روايـــــــــة الرزق على الله الجزء السادس

×الجزء السادس×

جميله : على باب الجناح : اللحين وش السوات
حوريه: نروح نبلغ خالتي
جميله: والله عشان تقصبناا وتذبح ريميه وافقد اختي الغاليه
حوريه: أي خالتي لاعصبت بنروح فيهاا
جميله: لا تحسين انه اجودي ماراح يسوي فيها شي
حوريه: واختك من يقدر عليها
جميله: بس هو يخرع طويل وشكله يلعب حديده والله يشيل اختي اضعيفه بصبعه
حريه: في هذي معاك حق
ام يوسف: منو يشيلها بصبعه
جميله:وتخرعت . هاااه هاه مدري
حوريه: ولا شي خالتي
ام يوسف .. اختك وينهاا
جميله: اختي هااه ريميه
ام يوسف: أي ريميه
جميله: مدري
ام يوسف: كيف ماتدرين وهي صاعده معاك ترتب
حوريه: ياخاله تعرفين جميله تحب تلعب بعصابك رريميه بالحمام تنظف حمام البنت الصغيره
ام يوسف: ههههههههههههههههه خرعتوني لاعاد تعودينهاا
جميله .. ببتسامه صفراء .. حاظر يمه
ام يوسف .. بنات كملوا شغلكم ترى بصعد كمان شوي وان شفتكم جالسات ياويلكم مني
البنات: حااااااااااظر

ونزلت ام يوسف لتحت تكمل شغلها عقب ما تطمنت على البنات

جميله: اووووووووف بغيت اروح فيها
حوريه: بغيتي تعدمين اختك وتعدميناا يالفضيحه

وراحوا يركضون يرتبون الغرف أي كلام بس عشان امهم

......................................

بعد مرور نص ساعه على نومتهاا حست بهدوء غريب ونفس الوقت ببرد
بطلت عيونهاا وقامت تتلفت وتحك عيونهاا بأيدهاا

ريميه: جميله حوريه وينكم
طلال .. ببتسامه : صبااح الخير
ريميه: وتفز من السرير .. يمااا باشا شجابك هنااا
طلال: ههههههههههههه وبعد باشا يالله بعديهاا لك
ريميه : وتتكلم نفسناا
طلال: اسلوا انا في يتربي هناا<< حب يمشي عليها الفلم
ريميه: ولك عين تكلمني شجايبك هناا
طلال: انتي سنو جايبك هناا في غرفه مال اناا
ريميه : وراحت تركض بتطلع برى ..
طلال .. ويطلع لها المفتاح .. مفتاح مع اناا
ريميه : الله يخليك باشا خلني اروح
طلال: ماكو روح لازم سوي عقاب انتي نوم داخل فراش مال اناا
ريميه.. وتحب ايدها بطن وظهر : والله توبا توبا اجي هالبيت مره ثانيه
الله يخليك باشا
طلال: مااكو روح لازم يدفع غرامه
ريميه .. وقفت نزلت راسهاا وبدت تهشم : باشا والله انا ماما لو يشوف داخل غرفه يمكن سوي موت انا الله يخليك بشا عشان ماما انت
طلال: ماافي روح
ريميه: فكني من شرك الله يخليك باشا
طلال: ههههههههههههههههههههههههههههههههه ماكو روح
ريميه..وهنا ماقدرت تسكت .. وطقتهاا لكم بكيه : باشا الله يخليك
طلال: ومايقدر يقاوم دموع المره .. وقف مصدوم من اللي سواه

طلال : خلاص خلاص روحي
وراح فتح الباب لهاا

راحت ريميه تركض تطلع من الغرفه بس مسكها طلال من خصرهاا

طلال: ثاني مره لاتتعوديهاا
ريميه: وتدفه .. انقلع بس

وراحت عنه

طلال: صدق ماستاهلين لو اني معذبك بعد بس حسافه ماقدر استحمل اشوف مره تبكي قدامي حسااااااااااااافه

وراح انسدح على فراشه قام يتحسس مكانها وهي نايمه ..؟..

...............................

ريميه تركض برى الجناح ..

حوريه: ريميه
ريميه: جايه تركض بتهفهاا باكبر ماعندهاا : ليه ماقومتوني من النوم
جميله: قومناك بس انتي حمار ماتقمين بسرعه
حوريه: سوى لكي شي
جميله: لا يخسي مالقيتي الا باشاا
جميله: تشهق .. هذا باشا
ريميه: ايييييي
حوريه: يجننننننننننننننننننن
جميله: اذا هنديهم كذا المعازيب شلون
ريميه: تلقين الواحد فيهم يطيح الطير من السماا
جميله: بسم الله على قلبي
حوريه: ليه شفيك
ريميه: قلبهاا رهيف ما يستحمل المزايين
جميله: لا خلاص بقلب هنديه ابي باشا هذا
ريميه: وامس تتطنز علي كفوك هندي هااه تعذريني
جميله: تغني.. مسمووح ياللي تعذر
حوريه: يالله خلونا ننزل تحت عند خالتي

وانزلوا البنات عند امهم لين جاء موعد الحفله:

راحوا لبسوا دراريعهم وبطلوا شعورهم اللي ماشاللله عليهاا طويله حيل وكثيفه
وقالب لونها من الحنه صاير بني على حمار خفيف وربطوا السكارفات زي المصريات وحطوا حمره حمرا وكحل مع ان جمالهم مايحتاج بس اوامرالمعزبه

بدوا يقدمون القهوه والعصير والحلويات ..

انبسطت الجده منهم حيل ..؟؟

كانت ام طلال واقفه ومعها صاحباتها ثنتين ..؟..

ام مهند : ماشالله عليك يام طلال منين جبتي هالبنات القمر يصبون قهوه
ام طلال .. وكانت عيونهاا طول السهره على ريمه وجميله: والله صدفه
ام عادل: بصراحه جميلااااااات حيل
ام مهند: وشعورهم شكلها ما عمرها طبها المقص بتجنن مو شعور بناتنا فروه راسهم تعبت من الصبغات والمواد الكماويه
ام طلال: ماشاء الله ماني قادره انزل عيني من الكبيره صراحه تفتن
ام عادل: لو ماهي اقل من مستوانا كان بلا تردد اخطبها لبني عادل
ام طلال:ليه التفكير السطحي عمر لفقر ماكان عيب للانسان بالعكس يكبروا
بعيوننا لانهم ماراحوا شحدوا على الابواب بالعكس شتغلوا وتعبوا حتى لو كانت ابسط الامور
ام مهند: معاك حق
ام طلال: وكل هالاغنياء اللي تشوفيهم ماولدوا وبفمهم ملعقه من ذهب هذا زوج ام ياسر كان بياع خضار واللحين من اكبر مزارع السعوديه ملكه ومن اتجر اصحاب المنتجات الخضوات وبالعكس تفخر بزوجهاا يوم كان فقير ودايم تردد نجاحه
ام مهند: وصح بعد ابو زوجي كان حمالي واللحين اكبر الxxxxات تلاقي اسمه فيهاا
ام عادل: الصراحه اخجلتوني بس هذا كلام الناس
ام طلال: واحنا ايش مضيعنا غير كلام الناس اللي ذابحناا
ام مهند: بتعرفي انا ماشيه على قانون مايهني أي احد اعمل اللي يريح ضميري وبس
ام طلال : احسن لك
ام عادل: افهم من كلامك بتخطبيها لابنك طلال
ام طلال .. تبتسم بخجل: هههه احرجتيني بس اولادي غير ما ازوجهم أي البنات
لازم يكونون جميلات واميرات بعد
ام مهند: أي والله طلال وفواز مايبي لهم أي بنت لازم بنت تليق بمستوى العيله
واتوقع واتوقع بنات خالتهم بيلقون فيهم
ام عادل: أي والله بنات ام جود ماشالله عليهم حسب ونسب وجمال ودين أي ياحظ من بياخذهم
ام طلال: هالكلام مفروغ منه طلال لجود وجود لطلال من زماان وهالاثنين موافقين
بعد
الكل: موفقين انشالله..؟..

عند البنات لولوه وصاحباتهاا

ليلى : ايش هالجمال مين هالبنت
لولوه: هذي بنت شغالتناا
هيفاء: حرام هذي تشتغل
اسيل: أي والله المفروض انها تتستت وكل شي يجي لعندهاا
لولوه: شفت انا جمال بس زيها ماشفت
اسيل: ترى بديت اغار منهاا
ليلى: لكي الحق انك تغارين منهاا
هيفاء: على انها ماحطت مكياج زيناا بس صراحه غلبتنا بجمالهاا
اسيل: اموت واعرف اسمهاا
لولوه: مايحتاج تموتي اسمها ريميه
ليلي: والثانيه
لولوه: جميله
اسيل: عارفين انها جميله بس انا بعرف اسمهاا
لولوه: أي اسمها جميله والاخيره حوريه
الكل: ههههههههههههههههههههههههههههههههههههه

ماتوا ضحك على براءة اسيل

ريميه .. وعيونها بالارض خافت من نظرات الحريم لهاا ..

ريميه .. جميله جميله ..
جميله : هاااه
ريميه: ودي ابكي شوفي الحريم كيف يناظروني
حوريه: كاسرات خاطرهن
جميله: امحق ألا مستصغراتنا وطايحات من عيونهن
ريميه: يعني حنا شنو سوينا
جميله: انطمن وانتشرن بين الحريم

راحوا البنات يكملون شغلهم وريميه راحت المطبخ تاخذ لها صينية عصير

وهي داخله .. امي امي العصيــــــ؟؟؟

وقفت منصدمه ..؟..

كان في بنفس المطبخ رجال انصدم وهو يشوف ملاك قدامه ..؟..

ابو طلال .. ويطيح العصير منه ..
ريميه: تشهق رمت الصنيه منهاا وانحاشت ..؟..

ابوطلال : وقف مذهول مو عارف شنو يسوي ..؟..

دخلو عليه عياله طلال وفواز ..؟..

طلال: خيانه يبه من اليوم جالس تاكل من هالاكل الطيب
فواز: وحنا يمصعنا الجوع
ابو طلال: استوعب: هاااااااااااه
طلال: شفيك يبه وليش هالصينيه طايحه
بو طلال.. يطالع طلال وفواز بنظرات ريبه وعقبهاا طلع من المطبخ ..؟..

فواز: شفيه ابوك
طلال.. اظاهر طاحت من الصينيه وانصدم
فواز: ياحوووول لا يكون جاه ارتجاج بالمخ
طلال:عيب عليك هذا ابوك بحسبة اخوك
فواز: يابني تعال دغدغني
طلال: ليه
فواز: عشان اضحك على مصالتك

وبعدها طلعوا العيال ورحوا للخيمه ..؟..

ريميه واقفه على طرف الصاله بعيد عن انظار الحريم معاهاا اختها وبنت خالتهاا

جميله .. وتهز مع الأغنيه : والله هذي الحفلات ولا بلاش
ريميه: ياحلات رقص البنات
حوريه.. وتطق اصبع : بنات يالله مع بعض فوق فوق تحت تحت

والبنات مع بعض قاموا يهزون وهن بمكانهن
مايعرفون يرقصون بس عبط

ريميه.. وحست ان احد قرب منهم : بنات ص ع ص
وقفوا البنات .. كأنهم بصف عسكري

ام طلال: وينكم بنات ليش ما تقهوون الحريم
جميله: خلصنا عمتي واللحين العصير وكل وحده معاها كاس
ام طلال: ولو افتروا قدموا الكيك
ريميه: حاظر عمتي
ام طلال: ابتسمت .. يالله انطركم

وراحت ام طلال ..

البنات .. طالعوا بعض .. هههههههههههههههههههه

حوريه: يالله مشينا قبل لا تجي وتعصب
البنات: يالله

أنتهت الحفله على خير وكلن راح بيته ..؟..

حوريه.. وهي تلبس عباتهاا : خاله خلي احد يوديناا
ريميه: أي يمه الساعه أللحين 2 بليل وين نروح بروحنا
ام يوسف: بقول حق كومار يوديناا
جميله .. بصوت واطي : ريميه كومار نفس باشا ملوح
ريميه: امحق يجيب المرض باشا نادر وجوده
حوريه: خالتي خلي باشا يوديناا
ام يوسف: لا باشا نفسيه مزعج والله يذلنا عليهاا
جميله: أأأه يحق له
ام يوسف: خييييييير
ريميه: لا ولا شي يالله مشيااا

وراحوا البناااات بيتهم ..؟..

حوريه: خالتي خليه يقطني على بيتناا
جميله: لا نامي عندناا
ريميه: أي والله منو بالبيت عندك اذا بدريه ومشعل في بيتناا
حوريه: أي مو هذا اللي ابيه تعرفون البيت مافيه احد ومابي اخلي امي بروحهاا
خصوصا وهي تحس بالوحده عقب وفااة ابوي
ام يوسف: الله يرحمه انا باخذ امك ونروح بيتناا ابو يوسف مسافر وماعندها احد
تستحي منه كان تستحي من اختهاا
حوريه: شورك وأهدايت الله

وراحوا بيت حوريه ولا حصلوا احد وبعدها راحوا بيت ام يوسف

وهم داخلين البيت ..؟..

حصلو ام مشعل منسدحه على فرشه والعيال مطلعين التلفزيون يشوفون مباراة
ويوسف معاه دفتر يكتب فيه والبنات يلعبون

ريميه: جبنا لكم عشااء
العيال: متعشيين
جميله: وشوو
عمر: انتي ناسيه اليوم عرس ولد ابو صالح
حوريه: اييي صح والله اني نسيته
مشعل: ياعليهم ذبيحه والله اني كليت منها لين بشمت
ام يوسف: اجل دخلي الاكل بالثلاجه بكره انتغدااه
مشعل: بس عادي في مجال نزرط
جميله" ومعاها الكيس احلم اعطيك ايااه
عمر: مشعل عليهاا
مشعل: وراك

ويقومون يخطفون الكيس ويركضون بالحوش والبنات وراهم
كان شكلهم نكته

ام مشعل: هههههههههههههههه ياكثر متهبدون انت وياهاا
ام يوسف.. تمسك راسهاا والله راسي يوجعني منهم

وبعد الضحك والصيااح راح البيت كله ناااااااام من التعب

.................................

في قصر ابو طلال ..؟..

ام طلال تطيح على الكنبه بغرفتها ..؟..

ام طلال: أأأه يابو طلال هلكت من التعب 3 ساعات واقفه على رجولي وافتر
من حرمة ألى حرمه عشان محد يزعل علي

ابو طلال .. منسدح على السرير مسند راسه الطوفه وسرحاان على الاخر ..

ام طلال : ياربي من الرجال اكلمك انا ابو طلال انت معي
ابو طلال: ويستوعب ... هااااااه أي أي معك
ام طلال: والله مايندرى سرحان بمنو حظرتك

ابو طلال: يبتسم ويطالع ام طلال ثم ضحك وغطى نفسة بالفراش ونااام

ام طلال .. وتركض وتنسدح جنبه : ابو طلال سرحان بوحده هااه ماتكلم
ابو طلال: يالله حتى وانا سرحانه تغيرين رجااء خاااص ابي انااام
ام طلال .. وتتحلطم : اووف من الرياجيل مالهم امااان اكيد اكيد سرحان بوحده أه لو اعرفها والله لموتهاا على ايدي ..؟..

واستسلمت وعقبهاا ناامت .؟..

في الصاله جالسه لولوه وسومه وطلال وفواز نايم على الكنبه ومزعجهم بشخيره...

سومه: اووف طلال ماتشوف اخوك
طلال. ههههههههه اصلن صوته عسل زيد يابعدي زيد
لولوه: اوف راسي يعورني منه
طلال: خلوه يرتاح حرام من الصبح وانتم لاطعينا برى البيت
تلقينه ميت من التعب
سومه: اووف منك أي كملي سوالف لولوه تقولين فستان ابرار جايبته من باريس
لولوه: أي تقول جابته طلبيه بس انا ماصدقهاا
سومه: ليه ماتصدقيهاا
لولوه: لاني شايفه على صديقتي نوف زيه
سومه: احلفي
لولوه: ولو انا بكزب عليك
سومه: هههههههههههههههه بانت على حقيقتهاا الكذابه
طلال: وشتبون بالبنت خلوها بحالهاا
لولوه: اقول كمل كمل قرايه لكتابك هذا وفكنا من فلسفتك الزايده
سومه: وتأشر بيدهاا : كملي كملي ماعليك منه
لولوه.. اممم وش بعد وبس هذا اللي حكينا فيه
سومه: وباقي الحكي
لولوه: طالعه عيوناا لبرى نطالع بنت ام يوسف

انتبه طلال لكلامهم .. وقط اذنه عليهم يسمع شيقلون..

سومه.. أأهاا قلتيلي اثري مو بس حنا اللي كنا نطالعهم حتى انتم
لولوه: انتي من صدقك كل الحريم بيسولفو فيهم
سومه.. يمااا يمااا شفت جمال بس نفس جمالهم ماشفت
لولوه .. وبدت الغيره .. أي عادي بنات خالتي جود وعهود احلى بكثيير منهم
سومه: أي بنات خاله واي خرابيط اتوقع اناا والله اعلم انهم من عرق يوسف
لولوه: شووووووووووووووو بس انا احلى
طلال .. لهدرجه بنت ام يوسف حلوه
سومه .. يماااا لو شفتهم هم كلهم حلواات بس اكثر وحده ريميه
لولوه: وانت ليه قاط اذنك علينا لاتسمع لناا ولا اقول امشي سومه لغرفتي نسولف
سومه: يالله
طلال: ابركها من سااعه فواز قوم قوم البنات طسوا
فواز: على شحم تعالوا كملو بنت ام يوسف متزوجه
طلال:ههههههههههههههههههههههههههههههه... ويرمي عليه مخده
سومه: مو على خبري انك نايم
فواز: وفي احد ينام عندكم
سومه: ماالت عليكم

وراحت تمشي هي ولولوه لغرفتهاا

طلال.. جلس يفكر .. ياترى منو اللي وصلتهاا لايكون هي ريميه على قولتهم
حلوه ودمهاا خفيف وين تلاقي نفسهاا .. بعدين تعال انت ليش تفكر لايكون
ناوي تخطبهاا هههههههههههههههه اخطبهاا .. لالالا الصراحه انهبلت بعقلي
اتزوج وحده امهاا شغاله عندنا بكره امهاا تطبخ لناا وهي معاهاا تساعدها وتجيني
كلها ريحه بصل .. وغير كذا بتذلني بأهلهاا .. لالا

فواز: انت ورع رد علي اكلمك
طلال.. منتبه.. هااه شتبي
فواز: اقول لك لا تزعجني بالتلفزيون انا بروح ارقد
طلال: اذلف
فواز: من الاحتراااااام والله

وراح فواز يناام وظل طلال يطالع تلفزيون لين ناااااام

» روايـــــــــة الرزق على الله الجزء 7
» روايـــــــــة الرزق على الله الجزء الثالث عشر
» روايـــــــــة الرزق على الله الجزء الرابع عشر
» روايـــــــــة الرزق على الله الجزء الخامس عشر
» روايـــــــــة الرزق على الله الجزء الثاني