روايـــــــــة الرزق على الله الجزء الرابع عشر

الجزء الرابع عشر

الساعه خمس الفجر توه بيطلع النور كانت حوريه جالسه هي وجميله
وبدريه و دانه اما شيخه نايمه مع خالتها

جميله: خساااااره راحوا بيوتهم البنات
حوريه: شيسوون بدت الامحانات وعقب الامتحانات يجون انشالله
جميله: ونجلس راسي وراسك لمدة اسبوع ونص
جميله: وليه عماني كلم موجودين وعمتى شروق وبنتها الصغيره ومرت عمي
خوله واخت فهد الكبيرى وامي وجدتي و الحريم الكبار
جميله: وانتي وجهك بجلس مع عمانك وانا ابي بنات كبرنا يفهونا موعجايز
حوريه: ماعليه اسبوع والبنات يجوون انشالله
جميله: اشوى ان عمر ودانه ابتدائي ولا كان لالحين ماعطلوا
حوريه: جميله ماتحسين بخوف بالمزرعه بالليل احس بينط علينا شي
جميله.. تتلفت . أي والله ظلام بس عادي مابقى شي ويطلع النور امشي خلينا نتمشى
بالمزرعه مادام كل العرب نايمين ان قاموا ماراح اقدر اتحرك من مكاني
حوريه: يالله
دانه: بنروح معاكم
بدريه: لا انا بنام
دانه: كيفك انا بروح

وراحو البنات يتمشون بالمزرعه اللي كانت كبيييييييييره مره

جميله: مزرعتكم الصراحه جنااان
حوريه: أي والله عماني حطوا كل مجهودهم فيهاا
جميله: حوريه ماعندكم حيوانات هنا احس ناقصها شي
حوريه: الا في بس باسطبل مطلق
جميله: يا امي من كثر ماتحذرين من هالاسطبل عندي فضول قاتل اني
ادخله
حوريه: انصحك ماتدخلينه الا معك خوات مطلق او جدتي
جميله.. وتتلفت .. حوريه اللحين فجر والناس رقود خلينا نغامر وندخل
حوريه: لالالالا اخاف مطلق يشوفنا ويسوي لنا سالفه
جميله: ياعمي ماراح يصيدنا مبرقعات ومتغطيات وشلون بيعرفنا
حوريه: هذا بلا ابوك يا عقاب الوحيدين من بنات عماني مبرقعات خواته وحنا
ان ماطلعوا خواته من بيطلعون يا شاطره
جميله: حنااا بس ماهمني انا بروح واشوف الاسطبل
حوريه: جميله جميله استني

وراحت تركض ورى جميله ..؟..

جميله تدف باب ااسطبل الكبير وتمشى ببطئ ووتتلفت بخوف
حوريه متمسكة بأيد جميله ويمشون بخوف كأنهم ينطرون احد يخرعهم ..

جميله.. وتدف حوريه بعيد عنها بعد ما تطمنت : قلت لك نايمين مافي احد
حوريه: خايف يطبون عليناا
جميله: دقايق نشوف ونطلع
حوريه: يالله بس ان سمعنا احد كل وحده تعض على طرف ثوبهاا وتنحااش
جميله: ابشري بعزك

وراحت تركض جميله للاسطبل واقفه تشوف حصان يركض ببراحه ومحد عنده

جميله.. تمسك ايدها وتقربها عند صدرهاا . اللـــــــه حصاااااااااان
حوريه: والله احسبه حمار
جميله: انطمي خليني اشوف على راحتي
حوريه: انا بروح عند الارانب بلعب فيها تجين
جميله: اللحين انا مشغوله مرينا بعدين
حوريه: ياعيني يا بزبز ومن
جميله: تنزل نعلها وتحذفهاا على حوريه

وحوريه تنحاش ماتبي النعله تجيهاا وتركض عند الارانب

جميله: الله يزعجك يالمروحه .. وتنسد على السياج وقمت تشوف الفرس
وهي تركض وتسوي حركات..؟..

وقربت منها تحاول تمسكهاا والفرس مستلمه لهاا ..؟..

>> انتي منو<<

قطع عليها حبل افكارها ألتفتت تشوف منو ..

إلا شاب واقف قدامهاا ومعاه صوط كان الشاب قمه قمه بالجمال على قولتها
شنو باشا كان جميل لدرجه وقفت خويتنا مفهيه فيه ساعه طول على جسم على
رجوله وجماله رجولي حيل الخشم سل السيف والعيون وسااع والفم صغير والحواجب شلون معقده في بعضها كان يسحر ..؟..

مطلق: اقول لك انتي منو
جميله .. تستوعب : هااه

كان حوريه تأشر لها من بعيد
ألتفت مطلق يشوف من وره وشاف بنت مبرقعه قدامه ..

حوريه.. لما شافته انه شافها قامت تركض ..
مطلق:لحظه لحظه .. وقفي وقفييي

حوريه منطلقه ومطلق وراهاا يركض لين طلعت من الاسطبل وتوجهت للبيت
وقف مطلق ألتفت على جميله وشافها واقفه بمكانهاا مصدومه ...
سكر الباب وراح لهاا

جميله .. يوم شافته قرب لها قامت تدور بالاسطبل وهو وراهاا

مطلق.. ويمسكهاا من عباتهاا
لما مسكهاا طاحت على الارض بعدهاا قومها وهو ماسكها من كتوفهاا

مطلق: انتي منو وشلي مدخلك للاسطبل
جميله.. وتدز ايده : وشفيها ان دخلت وخر لا تلمسني
مطلق: انا مو محذركم مليون مره محد يدخل هالاسطبل
جميله: وانا شدراني عنك محد قال لي انك محذر ولا مو محذر وبعدين
حط يافطه على الباب واكتب ممنوع الاقتراب
مطلق: لا واللـــــــه
جميله: أي والله
مطلق.. يطالعها رافع حاجب ومنزل حاجب : بنظرات حاده
جميله: ارتعبت من نظراته ونزلت راسها بالارض
مطلق: بسامحك هالمره لانك شكلك جديده وماتعرفين للقوانين بس ان عدتيهاا
مره ثانيه مو احسن لك
جميله: وتتخصر: والله عاجبني المكان ادخل واطلع متى ما ابي
مطلق: فوق شينه قوات عينه لا تحديني اتهور واسوي شي مايحمد عقباه
جميله: وتطالعه من فوق لتحت .. ماني راده عليك لانك سفيه
مطلق.. ماهو مستحمل يحاول يمسك اعصابه: انا محترمك لا تخليني اتهور
جميله: تمشي وتخليه

مطلق.. ما استحمل يدور شي يرميه عليها لقى صخره صغيره مسكهاا ورمى
جميله فيه ..

جميله تصنمت لما طاحت عليها الصخره ألتفتت تشوف مطلق
وكان يبتسم بمكر وجميله وودها تسوي شي يقهره لانهاا ماتقدر تطق رجال
والله يفضحونهاا شافت جمبها تحفه من فخار كبيره على شكل اسد
دفتها لين طاحت بالارض وانكسرت

مطلق وقف منصدم التحفه هذي غاليه عليه .. قام بيذبحها بس تحمد
ربهاا جميله انها قدرت تنحاش منه وطلعت من الاسطبل ..؟..

.......................

وصل طلال البيت بحدود الساعه خمس وهو داخل غرفة النوم لقى ريميه منسدحه بالصاله كانت تنطره ونامت ..؟..

طلال.. قرب منهاا .. ريميه ريميه
ريميه.. بنوم : هااه
طلال:قومي نامي داخل
ريميه.. مابي خلني بنام
طلال.. ويشيلهاا .. يالدلوعه
ريميه. حست عليه وتبي تقوم : خلاص قمت قمت نزلني
طلال: ليش ماقمتي من اول ماراح انزلك

ودخلها داخل الغرفه وحطها على السرير .. ودخل الحمام
ريميه.. وتنسدح :وتنااااااااام شكلهاا تعبانه
طلع طلال من الحمام وراح انسدح جنب زوجته

طلال: ريميه زعلتي مني
ريميه .. وتلتفت ليه : وازعل ليه
طلال: ماقعدت عندك
ريميه.. وتسكت .. لا عادي
طلال: يبتسم : وليش شلتي الزينه وبدلتي ملابسك
ريميه: قلت بتطلع
طلال: واللي يطلع مايرجع
ريميه: وتسكت ..إلا
طلال: اوكي نامي اللحين شوي ورانا سفره
ريميه:وين
طلال: بنروح لباريس
ريميه: وتلف عنه وتسوي نفسها نايمه
طلال: تعدل بجلسته ونام

...........................

حوريه: يماااا يمااا كل هذا طلع منك يا جميله ..
جميله: وقفته عند حده هالمغرور
حوريه: تعرفين هذا منو هذا مطلق والله والله يفضحك
جميله: وانا شسويت
حوريه: ياويلي على حالي يا حوريه عزالله منتى معرسه على فهد
جميله: وراااه
حوريه: ورااه تقولين ورااه انا اقول لتس مطلق اللحين راح يمنع اهله وخواته
من الاقتراب بكل شي يمس لك بصله وانا جعلي ما افيد اصير بنت خالتك يعني قريبتك
جميله: ابرك لك افتكي منهم اجل بيصير مطلق حماك
حوريه: لالالا لازم اتبري منك بجيب ذبيحه واكر رقبتها قدامك
جميله: ابركها سااعه
حوريه: انقلعي
جميله: عشان امي مو هني رحتي تتمصخرين علي الله يسامحك وتطلع للبيت تروح
تنام وهي تبكي ..؟..

حوريه حست بتأنيب الضمير وراحت ت****هاا ..

حوريه.. جميله جميله
جميله: لاتكلميني بنام
حوريه: افا تبكين
جميله : وش عليتس مني
حوريه : تعرفين انا لساني متبري مني
جميله: حوريه بنام مالي نفس لك
حوريه: ما اخليك لين تقولين لي انك رضيتي علي
جميله : رضيت بس طسي عني
حوريه: طمنتيني

ناموا البنااات

......

طلال: خلصتي اغراضك
ريميه: ايه
طلال: يالله مابقى شي على الطياره
ريميه: ماراح نسلم على عماني
طلال: ابتسم : لا بنروح مشينا
ريميه: تبتسم . ليش تبتسم
طلال: تذكرت شي حلووو
ريميه: دوم يارب

وراحوا لبيت اهل طلال

سلموا على الاهل وجلسوا ..

ريميه: خاله وين لولوه
ام طلال: طلعت للسوق
طلال:صايرين صحبه انتي ولولوه
ريميه: ابتسمت وسكتت
طلال: سلمي يما على فواز ولولوه يالله مشينا ريميه
ريميه: انشالله وتلبس عباتها وتطلع معااه

وصلوا المطاار وجلسوا ينتظرون الطياره وبعدها طاروا

ريميه وتجلس على الكرسي .. وطلال يجلس جنبهاا ..

ريميه: وتتلفت .
طلال: علامك تتلفتين خايفه
ريميه: هاااه لا بس اناظر
طلال: لا تفشلينا خلي نظرك قداام

وبعدهاا اعلنوا انطلاق الرحله وقامت الطياره ترتفع عن الارض
ريميه كل ماترتفع كل ما يزيد خوفهاا ..

ريميه: بصوت مسموع : لا إله ألا الله .. لا إله ألا الله . وهي متمسكه بطلال
طلال: ههههههههههههههههههه
ريميه:وتحشر رسهاا بكتف طلال .. طلال تكفا بننزل
طلال:خلاص حبيبتي بنوصل اللحين بس انتي اصبري
ريميه. بقلبها : عشان قلت حبيبتني بتحدى الخوف والضغط ..
وجلست وهي متمسكه بايد طلال .. وطلال مستسلم لهاا

بعد الرحله الطويله وصلو

خلصوا الاجراءات وراحوا للفندق اللي ساكنين فيه وهو انتركونتنتال باريس

ريميه تطيح على الكنبه وتمسك راسها : ااه ياراسي ااااه
طلال..يضحك: شفيييك
ريميه: راسي يوجعنيي حييييييل
طلال: سلامتك

ويروح ويخليها جالسه تون وتشكي من رااسهاا وبعدهاا ربطته بشيله وانسدحت
بالسرير .. يطلع طلال من الحمام عقب ماسبح ولبس روب..؟..

طلال: ريميه نمتي
ريميه: ايه
طلال: قمي مافيني نوم
ريميه: انا تعبانه
طلال: قومي مافيك الا العافيه
ريميه .. وتقوم بثاقل وتجلس على حافة السرير .. هااه وش عندك
طلال: بس ابيك تقومين وتجلسين عندي
ريميه: وتنسدح مره ثانيه : احسب عندك سالفه ماتحس فيني راسي يعورني
طلال.. ويجلس جنبهاا : طلعي لي ملابسي
ريميه.. وفيها البكيه : تقوم بتثاقل . وتفتح الشنطه وتطلع له بيجامه
طلال: لا ابي البجامه الزرقاء
ريميه: ابشر .. وتطلع له بيجامه زرقااء
طلال: ولا اقول لك عطيني البيضه
ريميه.. بتملل .. طلال متشوفني مريضه وجالس تتدلع علي
طلال.. كيفي اتدلع على زوجتي
ريميه: وتنقهر .. وتشيل الشنطه وتحطها تحت رجله : اخذ اللي تبي
وتنسدح بالسرير ..
طلال: عشانك مريضه بس بغفر لك اليوم

وياخذ له بيجامه وويلبسها وينسدح جنب زوجته

طلال .. اووف مافيني نوم
ريميه: وانا تعبانه تكفى طلال لا تزعجني
طلال: هذي اسلوب عروس باسبوع عرسهاا
ريميه: وتلف تطالعه : شتبي اسوي عشان المعرس يستانس
طلال.. يبتسم : تجلسين معاي تسولفين
ريميه .. تقوم .. ببدل ملابسي وبعدين سولف على راحتك

وراحت لبست لها بيجامه حرير وجلست جنبه ..

ريميه: ببتسامه مصطنعه : سولف حبيبي سولف اسمعك
طلال: لالا خلاص جاني النوم
ريميه.. تتخصر : عقب ماطيرت النوم مني تبي تنام
طلال: شسوي حياتي تعبان.. ويلف يعطيها ظهره
ريميه..تهزه .. مابي قوم قوم
طلال: هههههههههههه بنام
ريميه: وتمسك المخده .. وتضرب ظهر طلال فيها : قوم يالله قووم
طلال.. هههههههههههههه .. ويلتفت يمسك المخده ويحشرهاا براسهاا
مابي اقوم مابي
ريميه: يمااااااااا بموووووت بمووووت .. وتسوي نفسها ميته ..
طلال.. ويجلس يدغدغهاا ..متي هااه متي
ريميه: ههههههههههههههههههههه خلاص خلاص مامت مامت
طلال: ويجلس .. تعرفين عشان ما تلعبين معاي
ريميه.. وتمسك بطنهاا : هههههه ماني لاعبه معك ايها الشرير
طلال: اناا شرير يالساحره
ريميه: انا الساحره يا بلوتو
طلال: هههههههههه انا بلوتوا يا زيتونه
ريميه: والله انا زيتونه هااه .. وتقوم زعلانه: ماتكلمنيش مخمصاك
طلال: ههههههههههههههههههههه مخمصااك هههههه
ريميه: اجل وشلون يقلونهاا
طلال: مخصماك هههههههههههههههههههه
ريميه: عادي غلط مطبعي
طلال: هه خلاص تعالي نامي مراح ازعجك
ريميه: وتسحب البطانيه .. بنام بالغرفه الثانيه
طلال:لا والله اخاف بروحي
ريميه: اسم الله عليك
طلال.. ويمسكهاا من خصرهاا يسدحهاا باسرير : مافي نوم برى نامي يالله
ريميه: انشالله بابا
طلال: ههههههههههه نامي بلا ازعاج
ريميه: ماني مزعجه انا المهم تصبح على خير
طلال: وانتي من اهله ..

................................

في المزرعه..

جميله : ماني بجالسه عندهم
حوريه: ليه لالحينك زعلانه يابنت امشي ام مطلق وجدتي ذبحوني وهم يسؤلون عنك
جميله: مالي نفس اقعد معاهم تكفين خليني بروحي مشتهيه اجلس بروحي
حوريه: لا ماني مخليتك امشي يالله يابنت وناسه الجو فله واللحين نبي نشوي
يالله
جميله: ومطلقووه هنااا
حوريه: لالا وش يجيبه لنا هو مايجلس عند الحريم
جميله: مو تقولين عادي عيال عمك يجلسون مع البنات
حوريه: يعني مو كلهم مطلق مو منهم ومايحب يجلس عند بنات عمه
جميله: بس اللحين بيجلس معاهم يعني عيال عمه كلهم راحوا عشان الامتحانات ومابقى غير هو وعمك والبنات راحوا مابقى غيري انا وياك وعماته بالله ليه مايجلس وانا مالي خلق اشوف وجهه
حوريه: ان جاء دخلت انا وياك لان امي ماتحبني اجلس معاهم كذا
جميله: قولي والله نتدخل
حوريه: اقول لك امي ما تداني يالله امشي
جميله: طيب اكوي عباتي ونقابي
حوريه: يابنت من بيشوفك عدل الدنيا ظلمه شوفي انا نقابي تقول عالكته ناقه
جميله: هههههههه يالله اجل

ولبسوا البنات عبياتهم ونقباتهم وطلعوا للحديقه
ام مطلق: يا مرحبا يالله حيهاا وينك انتي مابينتي من الغدا
جميله: تعبانه شوي
ام مطلق: سلامتك ماتشوفين شر تعالي اجلسي قربي

وراحت جميله جلست قربهاا وتمت تسولف معاهاا

كان الجو حلو والقعده ماتنمل بين ضحك وسوالف وقصيد ونكت
عاد شوفوا العجايز لا نكتوا امسكو بطنكم وظحكوا

ام مشعل: جميله نزلي نقابك ماعندك احد
جميله: اخاف يجي احد من العيال
ام مطلق: مامن احد موجود غير مطلق وفهد وعمهم صالح وكلهم نياام
جميله: وتفصخ نقابهاا
ام مطلق: ماشالله ماشالله لا لا خلاص ما تطلع من عندنا هالبنت خلاص حاجزتها لواحدن من عيالي
الكل:هههههههههههههههههههههههههههههه
جميله: تقطع وجهها من الحياء وودها لو تلبس نقابهاا

<< احم احم احم يا هيه <<

ام مطلق تلتفت .. حياك مامن غريب كلهن عماتك
مطلق: ويجلس قدام الدوااه ويدفي ايده .. وين قهوتكم يعني لازم انا اجي واسنع قهوتكم
ام مطلق : هههههههه وش نسوي سواتك مامثلهاا
مطلق.. وكان معطي امه ظهره ويبي يتعدل بالجلسه ويجلس جنبهاا كانت في وحده جالسه جنبهاا عرفها وشلون مايعرفها وهو طول الليل يفكر بالانتقام منهاا
مطلق: ويجلس جنب عمته اللي جالسه جنب الدواه

(( كانت الجلسه متحلقين فيهاا ام مطلق بصدر المجلس وجنبهاا جميله باليمين وعند جميله ام مشعل وبالصوب الاخر عمتهم وجنبها مطلق وباقي العمات مطشرات اللي تشوي بعيد عنهم واللي جالسه توكل عيالها باخر الفرشه وحوريه يوم شافت مطلق راحت جلست جنب جميله ..))

مطلق.. وياخذ الدله ويسنعهاا بيسوي قهوه : والله انا عارف حياتكم من غيري سلطه
ام مطلق : خل عنك العياره اخوك وعمك وينهم
مطلق: عمي توه قام وطلع يجيب شعير للخرفااان وفهييد راقد والله انه بعيير صار له 12 ساعه راقد
ام مطلق: يهب قل ماشالله
مطلق: وعلى شنو احسده احسن خليني اصكه عين عشان مايرقد
ام مشعل: مطلق هاه هالمره ماجبت لنا خيل نركب عيالنا فيهاا
مطلق: ابشروا بس اليوم اعذروني مشغول والله ان فضيت جبت لكم خيل

ومن بعيد تركض شيخه وتصيح : جميييله جميييييله
جميله: تلتفت عليها : بصوت واطي وش فيك .. تشهق : وش مسويه بملابسك
شيخه: طحت من الديارف ابي ريالين
جميله: انا حالفه ان وصختي ملابسك ما في ريالين
شيخه: تكفيييييييييييين الله يخليكي سيارة العسكريم بترووح
جميله: بلا دلع وامشي ابدل ملابسك
ام مطلق : لالالا اعرفك ان دخلتي للبيت ماطلعتي خلي ورنيتي الشغاله تبدل لهاا
جميله: بس ماتعرف لهاا
ام مطلق : ماعلي منك . تصيح .. ورنيتي تعالي بدلي ملابسهاا

وراحت شيخه و ورنيتي يبدلون ملابسهاا وكانت شيخه تهشم وتبي تبكي كلهم شروا الا هي

فهد .. يصيح على مطلق .. مطلــــــــــــــــق مطلـــــــــــــــــــــق
مطلق .. يلتفتت : خير وش تبي << بصياح بعد
فهد: العمــــــال وصـــلوووو
مطلق: دخلهم للاسطبل وانا جااي اللحين
ام مطلق: وشعندكم بالاسطبل
مطلق: لا ولا شي غير تحفه عندي مكسوره وجايبهم يضبطونهاا
ام مشعل :افاا من كسرهااا
مطلق: كان في كلب اليوم الصبح بمزرعتي هفيته بصخره قام نط عليها وكسرهاا <وكان طول مايقول السالفه عينه على جميله يبي يقهرها
ام مطلق: كلب وش جايبه الاسطبل
مطلق: والله مدري بس المهم لقيت كلب كبير حيوان لونه اسوود المهم طردته
من الاسطبل وعقب هالطرده ما توقع راح يجلس اكثر عقب بالمزرعه
ام مطلق: يااااحول يختك هالايام كثرت بالشوارع الكلاب المسعوره
ام مشعل: ياختك
ام مطلق: أي والله قصيرتنا ام خالد نط على ولدها وعضه والله يالقشره لاهلحين
تشتكي من ورعها صار مدري وشلون قايل يقلون انه ينبح بنصاص الليول
ام مشعل: ابك ابك ابك ياربي احفضنا
الكل:ههههههههههههههههههههههههههههههههههههههههههههه ه
الا جميله اللي طنقرت من السالفه..؟..
مطلق: عن اذنكم انا ماشي
ام مطلق: وتمسك ولدها من شعره: اناا طالبتك انك تحلق شعرك هذا
مطلق: وعلامك على ذيلي يماا عاجبني
ام مطلق: امحقق والله اني ما داني شوفه ولا شوفك هالخنافس ما طيقهاا
ابد
مطلق: ابشري احلقه لماا يجيني ورع .. ويقوم يركض خايف من امه
ام مطلق .تمسك نعلهاا وتحذفه عليه ضرب رجله : يامال الغضر قم احلقه
مطلق: أأأه ماني بحالقه خلاص يما انتي شلتي يدك مني شوفي مفرح وفهد
هذولا لالحينهم ورعاان
ام مطلق: ماشيل يدي منك لين اموت
مطلق: الله يعطيك طولت العمر يالله تمسون على خير ..

» روايـــــــــة الرزق على الله الجزء الرابع
» روايـــــــــة الرزق على الله الجزء 7
» روايـــــــــة الرزق على الله الجزء التاسع
» روايـــــــــة الرزق على الله الجزء العاشر
» روايـــــــــة الرزق على الله الجزء الحادي عشر