Labza.Salem
Admin
عدد المساهمات : 43954
نقاط : 136533
تاريخ التسجيل : 12/09/2014
العمر : 29
الموقع : سيدي عامر
 | موضوع: قصة قديمة مرعبة حدثت مع ابي لا يفوتكم  السبت 11 مارس - 15:13 | |
| طبعاً كلنا قرينا قصة قديمة عمي اللى قالها لينا من ضمن قصص جن اللى قولتلك هنزلها
واللي لسه مقرهاش ممكن يقراءها : قصص رعب عمي والجن المتحول حقيقية
طبعاً بعد ما عمي خلص القصة ولكنا روحنا والرعب بيتملكنا وحاسس اني هيحصل نفس اللي حصله
وصلت البيت لقيت ابوي قاعد فقولتله علي اللى قالو عمي وهل ده حقيقي ولا لا
أكد لي ابوي ان كان في حاجات بتحصل زمان غريبة والجن موجود فعلاً دي حاجه منقدرش ننكرها
بس احيانا ممكن تتوهم حاجات واحيانا بيكون فعلاً حقيقة
ساعتها سألته هل في حاجة حصلت معاك انت شخصياً ؟
وكانت الاجابة قصتنا اللى هبدأ احكيها لكم زيى ما قالها ابوي لي بالظبط .  صورة مرعبة جدا من الصور القديمة ما حدث مع ابي قديماًوكالعادة جدي كان متشدد وبيرفض خروج ابوي او حد من اعمامي بليل يمكن علشان وقتها مكنش امان
المهم ابوي كان في الوقت ده له صاحب في بلد جنب بلد جدي اللى هو بيت العيلة وقتها
وكان دايماً يروح يسهر معاه والموضوع ده كان بيستفز جدي ابوي كان معاه كشاف كبير
دايماً بيخدو معاه وهو خارج علشان وقتها مكنش في اي اضاءة في اي طريق
جدي كان دايماً يتعمد انه يبوظ الكشاف لان ابوي كان مبيخرجش إلا وهو معاه لان الطريق كان مش كويس ده اولاً
وكمان الطريق كله اماكن مياة وطين لازم تبقي شايف بتدوس فين
المهم ابوي فهم ان جدي هو اللى بيعمل كده وفي مره اصر انه يروح بدون الكشاف بالعند
وفعلاً ابوي راح وعدي بين الاراضي في طريقه المعتاد لحد ما وصل لصاحبه كان في الطريق ارض صاحبه مزروعة ذرة
وكان خلاص الذرة طاب فقال له ياريت بكرا الصبح تبقي تقطع الذرة بتاعك علشان خلاص طاب ونشف
وقعدو وسهرو سهرتهم بس اتأخر عن اي يوم وقرر ابوي يروح عادي زي كل مرة
ومن نفس الطريق علشان عارف اللى فيه والطين والمياة وفي نص الطريق عند المزرعة بتاعت صاحبه
لقي الذرة كلها متقطعه وهو اصلاً لسه متفقه معاه انه هيروح له الصبح لا وكمان من شوية معدي عليها مكنتش كده
عمل مش واخد باله ومشي عدي علي قناة ودي اللى بيروي بيها الارض مجري مياة صغير اصغير من الترعة
لقي حاجة بتلمع فيه جدا كأنها الماظ كل ما يمد ايده في المياة تختفي ويشيل ايديه تظهر وتسحبه وتسحبه
وكأنها بتتحكم في مخه لحد ما لقي نفسه في نص القناة في المياة استعاذ بالله من الشيطان وقام جري مشي
في اخر الطريق وهو ماشي جنب ترعة كل شوية يسمع صوت حاجة تخبط في المياة كأنها حوت من قوة الخبطة
وماشي قصاده وفضل علي كده طول الطريق لحد ما وصل البيت ومقدرش يحكي وقتها اي حاجه لجدي خوف ليقوله متروحش تاني
تاني يوم الصبح بدري راح الغيط بتاع صاحبة لقها لسه بدأ يقطع في الذرة لسه
ودي كانت قصة ابوي زيى ما قالها لي بالظبط وهي دي بقي تفاصيل قصة قديمة اللى قالها ابوي .
ممكن تشوف قصص رعب اكتر من هنا ولو حابب تشوف قصص مسلسلة موقعنا مليان قصص مسلية
شكرا لكم واتمني تكون القصة اعجبتكم . |
|
الإثنين 15 مايو - 11:57
