فستان بنوتك بالخطوات المصورة .. ملخص ورشة الربيع
سنقدم من خلال هذه الورشة فستان طفلة بعمر السنتين
ويمكننا عمله بلونين هكذا
والمطلوب فقط
1 متر قماش عرض واحد إذا كان الفستان لون واحد
أو نصف متر قماش لون وثلاث ارباع المتر لون آخر
سحاب عادي قصير
ولمحبات التطريز خرز أو خيط تطريز مع فازلين للمساعدة في العمل لكن الفازلين يكون خفيف
أو ممكن حلية تثبت بالكي
يلا حبيباتي هنبدأ اليوم برسم الباترون الأساسي وبكره ندخل عايه التعديلات
أولاً مقاسات الطفلة عمر السنتين
محيط الصدر 54 سم
محيط الوسط 54 سن
محيط أكبر حجم 56 سم
طول الظهر 23 سم
طول التنورة 28 سم
أما صورة الباترون النهائي في ورشتنا هتكون كالتالي
عرض الباترون: 54 ÷ 2 = 27 + 4 = 31 سم
طول الباترون = 23 + 10 سم = 33 سم
التقسيم
31 ÷ 2 = 15.5 سم
15.5 ÷ 2 = 7.75 سم
7.75 ÷ 2 = 4 سم تقريبًا.
يلا حبيباتي نكمل على بركة الله الاول هنرسم قصة في الفستان من أعلى ودي على خطوتين الخطوة الاولى نمد خط أفقي من طرف الابط يتقاطع مع نصف الامام والخلف وبيمثل الخط ده حافة الفستان من أعلى بعد كده نقيس 5 سم على الخط الفاصل بين الامام والخلف ونضع نقطة نرسم منها خط افقي برده موازي للخط السابق ودي القصة العلوية
لاحظي انك لازم تقيسي الفتحة على بنتك عشان تتأكدي من ان الصدر مناسب ومش مفتوح والطريقة بسيطة بس ركزوا شويه هناخد طول الخط اللي بيمثل عمق حردة الابط ونقيسه على البنوته من عند نقطة التقاء الرقبة مع الكتف ونزولاً باتجاه الوسط ونشوف هيطلع مضبوط على صدرها ولا لأ، على سحب جسم بنتك ممكن يطلع كويس وممكن يطلع مبين شوية الصدر، في الحالة الثانية قيسي اعلى الخط 2 سم وشوفي الطول مناسب ولا لأ؟ لو كان مناسب تعالي على الباترون وارتفعيمن من حردة الابط 2 سم وارسمي خط جديد في الامام فقط بحيث يمثل لك حافة الفستان من أعلى زي الصورة دي:
بعد كده هنعمل توسيع للذيل بمقدار 5 سم في كل جانب يعني هنقيس يمين ويسار الخط الفاصل بين الامام والخلف مقدار 5 سم ونضع نقطتين نصلهم بالقصة العلوية ومش ننسى نعدل طول الخطوط
هنرسم كمان الحمالات عن طريق وضع نقطة في منتصف كتف الامام وننزل منها بخط عامودي على الحافة العلوية للفستان
هنقيس يمين ويسار هذا الخط على الكتف مقدار 1.5 سم بحيث يكون عرض الحمالة النهائي 3 سم ونمد خطين لحد الحافة العلوية للفستان ونضع علامات تبين مكان تركيب الحمالة
في حالة لو رفعتي الصدر شوية هيكون عندك رسم الحمالة مختلف شوية هيكون شلعها الاول في الأامام هو الخط 11.13 وفي الخلف 12 . 14
وهتقيسي على خط الكتف في الأامام والخلف عرض الحمالة المطلوب وفي موديلنا هو 3 سم وترسمي الخط الثاني
ونكرر العملية للخلف
أخيرًا هنخرج عن خط نصف الأمام مقدار 5 سم ونرسم وسع للكشكشة زي الصورة
وبكده ننتهي من الباترون ويتبقى لنا حساب الكلوشه [/hide]
احنا هنجيب قطعة الورق المربعة ونشتغل من ركنها الأيمن العلوي تمام
هنقيس على الضلع العلوي والضلع الأيمن قيمة هنرمز لها بـ س ودي هتتغير على حسب مقاس كل واحدة عشان كده لازم كل واحدة تقول لي عرض باترونها الأساسي كام بغض النظر عن التوسيعات والاضافات يعني نصف محيط الصدر زائد 4 فقط
بعد ما هنقيس القيمة س هنوصل النقطتين ببعض بربع دائرة، بعد كده هنقيس مقدار 18 سم اللي هو عرض الكلوش برده على الضعلعين ونوصل بينهم بربع دائرة وفي الآخر هنقص الجزء الملون في الصورة
في مقاساتي اللي شرحتها سابقًا القيمة س = 14.6 سم
الإثنين 15 مايو - 11:57
