روايـــــــــة الرزق على الله الجزء الخامس عشر

الجزء الخامس عشر

طلال: يالله قومي بنطلع نتمشى
ريميه.. وتقعد وتمسح عيونهاا : وين بنروح
طلال: بتمشى بالشانز
ريميه: وش يطلع هذا
طلال: انتي البسي وانا اقول لك
ريميه: قاامت راحت تسبحت وعقبهاا راحت لتسريحه تنشف شعرهاا
طلال: مطوله الاخت
ريميه: بس ينشف شعري
طلال: عزالله نمنا وما تمشيناا
ريميه: في احد يطلع يتمشى بالليل الناس كلها سكرت محلاتهاا
طلال: بس الشانز غير وحنا باريس مو بالرياض

ويقوم طلال ياخذ الاستشوار منهاا وينشف شعرهاا وريميه جالسه على التسريحه
تطلع من شنطتها الصغيره حقت المكياج كحل وتبي تتكحل

.. طلال: ياخذ منهاا الكحل.. وشهوله هالكحل ما اداني البنت تتكحل لغير مناسبه
ريميه: انشالله .. أي أي قطعت شعري
طلال: ههههههههههههههههه يالله خلصناا البسي واطلعي

راحت لبست ريميه بنطلون جنز بدي وردي صوف وفوقه بالطو بيج طويل يغني عن المانتو وملفع بيج ومع نقاب سير .. واخذت لها شنطه وشحاطه ماركة برادا بيج وبأسود
وطلعت لزوجهاا
طلال .. واقف يفكر : خلصتي
ريميه: أي شفيك حيران
طلال: افكر اروح بدلتي هذي ولا ابدل
ريميه: لا بدل احس
طلال: رايك كذا
ريميه.. واسانست انه بياخذ رايهاا : أي
طلال: اوكي اجل .....ويدخل الغرفه
وريميه جلست على طاولة الطعام تشرب ماي
طلال: ريووم تعالي ابيك
ريميه: طار قلبهاا ويدلعني بعد وراحت تركض له
طلال: شرايك ألبس هالجنز ولا هالجنز
ريميه: لا الجنز هذا احلى
طلال: اوكي البس هالبدي ولا هذا
ريميه: لالا السماوي احلى لايق اكثر
طلال: اوكي اخذ جكيتي الجلد ولا هذا
ريميه: لالا هذا احلى الشامواه تبي شي قبل ما طلع
طلال: لا بس دوري جوتي الرياضي مالي السماوي اللي عليه شارات رياضيه
ريميه: من عيوني

وراحت تدوره وبعدهاا مسكته ونظفته وعطته زوجهاا

طلال: تسلمين يا قلبي .. ويلبس جوتيه

ويقوم طلال ويمسك ايد زوجته مشينااا .. ريميه اليوم منبسطه على الاخر
شلي غيره علي وانه مايبيني لالا هو قال انه بيسعدني لين يطلقني عشان ما
اذكره بشين مايدري انه باللي يسويه جالس يدمر قلبي ببطئ

طلال: وين سرحانه
ريميه: بالغالي
طلال.. ويكشر : منو الغالي هذا
ريميه: واحد
طلال: شنوو قولي منو لا ارتكب جريمه فيك
ريميه.. وتبتسم .. ليه تغار
طلال: وليه ما اغار ماني رجاال
ريميه: فيـــــــك
طلال: وينقلب علامات وجه 180 درجه وابتسم ابتسامه كبيره : على بالي
ريميه: هههههههههههههههه
طلال: ليه الضحك
ريميه: لو تشوف شلون انقلب وجهك لما قلت فيك بتموت ضحك
طلال: اجل اشوه اني ماشفته
ريميه: وين الشانزليزيه تعبت وانا امشي
طلال: ههههههههه حنا جالسين نمشي فيه
ريميه: ووقفت وقمت تلف على ورى وتطالع قدام : اللحين كل هذا شنزليزيه
طلال: ايه وشفيك مستغربه
ريميه: احسب الشنزليزيه على قولتك مجمع ولا شي ولا سوق
طلال: لالالا شارع ماقلت لك
ريميه: لا ماقلت لي
طلال: انزين امشي بس شوي وبنوصل مقهى صاحبي
ريميه..وتضم كتف طلال ومشت معااه : طلول
طلال: يا عيونه
ريميه: طلولي جوعااانه واحس بينغمى علي
طلال: من عيوني بنوصل المقهى
ريميه: بس المقهى قهوى وحركات بايخه ابي اكل
طلال: انزين يالبطه
ريميه.. تشهق : انا بطه
طلال: أي مو ضعيفه
ريميه: ادري اني مو عصله بس مربره يعني حلو
طلال: اكيد حلو عليك
ريميه: وتبتسم : احم احم اخجلتني
طلال: وينزل راسه يطالعها : ياحلو المستحي
ريميه.. وتضرب ايده بنعومه: وجع استحي
طلال: هههههههههههههههههههههههههههه انزين في مطعم اسمه الميدان تبين نروح له عندهم شورما مو طبيعيه
ريميه: أي تكفاا جوعانه

ويروح للمطعم العربي ...

طلال: شتبين
ريميه: شورما دجاج
طلال: انزين كم وحده
ريميه: 10 عطني وحده
طلال: يكلم البائع : عطناا 4 شورما و2 بيبسي
ريميه: طلال في محل هنيه بشوفه على ماتخلص
طلال: وينه
ريميه: هذا هو
طلال: لا
ريميه: ليه طيب
طلال: عبط
ريميه: وتوقف ضايق خلقهاا ..

ولما خلص الطلب اخذ الكيس وراح لهاا عطاها الكيس يالله مشيناا دخل ايده بمخباته ووقف يطالعهاا ..

طلال: شفيك مبرطمه
ريميه: ولا شي تبي شورما
طلال: شحقه طالب
ريميه: غصب ابتسمت : تفضل
طلال: تسلم لي هالدين يالله مشيناا

وقامو ياكلون وهم يمشون لين وصلو للمقهى

وجلسو لهم على طاوله وتمو يسولفون ..

طلال: بكرى عندي لك مفاجأأه حتبكي عليهاا
ريميه: امحق مفاجأه هذي اللي تبكيني
طلال:ههههههههههه .. يمسك المنيو تبين قهوه
ريميه: لا توني شاربه بيبسي
طلال: ويرفع عينه : يعني تبين
ريميه: مابي
طلال: وينادي القرسون ويطلب له ولها كوفي
ريميه: الله يجنن المكان
طلال: ويلتفت يطالع المكان .. وطاحت عينه على طاوله بعيده شوي عنهم
بنات خليجيات جالسات ويأشرون عليهم .. قام يطالعهم بشمئزاز
ريميه.. وودها تذبح البنات : اقووم اقتلهم
طلال: ليه
ريميه: وشحقه تطالعهم
طلال:ههههههههههههههههههههههههه ويمسك ايدهاا ويبوسهاا مافي بنت تترس عيني غيرك
ريميه: انهبلت وانجنت ودها ترجع الرياض ركض بس عشان تقول للولوه اللي صار لهاا
ريميه: نزلت راسهاا مستحيه : تسلم
طلال: ابتسم ورجع يتسند على الكرسي ..طلع تليفونه .. وقام يتصل

طلال: هلالا يماا
لولوه: هلا وليدي
طلال: لولوه امي وين
لولوه: امي نايمه وبعدين كم الساعه عندكم ماتدري حنا ليل
طلال: تقريبا قدامكم بساعتين بس
لولوه: وين ريامي عطني اياهاا
طلال: ماتبي تكلمك ريومي
لولوه: اووف اوووف ريومي مره وحده شصار عطني اياهاا
طلال: سوري
ريميه: طلال تكفا خلني اكلمهاا
طلال: بخليك تكلمنين حبيبتي بس عشانها طلبت مني
لولوه: اخلص وعطني اياهاا
ريميه: هلا والله هلا بلولوه
لولوه: شكل الخطه نجحت
طلال قام يسلم على صاحبه راعي المحل
ريميه: لا نجحت ولا شي اصلن ما طبقتهاا بس من جينا وهو ياحياتي وياقلبي ويدلعني واللي ابيه يسويه لي
لولوه: شصار فيه
ريميه: يمكن يبيني استانس ويونسي .. حاااسه بتحطم بقوه والله ماتخيل حياتي من غيره امووووووووووووت فيه مستعده اعيش عنده لو يعذبني بس اشوفه قدامي
لولوه:المهم انتي نفذي الخطط وقولي لي
ريميه: ابشري
طلال: ماخلصتي
ريميه: يالله قلبي مع السلامه
طلال: وياخذ التلفون ويتكتف بايد ريميه : محد قلبك غيري انا
ريميه: اكيد

وراحوا هو ياها تمشوا وعقبهاا رجعوا للفندق

بدل ملابسه ولبس بجامه بيضه رجاليه .. وهي قميص وردي ستن قصير تحت الركبه بشوي وكمومه
سترج شفاف ثلاث ارباع ورفعت شعرها ذيل حصان وجلست جنب طلال..؟..

طلال: طلبت لنا فلم واللحين بيعرضونه
ريميه: صدق الله
طلال: بيعجبك حييل
ريميه: شنو
طلال: رعب
ريميه: يمااااااااا
طلال: هههههههههه تخافين
ريميه: مدري ما حبهم
طلال: اوكي بس شوفيه راح تموتين عليه
ريميه: شكلي بموت جلطه
طلال:ههههههههههههههههههههههههههه

بعدها عرضوا الفلم ريميه كل ما جاء لقطه تخرع يا تدخل راسها بظهر طلال
او تمسك ايده وتغطي فيه عيونها وطول الفلم طلال ميت ضحك عليهاا
لما خلص الفلم

ريميه: طلال بنام
طلال: روحي نامي
ريميه: خااااايفه
طلال: هههههههههه روحي وانا جاي

ريميه.. جلست لين جااء طلال .. ونامو.. وطول اليل ريميه مانامت تحس ان الوحش بيجيهاا وكل ماحست بشي قربت من طلال حيل وجلست جنبه وهذي هي على هالحاله ..

طلال: سمي بالرحمان ونامي لا تخافين انا عندك
ريميه: يماا والله احس اني بلتفت وبلقااه بوجهي
طلال:هههههههههههههههههه خلاص نشغل اللمبه بس نامي
ريميه: طلالالال خاااااااايفه
طلال.. ويحضنهاا : انا عندك ليش خايفه خلاص
ريميه: وارتاحت شوي .. وغمضت عيونهاا..

لين نامو كلهم ..؟..

.....................

جميله: وتتمرجح على الديارف .. الحيوان الكلب
حوريه: هههههههههههه طلعتي كلبه يا جميله
جميله: والله مانساهاا لها انا اعلمه
حوريه: ياعني على التحديات
جميله: اه يالقهر ودي اقتله طلعت كلبه ياويح قلبي وياه يقول عني كلبه
انشالله هالفخار يدخل بطنه

بعدها انفتح باب الاسطبل وطلع منه عمر وراه مشعل راكبين حصان ويمشون بفخر
وكان شكلهم يضحك

راحوا ركضوا البنات للعيال

جميله : وتلمس الحصان يجنن
حوريه: وخري لا يرفسك
جمليه: تنط .. يماااا
الكل: هههههههههههههههههههههههه

يطلع مطلق وهو راكب فرسه ويروح عند الجهال ..؟..

مطلق: هااه بنات تركبون ..
البنات : يصيحون : أيــــــــــــــــــــــــــــــــه
مطلق: يالله وياخذ بدريه يركبهاا ..؟..

وقام يمشي هي وياها حول المزرعه وبعدها لما نزلها شاف شيخه جالسه على كرسي ومبرطمه وحاطه ايدهاا على خدهاا زعلانه ..

راح لهاا مطلق ..

مطلق: شيووخه شفيك
شيخه: ماشريت عسكريم
مطلق: افا والله اللحين اشتري لك تعالي معاي
وياخذها ويركبهاا ويروح هو وياهاا برى المزرعه يلحقون راعي العسكريم
وبعدها وقف وشروا لها عسكريم وهي حدهاا مبسووطه ..؟..

وقام يدور فيهاا ويلف فيها بالشارع وبعدهاا راحوا للمزرعه وهي منتصره انها راكبه الحصان ومعاها عسكريم ..؟..

حوريه: تشوف من بعيد : ماشالله والله قلبه طيب يعرف للورعان
جميله : تطالعه .. لانهم من نفس الطينه ورعن مع الورعان
حوريه:ههههههههههههههههههههههههههههههه ياكثر حقدك عليه
جميله: اجل انا كلب
حوريه:هههههههههههههههههههههه

ويقطعم صوت جاي من بعيد يصيح .. يااااااااااااااااااااااااااااو
يالربع يا ربعي مت مت اللحقوا علي..؟..

الكل قام يشفون منو اللي يصيح .. ألا فهد راكب فوق حصان وماهو عارف يوقفه
الكل: ماااااااات ضحك على شكله

مطلق لما شاف اخوه نسى ان معاه بنت صغيرى وقام يركض اقوى ماعنده
يلحق اخوه بيوقفه

قام يحد الحصان يبي يوقفه ومني مناك لين حشره بزاويه وقدر انه يوقفه
نزل فهد سجد سجدة شكر وهو يتحمد وينقز ان مافيه شي
واما شيخه انهارت بكي تخرعت من الموقف وسرعة الحصان

نزل مطلق وهو شايل شيخه وحاظنها ويحاول يهدي فيهاا وهي ميته بكي
راحت تركض لها جميله ووقفت تبي يمد لها شيخه

جميله: شيخه تعالي
شيخه: تبكي : ابي ماااماا ابي مااماا
جميله: خنقتها العبره .. واخذ شيخه من مطلق : يعنى لازم هالسرعه
وراحت عطته ظهرها وهي حاظنه شيخه وودخلتها البيت

مطلق: وقف منصدم من الموقف اللي صار بينه وبين جميله يوم اخذت اختها منه

مطلق.. مسكت ايدي مسكتهاا .. وقام يطالع ايده ..حس كأنه جليد ذاب داخله
فهد ويحضن اخوه .. الله يخيلك لي
مطلق: هااه فهد تكفاا دخل الفرس داخل انا طالع
فهد: وين
مطلق: بروح مدري وين المهم بطلع

وطلع مطلق ركب السياره وراح يدور بالشوارع

فهد راح جلس عند اهله بالفرشه وكان اللي جالسين امه وام مشعل وحوريه
ومرت عمه صالح ..؟..
مطلق .. ويبي يرقع الموقف : شفتوني وانا راكب الفرس ياني فارس بس محد مقدر
حوريه . كانت ماسكه الضحكه:ههههههههههههههههههههههه .. وقامت دخلت داخل البيت ...
فهد: تضحكين هاااه اشووف فيك يووووم
حوريه: التفتت عليه .. وزاد ضحكهاا
وبعدها : جلسواا يسولفوون

.....

حوريه وهي داخله ..
حوريه: ههههههههههههههههههههههههههه
جميله: ههههه شفيك تضحكين
حوريه: على فهد الصراحه نكته
جميله: هههههههههههههههههههههههه
حوريه: شلونهاا اللحين
جميله: نامت والله
حوريه: الله يعينهاا
جميله: ابي تلفون خالتي بتصل على امي
حوريه: التلفون بالشنطه روحي اخذيه ..

اخذت جميله التلفون وجلست تكلم امهاا ..

جميله: الووو يماا شلونكم
ام يوسف: حناا بخير انتم شلونكم
جميله: كلنا بخير الحمد لله عمان حوريه مو مقصرين معانا بشي والله مستانسن
بس ناقصنا شوفكم
ام يوسف: الحمد لله ابوك الحمدلله بدوا معاه العلاج وانشالله يتعافاا ريميه ماكلمتكم
جميله: الا والله كل يوم تتصل ماكلمتك اجل
ام يوسف .. الا والله كلمتني مرتين من وصلناا
جميله: الحمدلله ابوي عندك اقدر اكلمه
ام يوسف: لا والله نايم
جميله: ويوسف
ام يوسف: جالس ياكل يسلم عليك
جميله: الله يسلمه يارب
ام يوسف: ابشرك ابشرك لقوا ليوسف اخوك علاج
جميله: قولي والله
ام يوسف: وربي وتكفلت دكتوره انهاا تعالجه وعلاجه بياخذ مناا 6 شهور
جميله: لو ياخذ 6 سنين بس يتكلم
ام يوسف: اسكتي شكثر فرحت يوم عرفت
جميله: الحمد لله يارب
ام يوسف: وشلون خواتك
جميله: كلنا بخير يماا مابي اطول على تلفون خالتي
ام يوسف: انزين سلميلي على اللي عندك
جميله: يبلغ مع السلامه
ام يوسف: وانتي سالمه

جميله: حوريه ابشرك
حوريه: تمشط شعرهاا.. وشوو
جميله: يوسف لقوا له علاج
حوريه: الحمد لله

جميله بروح ابشر خالتي ..

وجميله تركض وتشوف اخوها عمر يلعب

جميله: عمر عمر ابشرك
عمر: شنو
جميله: يوسف لقوا له علاج
عمر.. وينقز من الفرحه : قولي قسم
جميله: وربي وربي فوقي
عمر.. ويمسك اخته ويبكي : الله يبشرك الله يبشرك

وراحت قالت لخالتهاا اللي انبسطت اكثر منهم بعد