نكَول اكلامي

ايه نبدا باسم
العالي صاحب
الشان و الامر
و نكَول الا كان
اكلامي ينفع
و يدخل الكَلب
و يزيد يشفع
الا كنت خاطي
على ما اوقع
راه كلنا نكون
خاطئين في كل ساع
راه غير بكلمة
تقدر تكوي و تلسع
حيت السان غير
تيدوي و ما كيرجع
ما فيه اعضم
اقدر يفرح و لا يخلع
شحال من واحد
كان بكلامه شجيع
تيواجه كل صعاب
بلا يحشم و لا يتواضع
كما تيكَولوا قاصح
احسن من كذاب يتخروع
في كلامه و تبان فيه
و صراحة راحة تسطع
بلا نفاق و لا دخول
و لا خروج في الهدرة تولع
كل من تصنت لها
و تخليه تايق بحال بايع
و شاري في سوق خالي
ما هو من عقالة و لا مصنكَع
هاد عندي ما نكَول
راه اكلامي مفهوم بكل تواضع
نورالدين كنز / البيضاء عين الشق / المغرب
الإثنين : 2017/03/06