زلزال وهران و لصنام

توبو ياعباد صلوا على النبي
الدنيا صدت لابقى فيها ميعاد
هاذ الحاجة جابها سيدي ربي
هاذي نصيحة جات تنذر فالعباد
وهران و لصنام لاتبقى قربي
والبني لي طاح فسد العباد
مانعرفش البر على الصح نسمي
هدرو عنو قال لاتصحي عداد
شوفو الدولة قال عياها ربي
صاقت ذي لطناق تجبد فالعباد
ياهذا مكسور يبكي ويدربي
و لا خر ميت راه عنو ربي راد
صابو ذا الصبيان تبكي وتنادي
وعملو عنها يا اللي تدي لولاده
شرطو عنو قال تكسي وتقري
و الصبرة لله هذا هو راد
عييتينا ها الدنيا صديتي
وهلكنا ذ الوقت عبدو راه شيان
عييتينا كي العودة وهربتي
والعلامة فالزنازل والبنيان
قالوا في لصنام ياك تبدلتي
وماخليتي لاتبارن لاسكنان
وعبادك صدت ونتيا دفنتي
وراها صدت لاشهادة لا إيمان
في مال وقلم راكي فسدتي
ياك الخيل مخيرة من البعد تبان
وسروج المجبود راكي مرقدتي
المكاحل فضة تصلح للنيشان
في فضة ولو يز راكي فسدتي
هدرو عنك فالبرية والجرنان
عنك الحكام قال اتورختي
وما صرتيشي قع في دهر الزمان
شوفو لياها حبابي لو موني
ونهدر بالغيظ أنا قلبي مليان
حتى الذرية راها مرثتنا
وتربي ذ الروس تروى من الديفان
كي تحسان الوجوه رانا بهدلنا
وضرب كلش قال وحنا ماريكان
من هذاك الباب ربي وصلنا
ومن يخلف دينو يسمى شيطان
من هذاك الباب ربي وصلنا
سيد الأمة قاع عدنالو عديان
وفي يوم الصراط واش يفوتنا
الشفرة والموس حضرت الميزان
الخوجا تذراف كي دارت بينا
والوزارة قابظة قع البيبان
يحضر سيد القوم كي يشفع فينا
طيش ذاك المال هو جيب الرعيان
ياعجابة شوف من سارح بينا
من كان يصلي ويجيب الإيمان
وبتقدير الحق كي يشوف علينا
وزفرت الموت لونو كي يشيان
لاهو محسن ياك حرمو يدينا
يقصد باب العز في جنة رضوان
لي قتبو لصنام لاهم رجالة
نميزهم جهال ولا مبدوعين
كلش بالتقدير وفات الساعة
رقدو في لمان صبحوا مدفونين
رقدو في لمان صبحوا جبانة
وحجر مشتت جاو ليه الخدامين
ذايدي الشنتوف ذا يدي الساعة
ذاك يقصص في صباع المسلمين
هذا ملك الله ماهم كرايا
كي طاح البنيان عادو مهدومين
المطرح وحذاه ذي نموسية
صحاب القانة شوف فالعز رقودين
زربية وفراش ليهم شرعية
ومخايد على الراس ليهم ميعودين
تساف ينقمر حديث سلحية
ذو أهل المحنة عنو قصارين
لاتاي مرقد فيه نسمة شرقية
والكيسان زجاج ليهم مبرودين
بريق يلمع جاي في وسط سنية
تخزر فيه تشوف روحك يامسكين
الدنيا من العز ترجع موذية
وتسترنا بالخير يارب العالمين

» بالفيديو…37 سنة على زلزال “الأصنام”
» قصيدة عن معركة في جبل تسالة جنوب وهران شرق بلعباس
» هذه هي الطفلة “حليمة” الحراقة المفقودة في وهران
» احذروا.. هذه هي "ناموسة" النمر الأسياوية المنتشرة في وهران..!!
» إنتحار كهل شنقا داخل مسجد بحي سان بيار في وهران