في محجز عيني قصيدة تقول
راني غريب وسط اهلي ووطاني
مظلوم تايه ماصت راحة البال
مجروح متالم مهموم نعاني
تغير الحال وصديقي عني مال
بلع باب القلب ونسانس
وقفت معاه حتى عرقي سال
نكر جميلي جفا وعداني
روحت لطبيب لعل يبريلي لعلال
قالي منين تشكي ياوليدي وتعاني
قتلو صاحبي طعني في غفلة ختال
قالي دواك الصبر وكل شئ فاني
جرحك راه عميق مستعسر الحال
قتلو كونلي ناصح لاتزيدني محاني
راك زدت على قلبي فيض واهوال
قلت ننسى بلاك نطيب ثاني
وقعت ماسال ماقال كيف الحال
نتالم ساعات وماتنشف دمع عياني
الحمد لله صافي وافي ماني محتال
نبات ونظل مانمد يدي لجيراني
ياما شفت في الحياة عدة اهوال
عانيت عشت وحيد غريب براني
مانتبع صديقي ويقول طامع فالمال
ساع يفرج ربي ويموتوا عدياني
عطاني ربي صبر وتبدل الحال
رجع صديقي نادم حب يلقاني
بعدما وقفت على رجلي يرجع محال
هذا جزاء ليخون الصداقة وينساني
قلت مثل ما قال المثال
حلفت وعطيت العاهد الخاين مايلقاني
بقلم فاطمة شلف
الإثنين 15 مايو - 11:57
