هذي نصيحة طبيب ما تجيك غريبة
الى اكثر عليك الهم يا خويا شعيبة
توجه البحر أودير في يديك لقصيبة
جهز لوازم اتكون في أحسن تركيبة
طعم الصنارة أوارميها في تصويبة
فدقايق اتشد حوتة مجرورة بسبيبة
احضيها لا تهرب تضربها بتشقليبة
اطلق ليهااسبيب وخدم معها ترطيبة
حيد ليها صنارة من فمها بلا تعذيبة
هذي نصيحة طبيب ما اتجيك غريبة
ترتاح عينيك برقصات نوارس عجيبة
ومع زرقة البحر تنسيك هموم لحبيبة
لا ضوضاء يا ما أحلاها أوقات رهيبة
الإثنين 15 مايو - 11:57
