Labza.Salem
Admin
عدد المساهمات : 43954
نقاط : 136533
تاريخ التسجيل : 12/09/2014
العمر : 29
الموقع : سيدي عامر
 | موضوع: قصيدة عن معركة في جبل تسالة جنوب وهران شرق بلعباس  الجمعة 17 مارس - 23:46 | |
| يوم الاحد اصرات عنا بعض الاخبار*** متنيف بها ضميري و القاني
اسبعطاعش افريل عقاب النهار *** لها صوت اعظيم خبرو نواني
اثمنطاش فيه تسمع ماذا صار*** بين اجبال تسالة واستين ثاني؟
معركة من هولها تلفت لنظار***متأسف بها ضميري و القالي
قوة سيارة هجمت الاستعمار***باثنين و ربعين تحسب جرداني
لا فطنة حتى ثارو ناض الغبار***من جيش التحرير حواض مجاني
حصدوهم في ساعتين أقدات النار***لاذو بالفرار جيش الخزيا رني
من بعد الهزيمة هجم عسكر جرار***ماليه احساب مثل الذباني
بالمصفحات واطناق التكرار***الطيرات و المورطي ياتشطاني؟
شعلت نار الغاز متعكر يعكر***داير البدو سد حواض عياني
داير لمقام في السماء ناض الغبار***مثل الحصيدات فالارض شواني
كالسيل الهلهال ملون للأوعار***و للعجاج اغزير بالريح اكساني
خمس ميا فايتتها بالتحكار***هذا قولصحيح ما هو لقواني
بالسرعة جندالأبطال سكنواالأعمال***صناعة امقابل فالطرفاني
على لجبال يلوحو يمنة و يسار***ما تصحش الداخل من البراني
اسمع حس الكور و المدفع زقدر***و البارود أنينداير دخاني
فن الحدري فالسماء داير غبار***شرفات السحاب تعطل يا زماني
خمساميات في يد أبطال العبار***قابض الضامن بيهم يا فرساني
تزعزع لجبال من غزو الدمار***بالقنابل و الكور صح يا شباني
خاوة اخيار كل واحد منهم صبار***ثبتوا فالميدان ما فيهم داني
توصوا على الموت لا يلحقهم عار***يمكن عيب اهروبنا من عدياني
الموت على لوطن صفة الأحرار***باش نحرروا وطننا يا شباني
دفق الدم على الحجر سايل هدار***ما أعظيم داك اليوم شيب صبياني
ماذا طاحت من فرايس يا حضار***بين المزقين ما تغير حالي
سقطت سبعامئة من جيش الكفار***صدوا مقهورين جيش النصراني
هذا هارب ذاك طايح كالقنطار***حتى ساعة ما ثبت فالميداني
ياك فالوطن حومات اخبار***و على الوصية حاموا عليها عقباني
استشهد البعض بالرحمة خيار***في دار الخلود جنة راضوني
في ميدان الشرف فازوا بالفخار***والصابر ايفوز و كل شيء فاني
بين الحوريات فالجنة تختار***ترحمهم يا العظيم العالي
بالناس الموت و المولى غفار***هكذا تفعل اشبال العرباني
يا حكام فرنسا يا جيش النازي***ما زالوا الأيام و انزيدو ثاني
غرتكم كثرة المصانع من نوع الشار***بين المخالب شربوكم عقباني
نتسلحوا و نعاودوا ليكم مرار***تتقوى الحروب من كل ألواني
أهل الجبهة بكروا ليكم تفكار***بالسر المحكوم تحت الكوثماني
يا ربي يالخالقي يا عالم الأسرار***جود اعلينا يا رب الفوقاني
انصرنا يا الواحد القهار***الجزائر غيثها يا سلطاني
ابن الحاج بايت ينظم في لشعار***تتركب على همومي واحزاني
|
|
|
|
الإثنين 15 مايو - 11:57
