بسم الله الرحمان الرحيم.
نوصيك الام تهلا فيها
كلمة بسم الله انا نبداها . . . . عندي هي فال في كل الاوقات
صلاة الرسول زينة محلاها . . . . صلي يا ربي على شافع الامات
عندي كلمة بغيت انوصي بيها . . . . نوصي لولاد و نوصي لبنات
نوصيك على امك اتهلا فيها . . . . اتهلا فالميمة تنال الجنات
اتهلا فالميمة واحسن بيها . . . . ولي يتهلا سعدو بالسعدات
دنيتك انت واش تكسب فيها . . . . يلا فارقتك لميمة وامشات
دنيتك انت واش ابقالك فيها .. . . يلا دفنتها وعشرت المامات
احسن بالام قبل لا تفقدها . . . . احسن للام تنجى من الافات
في حالتك يبان عليك ارضاها . . . . ورضى الام عندو علامات
احسن بالام تنال رضاها . . . . يخضار جنانك يلا عليك رضات
احسن بالام تنال ارضاها . . . . يتسكم سعدك يلا كاشات
تسعد في دنيتك وتعيش انزاهة . . . . يلا طبعت لميمة وارضات
تعطيك الدنيا وتجيك محلاها . . . . يلا طبعت اميمتك و ارضات
البيبان قدامك المفتاح رضاها. . . . تدخل وين بغيت يلا عليك ارضات
اتجيك الدنيا تجري بجراها . . . . عمرك تتخص يلا عليك ارضات
ماذا هاذ الام ما فات عليها . . . . باش كبرتك ودرت الصحات
ماذا هاذ الام ما فات عليها . . . . هي لي حملت هي لي قاسات
هي لي سهرت ليالي مطولها . . . . اتحرمت من النوم يلا مرضت بكات
هي لي بكات الدم من عينيها . . . . هي لي تحملت هي لي قاسات
هي لي راحتك راحتها . . . . هي لي فرشت هي لي غطات
هي لي داعبتك صغير ما بين يديها . . . . هي لي كسات هي لي قرات
هي لي غسلاتك ومشطت ذاك هواها . . . . هي لي بيك وبراحتك اعتنات
ما فرحت حتى كبرت انت ليها . . . . فرحت بفرحك تدعي بالحسنات
هي لي فرحت بعرسك كي جاها . . . والله فرحت بالفرحة سالو دمعات
عندك يا الخو بظهرك تعطيها . . . . وتقطع الرحم وتقطع الصلاة
عندك تنسى كل ما فات عليها . . . . وتبدل امك بخيار الزوجات
نوصيك عندك اتبقي خاطرها . . . . راها الام مفتاح الجنات
هاذي وصايتي ليك نعطيها . . . . اتهلا فالام وخفظ الجنحات
قبل لا نوصيك وصاو عليها . . . وصى القران ذكرها فالايات
وصانا الرسول ويحث عليها . . . وعطاها من الطاعة فالقسمة ثلاث
امك امك ويكرر فيها . . . .يوصي ويعاود على الامهات
هاذ الكلمة بغيت لما نهديها . . . ونهديها لكل وجميع الامهات
عبدالله اسمي عليكم ما نخفيها . . . .بحوصي جاب هاذ الكلمات
الإثنين 15 مايو - 11:57
