قصة رجولة استاذ … الحلقة الثلاثون والأخيرة

احيانا قد تتذوق نكهة قراراتك قبل انا يمتصها حلقُك فتعرفـ مراراتها من حلوها ولكن كثيراً ماتمتصها سريعاً حتى لا تعرفـ مصيركـ او تتوقفـ عن تنفيذه ..

.. ________________________________________________

صحيتـ فريده الصبح ع رنة تليفونها ,,, ( رنة : حب امتلاك ) مسكت موبايلها شافت اسم حسن ,, مر ع عنيها اللى حصل امبارح ,,حست انها بتحلم فابتسمتـ لانه حلم … ولكن اسم حسن لسا ظاهر والنغمه كل شويه بيعلى صوتهـــا .. وفريده بتتاكد انها مش بتحلم حسن:صباح الخير فريده:صباح النـــور حسن:ايه الكسل ده كله ,,يالا قومى يا عروسه انهارده فرحنا ,,انا عملت كل حاجه ,,كلمتـ اختك وهتجيلك وكلمت امانى وزمانها جيالكـ فريده:حسن انت بتتكلم جد حسن:هو الكلام ده فيه هزار يا فريده فريده:بس انا مجهزتش اى حاجه حسن:انا جهزت ,,انتى انهارده ملكه كل حاجه ,,قومى وانتى معايا وافتحى باب اوضتكـ فتحتـ فريده البابـ شافتـ صندوق كبير ,,توقعتـ ان فيه فستان الفرح .. حسن:ايهـ رأيك ؟ فريده:حلو اوى ,,بس مفتوح جدا وشفافـ حسن:ده احسن موديل نازل .. يالا بصى كده من الشباكـ بتبص فريده شافتـ عمال كتير بيوضبوا لفرح ,,الفرح ده فرحها كلمه مش قادره تستوعبها ,,ايه اللى بيحصل حوليها مش عارفه حسن:انتى معايا فريده:اه معاكـ معاكـ بيخبط بابـ اوضه فريده (صوت تخبيط) بتفتح بتشوفـ امانى ,,بتحس ان الدنيا بتديها امل وبتفتحلها حضنها لما حضنت امانى ونسيتـ الموبايل وحسن ,,, نسيت دموعها اللى فضلت حبساها او دموعها اللى نسيتـ وعدها بانها تفضل مستخبيه ونزلتـ فى حضن امانى ,,,فاقت فريده لمكالمه حسن فريده:اقفل دلوقتـ يا حسن ,,امانى جتـ حسن:خلاص اوكى و الناس اللى هيعملولك الميك اب ساعتين وهيجوا ,, واختك شويه وهتلاقيها جتلكـ قفلتـ فريده التليفون وهى بتحاول تعيد تركيزها ,,كلمه قالتها ,, عملت فيها كل ده

الكلمه فى بعض الاوقاتـ حياه ,وعد , سيفـ تقتل به نفسكـ فليستـ كل الكلمات مجرد حروفـ ____________________________________________________

مسحت فريده دموعها وحاولتــ تبتسم قدام امانى امانى:بتعيطى فريده:دى دموع الفرحه امانى:بتحبيه يا فريده فريده:هو بيحبنى امانى:انا بسألكـ بتحبيه فريده:قولتلك هو بيحبنى امانى:متأكده ؟ فريده:تقصدى ايه امانى:اقصد ان طارق كمان كنتى بتقولى بيحبكـ وطه كمان ممم انتى شايفه ان هو يحبك ده كفايه ,,,ده ان كان اصلا فريده:امانى ,,,حسن بيحبنى وانا مليش غيره امانى:انتى صعبانه عليا يا فريده ,,فكرى ؟ فريده:افكر فى ايهـ فرحى انهارده ,,اختى جايه واكيد جوزها اللى كل شويه يشوفنى مع واحد امانى:يعنى ده قرارك النهائى فريده:اه ,, تعالى انا هوريكى الفستان بتفتح فريده الصندوق ,,بتشوف امانى الفستان وهى مضايقه ع حال فريده امانى:بس انتى هتلبسيه كده ,,الفستان مفتوح اوى يا فرى فريده:انا برضوا قولتـ كده ,,انا ناويه اعمل مفاجأه لحسن ,,تعالى معايا امانى:هنروح فين فريده:تعالى بس بتفتح فريده اوضتها بتلاقى ابتسام لسا بتمد ايدها تخبط ع البابـ ابتسام:فريده حبيبتى الف مبروك ,,كده معرفش غير انهارده فريده:صدقينى كل حاجه جت فجأه ,,, معلش يا ابتسام الاوضه تحت امركـ ,,مشوار ساعه وهاجى __________________________________________ قاعده فريده مع امانى فى عربيتها ومعاهم السواق و العربيه واقفه فى اشاره امانى:مبسوطه اوى بفكرتكـ ,,فكره حلوه ربنا يهدينا يارب ,,حسن هيطير من الفرحه اكيد فريده:انا نفسى ابتدى حياتى بحاجه ترضى ربنا عنى ,,,افتح صفحه جديده مع نفسـى امانى:وهتعرفى ترجعى الفستان فريده:متقلقيش انا كلمتـ سالم بيه وهو كلمهم وهيبدلهولى بالفستان اللى انا عاوزاه امانى:مبتنسيش حاجه انتى فريده:طبعاً يا بنتى بتبص امانى جنبها شافتـ طه قاعد فى عربيته وجنبه واحده امانى:الحقى يا فريده ,,مين جمبنا طه فريده:متبصيش امانى:شايفه برضوا نازل زعيق فى البتـ و اوامر فريده:مش هيتغير يا بنتى امانى:انا مرضتش اقولك لتزعلى اصل هو خطبـ فريده:وانا هزعل من ايهـ ؟ امانى:عمار بيحكيلى انه طالع عينه معاها ولا هو مريحها ولا هى مريحاه فريده:وايه اللى غصبهم ع كده امانى:بيقولوا قريبته ,,لا وكمان وقع فى مادتين فريده:يااااااه ايه جراله ده بتاع التقديراتـ امانى:هههههههههههههههه هو فيه حد يبعد عنك يا جميل ويكسبـ ,,الحقى ده شافنا فريده:يا بنتى قولتلكـ متبصيش وبتبص فريده بطرفـ عيونها لطه اللى ركز نظره ع فريده و عيونه كلها ندم كانها بتستنجد بيها و بتترجاها تسامحه وفريده بعدتـ عنيها وركزتـ فى كلام الاغنيه اللى شغاله فى العربيه _ وانت كمان هونت عليا زى ما هونت عليك ,, لا انا لا انا ليك ولا انت ليا ما دام مطمرش فيكــ ,,, خلاص ايوه خلاص راجع بعد ايه ’’ بتندم عاوز ايه ,, قلبك مفيش حاجه تشفعله __________________________________ وصلت فريدة البيت وابتسام قاعدة مستنياها على نار وقالت أماني امانى:ماشاء الله ايه القمر ده الحجابـ عليكى يهوس فريده:بجد ردت ابتسام ابتسام:اه يا حبيبتى ,,,ربنا يحرسكــ زادت فريده بالحجابــ جمال ,,, كان فستانها طويل جدااااا والحجاب معمول بشكل جديد ,,اختارته فريده والميك اب الرقيق اللى زادهــــا برز انوثتها ابتسام :ممكن انادى عبداللطيف يا فريده ,,هو عاوز يسلم عليكى فريده:ماشى ,,ناديله دخل عبداللطيفـ لفريده ,,, بص عليها بكل دقه كأنه بيرسمها بعيونه ولكن اول ما عينه جت ع الحجاب كسر عيونه ,, حس كأنها احرجته بوقارها وشافـ منها ابتسامه غريبه زودت جمالها عبداللطيف:مبروك يا فريده فريده:الله يباركـ فيكـ ,,ممكن اطلب منك ,:خد بالك من ابتسام ,,هى غلبانه ومش هتلاقى زيها عبداللطيف ضحك: ههههههههههه حاضر ,,,انا عارف ان ابتسام غلبانـــه ,,انا اللى فريده:من غير ما تكمل ربنا يهدينا جميعاً عبداللطيف:ياربـ دخل حسن وهو بيبتسم ابتسامه وصلتــ لوشوشهم كلهم ,,قربتـ فريده اللى ماسكه فى ايد امانى امانى:عروستنا اهيه ,,شوف زى القمر ازاى بصلها حسن وهو مستغربـ وبان ع وشه انه مضايق حسن:ممكن تسبونا لوحدنا شويه غمــزت امانى لفريده اللى بان ع وشهـــــا التوتر ولكن نظره امانى طمنتها خرج الكـــــل وسابوا فريده وسط توترهـــــــا …. حسن:ايه ده يا فريده فريده:ايــــــه ؟ حسن:فين الفستان اللى جبتهولك ? فريده:انا رجعته علشان اعملك مفاجأه والبس الحجابـــ حسن:لو سمحت يا فريده ,,,,, بهدوء كده كل ده هيخلص فى ساعه انا هبعت يجبولك الفستان اللى انا اخترتهولكـ فريده:انتـ مضايق انى لبست الحجابـ حسن:انا اللى عندى قولتـه يا فريده ,,الفستان ده هيتغير فريده:لا مش هيتغير يا حسن قالتـــ فريده الكلمه وهى واثقه منها قد ايه زادت ثقتها فى نفسهـــــا ومش مضايقه من قرارها ابتدى صوتـ حسن وفريدة يزيد فدخلت امانى وابتسام وعبداللطيفـ اللى فهموا الخناقه ع ايه قالت ابتسام :استهدوا بالله يا جماعه مش كده حسن:انا قولتـ اللى عندى والفستان ده هيتغير حالا فريده:وانا موافقه ممكن تتفضلوا بره كلكوا حسن:انا هبعت اجيب الفستان فريده:اعمل اللى انت عاوزه امانى:ايه اللى انتى بتقوليه ده انتى وفقتى ازاى فريده:بعد اذنكوا يا جماعه خرجوا كلهم وبعد خمــــــــــس دقايق فتحت فريده البابـ وهى مغيره الفستان للبسها العادى ,, ودموعها مغرقه الفستان اللى رميته ع السرير ومخدتش منه غير الحجابـــ حسن:فريــــده ؟ جريتـ فريده من غير ما ترد ع كل اللى بينادوا عليهـــــا ,,خرجت وهى بتضحك وبتعيط لاول مره تحس انهــــــا خدت قرارها الصح ,, بتحمد ربنا انه كشفلها حسن فى اخر لحظه حسن اللى طلع مخبى جواه كل وحش ازاى بيحبهــا وهو عاوز يبعدها عن اللى كانت بتدعى يقرب قلبها منه #الله ازاى عايز يكشفـ حقه قدام الناس فيهــــــا …… _______________________________________

____ ركبتـ فريده التاكسى وهى مش عارفه هتروح فيــــــــن بس هى حاسه انها كويسه ,,, رغم الهم اللى جواها ,,حاسه انها فاقتـ خلاص ,,, رجعت ليوم وفاه مامتهـــا حست ان محصلش حاجه بعديه ,,,طلبت من السواق يروح ع بيتهم القديم فرحتها برجوعها بيتها ,,ع الرغم من انها مش هتعد فيه بس هتشوفه,,,فكرتـ تترجى عم ابراهيم فى انها تفضل موجوده ,,وخافت من انه يكون انفاس حلت محلهم هناكـ ,,صوت مامتها مبقاش فى الشقهـ …. وقفـ التاكسى قدام البيتــــ ,,, خايفه فريده تنزل من التاكسى ,,خايفه من الامــل اللى جواها يروح ,,خايفه من احساسها الاول بالسعاده يروح نزلتـ من التاكسى بسرعه وع عكس ما توقعتـ لقت نفسها بتجرى ع السلم وصوت خطواتها اللى بتعلى وقلبها اللى سمعت دقاته وهى طالعه ع الســــــلم لقيت نفسها بتخبطـ فى سعد وعيونهم بيتقبلوا ابتسامة سعد خلت فريده تبتسم شافـ هو دموع فى عنيها ,,, حاول يمسحها بنظراتهـ ..حست فريده بنظره خوفـ عليها اول مره تشوفها ,,حست انها هى اللى عاوزه تبتدى بالكلام ,,, فريده:انا كنت عاوزه ارجع سعد:هسس تعالى ,,, فتح سعد بابـ شقه فريده ليها واداها المفتاح فى ايديها ودخلها وقفل البابـ ومشى دخلتـ فريده الشقه شافتــ صندوق كبير وعليه ورد مجففــ وعليه كارت مكتوب فيه ( وإن مل الانتظار سأنتظرك ) بتفتح فريده الصندوق شافتـــ فستان فرح وجنبيه صندوق فتحته ,, شافتـــ مفكره ,,فتحتها ,,,ومع اول كلمه ابتسمتـ وقعدت تقراها _فريدتى ,,, انا عارفـ انك مشيتى ,,بس اللى اعرفه انك ممشتيش من جوايا ,,عارف ان من المنطق مترجعيش تانى ,,,بس انا متأكد انك هترجعيلى ,,, قلبكـ ده مخلوق ليا ,,فاكره يوم ما قعدنا سوا ,,رغم ان كلامك كله كان عكس اللى هقوله ,,بس عينك كانت بتقولى ,,استنانى ,,انا رجعالكـ ,,انا بحبكـ … _بعد ما مشيتى انا قررت ان الشقه دى هتفضل ليكى بعد ما بابا مات بحوالى اسبوع من ساعه ما مشيتـى ,,, كل يوم هدخل اكتبلك حياتى مشيت ازاى _انا قدمتـ فى كليه التجاره ,,هى صحيح اقل من مجموعى بس هتناسب شغلى _ع فكره فستانكـ ده انا اللى عمله بأيدى ,, ومصممه كمان ,,انا اشتغلتـ بالصدفه فى اتيليه مصمم مشهور شاف شغلى وعجبته ومن بعدها انفصلتـ وبقى ليا شغلى الخاص بتقرأ فريده كلام سعد وعنيها بتدمع وبتضحكـ ومش مصدقه كلامه ومش مصدقه ان فيه #راجلكده _انا كنت بعمل نفسى علشان استاهلكـ لانكـ غاليه اوى يا فريده ,,, انا مش عارف اوصفلك احساسى بس حاسس انك هتقريهم فى يوم من الايام وولادنا كمان هيقروه نامتـ فريده وهى ماسكه المفكره وبعد ساعه صحيت تانى تكمل _عارفه انا النهارده مبسوط اوى ,,عملتـ اول عرض لتصميماتى ,,عجب الناس اوى .. بس رغم ده كله فستانكـ لسا احلى تصميم عملته ومش هعمل زيه فى حياتـى انا مستعد اتعب قد ده مليون مره علشانكـ . _انا تعبان اوى النهارده يا فريده مع ان انا مفييش حاجه بس حاسس انك تعبانه واحساسك وصلى .. حاسس انك محتجالى ,,انا مخنوق جدا انهارده ,,بس انا بدعيلك بتبص فريده ع التاريخ ,,افتكرت اليوم اللى حاول طه فيه يعتدى عليها _الحبـ هو تلك اللحظه التى ينتقل فيها كيانك لاخر فتلكـ الابتسامه المرسومه ع شفتيكـ ,هى ابتسامه قلبـ قمت بأسعاده وتلكـ الآلام التى تشعر بها هى ليلاً ,, يستيقظ هو منها مسبقـاً وصلتــ فريده لاخر الكلام وهو كلام انهارده _انا انهارده جيتـ اقولكـ انى مسافر شهر بره ,,شهر الاجازه ,,بس حاسس انى هشوفكــ قبل ما سافر ,,تفتكرى هقابلك امتى ,,هتخبطى دلوقتــ ,, هشوفك ع السلم ,, ولا هتجينى فى اخر لحظه فى المطار ههههههههههههههه يمكن بخرفـ بس حاسس انى هقابلكـ قفلتـ فريده المفكره وهى حاسه انها ماسكه مذكراتها هى مش مذكرات سعد دموعها غرقتـ الصفحاتـ مع ابتسامه مغبيتش عنها ,,,

ويارب صفحة #قصصواقعية تنال اعجابكم دايما