بسم الله الرحمان الرحيم.والصلاة والسلام خير المرسلين.
اقدم بين يدي اخوتي هذه الكلمات الزجلية
والتي نظمتها بمناسبة امسية شعرية اقيمت على شرف قدماء ورواد الحلقة بالمنطقة الشرقية.
اشرفت على هذه الامسية .جمعية رواة القصيدة البدوية بالمغرب الشرقي.
وعنونت القصيدة.ب
يوم مشينا قاصدين لوجدة
نبدا بسم الله فال المسلمين***والصلاة على النبي بيها نبدا
الصلاة عليك يا زين الزينين***في فمي حلات كي عسل الشهدة
في نهار العشرين مشينا معروضين***مركينا فالكار وقصدنا وجدة
حين وصلت لقيت رباعة مجموعين***فمركب النور طريق لحدادة
ادانا علال شيخ الكوالين***وكرمنا مسكين في وجبة لغدا
ثمة تلاحكت الشبان الزينين***من بركم جاونا عرب لحمادة
سورة من كتاب رب العالمين****بيها فتحنا هاذيك الكعدة
التكوال بصلاة خير المرسولين***طبعت المجمع مزينها عادة
اختمنا بدور سلطان الصالحين***ورفدنا المعروف وصدينا صدة
ادانا سيد الشيخ وركبا مجموعين***في طوبيس مليح مشينا بالسهدة
حين وصلنا تحزمو الشبان الزينين***نحكيلك يا الخو ما شفت بالثمدة
اتحزمو شبان بركم الزينين***اولاد سيد الشيخ ناس الوكدة
بني مطهر بالزهو لبدا معروفين*** اولاد سيدي على شرفة وسيادة
خمس خماس ثمة كانو حاضرين***شوعارا ملاح يزهو بالنشدة
افرحنا بعد كنا مضيومين***فرحونا شبان زينين الرفدة
بندير وكلال ولكصب تنين***يطبو لمريض لي طايح مدة
رباعة ربعان تلعب بالرجلين***لكتف على خوه مزينها شدة
ببرانيص ملاح يمشو مصتفين***وعبايات الشرق ورزز مشدودة
شيوخ لكلام حضرو مجموعين***ينشدو قصايد بفراش وهدة
حضرو معانا ثمة حتى الفكاهيين***وكلعولينا دود في قلوبنا سدى
تكريم وتعظيم لبعض الحاضرين***كما شيوخ قدام كانو في وجدة
وبجلسة لتاي ختمنا مجموعين***ودرنا صور ذكرى مجيدة
ارفدنا المعروف وخرجنا فرحانين***مشينا قاصدين طريق جرادة
بصلاة الرسول طه نور العين***نختم قوالي في هاذ القصيدة
ونطلب من سيدي رب العالمين***يغفرلي في نهار الوقفة والشدة
الإثنين 15 مايو - 11:57
