لفراق بيناتنا لازم

لفراق بيناتنا لازم
لازم علينا نتفارقو
الوقت يا ختي لي راه حكم
كرهي ليك ما قدرت ندرقو
بالحبيب بدلتني
في غيابي تنسيني
تشوفي للحبيب وتمعني
تقولي حبيبي هيا نتعانقو
في حضوري راكي تغني
تقولي نبغيك وتبغيني
علاش تكذبي صارحيني
وقولي لحبيب ما طقت فراقو
انا ديما كنت نقول
حبك ليا موش معقول
وضهرلالي كلشي مقبول
مين شفتكم تمشو وتتعانقو
ما قدرت انا نهدر
مين دارلي الزمان بالضهر
كان حبي ليك طاهر
وقلبي حبك كان معذبو
كان حبي طاهر كان
واليوم راه دار عليه الزمان
سامحيني يا بنت فلان
كرهتك ولازم نتفارقو
انت قلبك راه مهني
اذا قتلك بعدي عني
تولي لحبيبك لولاني
وانا قلبي نبقى حاقو
تروحي وتولي كيف ما بغيتي
عمرك ما كرهتي ومليتي
لله قوليلي كيف نسيتي
حبيبك وتبعتي صاحبو
تبغي تبغي تبقي معايا
ومعولا ديما على خلايا
تحبيني نتبع بلايا
نروح لعند حبيبك نضاربو
مابقى قلبي كيف زمان
راه قتلو الهم والاحزان
راني بدلت العنوان
وين ما كان الحب نحاربو