قصة لا زلت ف الثلاثين – الفصل الثالث
قصة لا زلت ف الثلاثين – الفصل الثالث
دخلت هاجرالبيت وشافت مامتها فرحانه ففهمت ان رقيه مقلتلهــــــــاش حاجه خالص فاطمنت لكده على الرغم من انها مكنتش خايفه لانها بتعرف تتصرف فى المواقف اللى زى دى كويس اوى
ماجده : كويس انكـــــ جيتى يا حبيبتى
هاجر : ليه فيه حاجه يا ماما
ماجده : لا ابداً يا حبيبتى بس فيه عريس جاى لاختكــــــ انهارده ولازم نكون كلنا موجودين
هاجر : هههههههههههههههههههه لالا والنبى مش عاوزه اضحك , انا داخله اريح شويه وعندى درس الساعه 6 كده
ماجده : اختشى يا بنت , يبقى كويس 6 هتخلصى 8 ولازم تكونى موجوده هما هيبقوا موجودين 8 ونص
هاجر : ان شاء الله , انا داخله انام
_________________________________________________________________
فى فيلا عمر بيصحـــــــــــى على مكالمه تليفون من رامى صاحبه والاوضه عباره عن سرير كبير ومكتب عليه علبه سجاير ولاب توب وكام كتاب وغرفه ملابس متفرعه من الاوضه
رامى : ايــــــــــــه يا كبير الساعه بقت 7 انت فين كل ده
عمر : جثه يا ابنى من الصبح على السرير , انت عـــــــاوز ايه دلوقت ؟؟
رامى : يا عم انا قولت انت موت
عمر : يعنى انت مصحينـــــــــى من النوم علشان تقولى الكلمتين دول , هههههههههههه يا عم انا مستنيع سبنى سبنى
رامى : طب هنروح فين انهارده
عمر : شــــــويه كده افوق واكلمكـــــــ
رامى :فوق يا عم بقولكــــــ ايه
عمر : اقفل اقفل دلوقت
رامى : سلام
تدخل الاوضه والده عمر وهى فى كامل اناقتها فهى سيده اعمال معروفه
منال : ازيكــــــ يا بيبى
عمر : كويس يا ماما كويس , فيه حاجه
منال : ابدا , انا عاوزاكــــ تحضر نفسك من الاسبوع الجاى تنقل من الفيلا هنا وتروح تعد فى اى شقه لينا
عمر : ده ليـــــــه يعنى
منال : اتفقت مع شركه هتيجى تغير الديزينر بتاع الفيلا هنا والمهندسين هيبقوا موجودين فهــــتضايق منهم , انا عاوزه راحتكـــــــ
عمر : طيب طيب سبينى دلوقت
تخرج والده عمر من الاوضه وفجأه ينادى عليهــــــــا عمر
عمر : هو انتى هتروحى فين ساعتها هنعد سوا ؟؟
منال : لالا انا عندى صفقه وهسافر بره فى المـــــــــــده اللى هيبقوا فيهــــــا هنا
________________________________________________________________
الساعه السابعه والنصف فى بيت رقيـــــــه تدخل عليها ماجده الاوضه
ماجـــده : ماشاء الله يا حبيبى قمر
رقيه : ههههههههههههههههههههه ربنا يخليكى يا ماما
ماجده : بس اقلعى النضاره دى مش ليها لزوم يعنى
رقيه : يا ماما ارجوكى انا عاوزه اللى يتقبلنى يتقبلنى زى ما انا هو هيعيش معايا يوم واحد وبعدين انا مش هوافق على اى حد برضوا لازم نقبل بعض برضوا
ماجده : عندكــــــ حق يا حبيبتى انا هروح اتصل بهاجر علشان استعجلها
رقيه : هى مجتش من الصبح
ماجده : لا يا حبيبتى هى جت بس نزلت درس تانى
رقيه : درس !!!! طيب
_______________________________________________________
اعمر : انزل يا اض انت انا تحت البيت عندك
رامى : ومقولتليش ليه من بدرى البس
عمر : يعنى هتلبس فستان الفرح , انزل بسرعه
وبعد خمس دقايق نزل رامى وعمر سرحان فى العربيه
رامى : نحن هنا مالك يا كبير ؟
عمر : اركب بس
ركب رامى العربيه ومشى عمر بالعربيه بسرعه فظيعه
رامى : مالكــــــ يا ابنى فيه ايه
عمر : مفيش هنسهر فين بس
رامى : اى حته يا عم , الواد كريم كان عاوزنا بيقول معاه موزتين جامدين قطاقيط صغيره
عمر : ما انت قولت اتنين وتلاقيه معاه الواد مصطفى وبعدين ده عيل اهبل وتلاقيه عرفلك بينتين من ثانوى
رامى : تعالى بس يمكن يكونوا معاهم صحابهم
________________________________________________
دخل عمر ورامى المطعم اللى موجودين فيه
هاجر : ايه الواد المز ده قمر يخربيته
عبير : دول جايين علينا
هاجر : انت تعرفهم يا كريم
كريم : اه دول اصحابى عمر ورامى
مالت هاجر على عبير
هاجر : طب كويس
عبير : حظك فى رجليكى
هاجر: يـــــــــــــوووووووووه ماما
عبير: فيه ايه يا بنتى
هاجر: ابدا الصول رقيه جالها عريس 5877 وعاوزانى اكون موجوده
عبير: هى قالتلها على الصبح
هاجر : معرفش بس تقريبا لا ولو قالتلهــــــــا ولا يهمنى هتصرف
عبير : المهم على فكره يا هاجر الواد هيتجنن عليكى
هاجر : واد مين ؟؟
عبير : يا بنتى محمود , الواد ده بيحبكــــ اوى تعرفى رغم اى حاجه فيه بس الوحيد اللى حسيته بيحبكـــــ
هاجر : يحبنى او ميحبنيش هو اصلا مش من مستوايا وقدامه كتير هو اه متخرج ومن كليه كويسه بس اصلا مش استايلى خالص ده قفل اوى
عبير : هههههههههههههه بصراحه الواد مؤدب اوووووى , المهم هتروحى ؟
هاجر : لا لا اروح ايه كالعاده هيطفش وليه حق الصراحه
عبير : هههههههههههههههههههههههههههه
هاجر : ههههههههههههههههههههههه , اسكتى بقى خلينا نشوف هنعمل مع المز ده ايه
____________________________________________
فى بيــــــت رقيه تدخل للضيوف وهى لبسه فستان عليه ورود كتيــــــر ولونه ابيض ولابسه نضاره وحطه ميك اب خفيف ورافعه شعرها
والده العريس : الحق دى بنضاره ومش حلوه كمان
مازن : اه صحيح
رقيه : مساء الخير اتفضل
رقيه بتبص لمازن بنظرات متباعده من الكسوف , بتلاقى شاب مهندم ووسيم الى حد كبير ولبق فى اسلوبه وكلامه وبعد حديث قصير بعيد عن اى حاجه فى موضوع جواز
سوسن : تعالوا يا جماعه نعد شويه ونسيب العرسان لوحدهم شويه
فرد مازن برد شبه القنبله على الكل
مازن: لالا يا جماعه انا كده كده نازل لانى ورايا شغل ضرورى ومره تانيه ان شاء الله
كان الموقف معتاد لرقيه وماجده بس ده ميمنعش ان دموع رقيه فضلت محبوسه جوه عنيها ونفسها تخرج وقطعت الصمت اللى فضل ثوانى
سوسن : ماشى يا دكتور , ربنا معاك اتفضل
خرج مازن ووالدته ورقيه جريت على اوضتها وهى منهاره من العياط وماجده جريت وراها
ماجده : خلاص يا حبيبتى متزعليش
رقيه : انا مش زعلانه يا ماما انا عارفه انى مش زى البنات بتوع اليومين دول بس انا كده وعمرى ما هتغير عارفه انى مش حلوه وهاجر احلى منى مليون مره بس
وعلى الكلمه دى دخلت هاجر على اوضه ماجده
هاجر : مالها هاجر يا ست رقيه ؟؟!!!! انتى هتفضلى كده طول عمرك متغاظه منى وبتغيرى منى يا شيخه حرام عليكى بقى
ماجده : ايه اللى انتى بتقوليه ده يا هاجر دى اختك الكبيره عيب اللى بتقوليه ده دى اختك
هاجر : وهى علشان اختى تغير عادى …… وها قولتلها ايه كمان قولتلها على الصبح
غمزت رقيه لهاجر بانها تسكت لانها مقلتش لماجده حاجه
ماجده : ايه اللى حصل الصبح , فيه ايه يا رقيه
رقيه : ابدا يا ماما مفيش حاجه انتى عارفه هاجـــــــــــــــر بتقول اى كلام وخلاص
ضحكت هاجر وخرجت من اوضه ودخلت اوضتها وفتحت اللاب توب بتاعهـــــــــــــــــــــــــا وفتحت الفيس بوك ولقت مسدج جديده
الإثنين 15 مايو - 11:57
