وصفة لتقوية الشعر بالاعشاب

هاد الوصفة كتقوي الزغبة و تعالج فروة الراس كانت عطاتها لي واحد الصديقة سنوات هادي جزاها الله خيرا

وبين الفينة والاخرى كنستعملها ووافقاتني وحبيت نشارككم بيها حتى انتوما

غادي نحتاجو سانوج +حرمل+خزامى+حبة الراس+ الزاز+الورد+سنبل+قرنفل+الريحان+قشور الرمان +أزير+الحديدة الحمراء كانخذ تقريبا 2 دراهم من الحاجة وكنطحنهم ونخلطهم ونعملهم فقرعة الزجاج وكيخرجو كمية كثيرة الوقت لي بغيتهم نلقاهم واجدين

ثم نجيب الحنا الخاصة بالشعر ونص كاس صغير زيت بلدية لانو كتهرس جهد الحنا ومكيجيش ناشف ولي بغات تجدد لون شعرها ضيف العكر الفاسي الخاص بالشعر

هذه الصورة تم اعادة تحجيمها . الحجم الافتراضي لها هو 1600x1200.

نخلط الحنا الجهد ديال كل وحدة وشعرها قصير ولاطويل مع ملعقة كبيرة من الاعشاب لي طحنت ونضيف الزيت ونخلط بالماء الدافي وندهن بيه جلدة الراس ونتم نازلة بعجين الحنا على خصلات الشعر كلو ونخليوه ساعة او نحسو بيه كرم على الشعر ويتغسل وياريت تستعملو الغاسول من بعد الشمبوان رااااائع

هذه الصورة تم اعادة تحجيمها . الحجم الافتراضي لها هو 1600x1200.

وعندي طريقة اخرى حتى هي كنستعملها هههه اننا كنضل نخربق ونجرب لكن كنشارككم غير الحاجة لي نجحات معايا

نفس الاعشاب لي طحنت كنضيف ليهم قرعة زيت الخروع+زيت لافوكا+نفس القياس زيت البلدية ونوضعهم فحمام ماري حتى يطلقو فبعضهم ويتخلطو ونديرهم فقرعة وتخليها بعيدة على الشمس والوقت لي بغيتي تمشي الحمام تشقي شعرك بيه وحتى ملي تخرجي تستعملي منو نقيطة وشعرك فازك بالنسبة للشعر الجاف

هذا هو كنت خادماه قبل وقربت نساليه

هذه الصورة تم اعادة تحجيمها . الحجم الافتراضي لها هو 1200x1600.

نتمنى نكون كنت خفيفة على قلوبكم ودعواتكم بالخير كافياني

والسلام عليكم ورحمة الله وبركاته

» افضل وصفة حلبة لتقوية الشعر
» وصفات طبيعية مغربيه لتقوية الشعر ومنع تساقطه وصفة الزعفران والقرنفل
» تكثيف الشعر ، طرق لزيادة حجم الشعر , وصفة لكثافة الشعر
» اقنعه لتقوية الشعر ,خلطات لعلاج تساقط الشعر
» اقنعه لتقوية الشعر ,خلطات لعلاج تساقط الشعر