ليام تداول ليــــــــــــنا........اذا راها صادة نرجى الميجـــــــــــــــــال
الله لا تسريح من الشرق ايجينا....ربع اشهر سنيا عليهم جينــــــــــــــــــيرال
لا تكتبلي تربتي في البر هــــنا.....يا ربي بجاه محمــــــــــــــــــــــــــد والآل
كي شفت التسريح ذرك اتهنينا .....البوشطا انهاوكوه برود الحــــــــــــــــال
نعطيك نعت البوشطه كيف اتجينا..ابعير اجرب جا مع الصحرا هــــــــزقال
نشقو ذيك الفجوج العريانــــة......سبع أيامهم اعدادهم والليل اكمــــــــــــــال
غرداية يومين فيها ريحنـــــا.......شمينا ريح الوطن وزيان الحــــــــــــــــال
لا مرسول انزيفطه ببشارتنا......هناني سلك التريسيتي خصـــــــــــــــــــــّال
خرجوا من لغواط يتلقوا فينا .....الاحباب اللي شادة الظنة مــــــــــــــــــا زال
جيت انحوس في الهوى لعبدالله بن كريو
- اقتباس :
جيت انحوس في الهوى ضيق عشيـــة........ونفاجي في هم عن ذاتي محتــــــــوم
الى أن قابلني حوش فيه البيـــــــــــــــة.......والطفلة اللي زايخة من قبل الصــــوم
حين دخلت الباب لا بو عينــــــيــــــــة.......نلقى عارم حاطة واطيور تحــــــــــوم
بقيت نميز بين هذيك وذيــــــــــــــــة.........ولا ني داري وين مقصادي معلــــوم
نسرش للفال قال السعــــــديـــــــــــة.........ولبنات اللي زينهم باهي مسقـــــــوم
خزرتني بعيونها شــــــــال لـــــــية.........قالت سهلة باللي الفى جاني ملزوم
نحمد ربي كي جمعنا في النيـــــــــا...........ولاقاني بالعاقلة واطياب النــــــوم
في الفوطو تمييزهانظرت ليــــــة...........وطلعت لي بالكاينة ما هو مكتـــــوم
اتحققت بحالهاثاني هــــــــــــــي............ومن جاز على نورها يغدى محموم
العارف يعرف بنات اللزميـــــــة...........ويحقو من كان بالمحنة مسقــــــــوم
العبد الناقص ما تشدو ولفيـــــــة...........ومن ما جرب ما يحق عليه اللــــــوم
من نسوة ورجال قاصد معنـــايا............واذا علت كذبوني يا ذا القـــــــــــوم
كيات النيران مازالو فــــــــــي............وباقي من أثارهم مارات حمــــوم
يا مخلوق علاش تلوم عــــلي..............عارف بيك الزايخة صافي الخرطوم
فريحة غراربانت ضوايـــــة.............عنا بان انوارها باهي متمــــــــــــوم
نعي نا والريم في كبانيــــــة..............نشقى للي لازمة كلش ملــــــــــــزوم
لا تقنط يا خاطري ساعف لقـــــــــدار.
•لاتقنط يا خاطري ساعف لقـــــــــدار....واتماهل لمصايب الدهر الفــــــا ني
•ما دامت شدة على من في لعســــــار....واللي صابر فوًت الدنيا هــــــــــــاني
•الدنيا من شاوها اللعقاب امــــــــــرار....تتقلب باقدار أمر الفوقــــــــــــــاني
•ابكي ياعيني على ما بي صــــــــــــــــــار....نوحي عني بالبكا طول ازمـــــــاني
•ما طاوعني خاطري خالف لشـــــوار....لا بى ينسى طلعة البدر عصـــــاني
اتحايا جرحا كتمتو عني ثــــــــــــار....بعد ان كنت سنين عنو متغـــــــــاني
•يا سابغة الدوروالعين ولشفــــــــــــار....غرامك يا زينة القد قضـــــــــــــاني
•طبيب زماني كي مس زنودي حــــار....اسكت ساعة من ازمان و نبــــــاني
•سلتك بالله قالي ثماش افكـــــــــــــــار.... تهدس بيهم في ضميرك دخـــــلاني
•التجريب يبين علايم لضـــــــــــــرار....كيما سلتك راه علمــــــــــــي وراني
•يا حكيم دريت بحقايق لخبــــــــــار....راك طلعت على همومي واحزاني
•يا حكيم ان جيتني لهموم كبــــــــــار.... عاجز عن توصيفهم كل لســــاني
•نحكيلك منهم مسايل باختصـــــــــار....وانت قيس امثال عنهم واهدانـــــي
•يا حكيم انحس تحت ضلوعي نــــار....مزيلف بها ضميري واكنـــــاني
•انوح نوح الحمام على لوكـــــــــــار....وانسي ناس المحاين بامحانـــي
•يا حكيم القلب دار جناح وطــــــــار....ويخفق وسط الفريسة عيــًــاني
•يا حكيم انسيت ناسي واللي جـــــار....واتفكرت خيال ولفي كي جـــاني
•ما لي شفقة ع البكا بدموع غــــزار....فوق خدودي عين تجري وســـواني
•يا حكيم الليل عني عاد نهــــــــــار....ما نسهاشي فيه غمضة باعيـــاني
•نومي شارد بيه لسقام ولكــــــــــدار....سوًل من لي احباب وجيــــــراني
•فيك انحدث يا طبيبي باللي صـــار....هذا حالي كون لي في عــــــــواني
•يا خوتي هذا الطبيب من الشطـــار....صاحب سياسة منجم يونــــــــاني
•ظهًر لي بعض الدسايس من لسرار....وارماهالي داخلةوسط امعـــــاني
•استر حالي ما بداهش للحظــــــــار....كلمني بكلام مرموز مقــــــــــاني
•قال اضرارك واعصة فيها لخطـار....واطليبك هو طبيبك حقــــــــــاني
•أنا بي حب قصافة لعـــمــــــــــــار....خبالة غزلي اللي كان امقـــــــاني
•يا ولفي ما فاد في حبك عقـــــــــار....خان الطالب وخانت كتبو ثــــــــاني
•لو شفتو يا عامتي فيا ما صـــــــار....ودخلتو غمرات هولي وهــــواني
•يغيظكم ما صار لي وتقولو عــــار....لاه انواسي هاكذايا من جفــــــاني
•يا عذابت خاطري حبك مــــــــا دار.....صابحني قبل الصلوات خــــــذاني
•حرك لي بمحالو جاني غـــــــوار.....ماهو طالب مال رايد الفتـــــــــاني
•اعجاجو فوق المقاسم دار ستــار.....ضايقني من كل جهة زاقـــــــــــاني
•مركب حربات مثفونة باسحـــار......وفراسينو للبلاجات تعــــــــــــــاني
•اسلاحو نعت البرق يلوح اشــرار.....حربو فايق كي حروب العثمــــاني
•اعلى الومية دار سبــــــع ادوار.......احليل اللي راه مثلي وسطــــــــاني
•لاه انبارز في الغرام بلا نعـــار......لا خل نفعني ولا مال افــــــــــــــداني
•فنى صبري راحت جنودي كسار....راني رنديت السلاح وبـــــــــــرداني
•اعلـيا يا محنتي ما اعتاه نهــــــار....يصغى لي فيه الحجرمن تحـــــــــزاني
•ناس الجود يسلكو مطلوب الثار......انايا في حرمتك فك الجــــــــــــــاني
•سيافك يا زينة الوشمة جبــــــار......ما تدمع لو عين قلبو نصــــــــــــراني
•وثقني في وثق الذل و لحقــــــــار......بالعفة ناديت لوما نبـــــــــــــــــــــاني
•وداني مملوك عبد بلا تحـــــرار......واطبعني بالنارعلى القلب كـــــــواني
•قلع بي في البحرواسع تيــــــــار......في المحيط اللي امهول خــــــــــلاني
•بحر غرامك هلكو ريح التفكـــار......اتقوى موجو اعـــــــــــــــلي واداني
•ما سهرو بخيال اصبيحة لفجــــار......ما دركوش غرامهاعين الجــاني
•اللي عدى حمًة المحنة صبــــًــار.......ما يعلم باهوال جرحو بـــــراني
•امديسني حب قصافة لعمـــــــــار.......اذا تهت مع المقاسم مقـــــــواني
•راني عدت غريب عن ناسـي دوار.....بين الخو والخال راني بــــــراني
• بلا كتبة جالبتني يا ستــــــــًــــار........لا تبخيرة ولا عزيمة روحـــاني
• يا قلبي شربتني من كل امــــــرار.......واش ايطفي لوعتك يا تشطـــــاني
• سبحان اللي كاتبةعني باسطـــــار.......فوق اجبيني حطهم بالسريـــــــاني
• يا بركة عيسى الشاعر المختــــار.......واللي عمر كوردان التجــــــاني
• ما نقطع لياس فالايام طـــــــــوار.......نرجى وقت ان فاتني يستنـــاني
• هنتيني وعلاه ياسابغ لشفــــــــار........ما في النسبة ذميم ولا دانـــــــي
• أغواطي نسبي قديم بلا تفخـــــار........وجدودي هما الساس التحتــاني
• الناس يظنو عليا ظن خيــــــــــار........غير انت ناقصة من ميــــزاني
• يا بركة من طوع الصيد الزهـــار........بن عودة ورفاقتو والجيلانــــي
• واللي كان نهار ياتوهم زيـــــًـــار.........مولى مليانة و سيد البركـــاني
• والصُلاح اللي مراكز في لقطـــار.........رجال الدالة وويس القرانـــــي
• ردو قلبي للوطى يخطي لوعـــــار.........نتهنى من ذا المحاين بركــاني
• عبد الله بيه الغرام نظم لشعـــــــــار.........ع المجحودةما ما نسميها عاني
• اذانصبر خاطري ما هنا ني
عبد الله بن كريو
قمر الليل خواطري تتونس بيه..... نلقى فيه اوصاف يرضاهم بالي
ياطالب عندي حبيبه ليه شبيه..... من مرغوبي فيه سهري يحلالي
نبات نقسّم في الليالي ننظ.......ر فيه يفرقني منه الحذّار التــالي
خايف لا بعض السحابات تغطيه...... وإذا غاب ضياه يتقيثر حالي
ياسايل عن خاطري واش مسهّيه...... مع الريم اللي جلى قلبي جالي
ياتهواسي خاطري واش يداويه...... وين الطب اللي يناسب لعلالي
ضر معاشر كبدتي و أنا خافيه..... صابر للحمى الشديدة ما ذالي
هذا المرسم كانت الخدّاعة فيه.... مسبوغة لنجال خلاّتو خالي
يا مهبلني جيت للرسم نشاكيه..... ما جاوبني ما اصنّت لسوالي
مرسم ولفي كي خلى علاه نجيه...... نتفكر ما فات يثقب مشعالي
واجبلي دمعي على المرسم نبكيه... هشمتني الآثار كي جات قبالي
غيم المحنة ع العقل دايم كاسيه... بسحابو سدّى على روس جبالي
يا مرسولي سير بجوابي وأديه..... يتمكن بيد الظريفة وأعنى لي
هات أخبار الخير لي كون نبيه.... و المارة اللي بينا وريهّالي
نشرتي ثوب المحبة و طويتيه...... واه جديد محبتك ولى بالي
مزقتي قلبي بشفرة هظمتيه........ يوم فراقك صار لي كي البوهالي
خيالك ظاهر العين رسمتيه........ وين ما صديت نلقاه قبالي
ودعتك مفتاح قلبي ضيعتيه........ سمطتي عني أيامي وأشغالي
الإثنين 15 مايو - 11:57
