Labza.Salem
Admin
عدد المساهمات : 43954
نقاط : 136533
تاريخ التسجيل : 12/09/2014
العمر : 29
الموقع : سيدي عامر
 | موضوع: ما بقالكم لا راي سالم  الخميس 16 مارس - 10:27 | |
| ما بقالكم لا راي سالم
لا عبد من لسانكم يسلم
غنو مدام الوقت حاكم
وادو عقول الغافلين
انا بكلامي نتكلم
هاتو الفقيه فيكم يحكم
واش يقول انا لازم
نتبع كلامو الزين
كلام الصح يقول يا خويا
اسمع واش قالي بويا
قالي ما يفرح عدويا
حتى نبكي انا سنين
قالي الصدق فالحكاوي
يجيب لمولاه الراوي
العشق الزين الكاوي
من عند الناس الفاهمين
قالي الكلام المداوي
يجيبو الفاهم الغاوي
والفصاحة فالغناوي
تجيب الناس السامعين
اسمع واش قالي الطالب
القوى بالمال راها تغلب
المال لكثرتو يعذب
والفقير ديمى حزين
الفقير اذا ربي عطالو
راه تغرو كثرت مالو
وكاين من الناس لي قالو
كثرت المال تجيب الزين
قالك اذا جاك المال
تقدر تشري بيه الرجال
وكاين لي غنى وقال
وين الهربة وين
معول يهرب من بلادو
واحد كي طول بيه قعادو
يمشي وينسى ولادو
وربي عالم بقاو وين
انا بعيني شفتو
لمشى للغربة وخلى مرتو
عاشت فالهم بعد مشيتو
وقلبها المسكين خايف حزين
دار عليه العام برى
ومن وراه عام ودورى
رجعوه ملكمت في زوره
وناسو صبحو نادبين
شفو الوقت كيف دار
ولات الهربة انتصار
كاين لي مافوتش نهار
فالغربة ورجع حزين
ياسين القسنطيني بقلمي |
|
الإثنين 15 مايو - 11:57
