بَخْيَارْ مَا بْدِيتْ انْشَادِي بَسْمْ الْغَنِي القَوِي القَدِيرْ *** رَبِّي يَجْعَلْ لِي تِيسِيرْ
بَسْمْ الله هِيَ فَالِي بِيهَا نَبْدَا لَسْطَارْ*
ثُمَّ الصّلَاةْ على المَدَانِي من جَاء لأُ مْتُو بَشِيرْ *** طَهَ الخَاتَمْ النَّذِيرْ
بَسْمُو وَ اسْمْ الله يَبْدَا كُلْ مَنْ دْخَلْ في مَشْوَارْ*
وَانَا بْدِيتْ بَسْمُو نَنْشَدْ عَاسَى انَّالْ فَضْلْ وَ خِيرْ*** بْعُونْ الخَالَقْ الكَبِيرْ
يْسَهَلْ لِي نَغْزَلْ حُلَّة في ثْنَاء شْفِيعْنَا المُخْتَارْ*
نَمْدَحْ من اصْطَفَاهْ المُولَى وَاعْطَاهْ من الفْضَالْ كْثِيرْ *** وَخْصَالْ ما خَذَاهَا غِيرْ
صَلَّى عْلِيهْ وَ المَلَايْكَة وَ ثْنَا على اهْلُو الأخْيَارْ*
يَا صَاحَبْ الشَّفَاعَة لله اتْنُوبْ على الظَّعِيفْ تْغِيرْ *** قُدَّامْ نَاكَرْ وْ نَاكِيرْ
في لِيلْةْ القَبًرْ تَحْظَرْلِي عَارِي عْلِيكْ يا المُخْتَارْ*
في لِيلْتْ القَبَرْ يا طَهَ نَبْغِي تْكُنْلِي ضَمَانْ*** حَتَى انْفُوزْ في الإمْتِحَانْ
حَمْلْ الذُّنُوبْ ثُقْلُو قَاويِ خايَفْ زَلَتْ لِسَانِي*
لِيلَةْ قَبْرِي نَبْغِيهَا اتْعَدِي و انَا فَرْحَانْ*** انْجَاوَبْ بَفْصِيح اللِّسَانْ
بَرْضَاكْ يا شْفِيعْ الامَّة رَبِي رْحِيمْ يَرْحَمْنِي*
بِسمْ الله و أسْمَكْ نَنْدَهْ من الظِّيقْ فُكْنِي عَجْلَانْ*** حَتَّى انْفُوزْ في الامْتِحَانْ
زَادِي قْلِيلْ يا مُحَمَّدْ لَوْ لَاكْ من يَنْعَرْنِي*
بْجَاهَكْ جِيتْ نَسْألْ الله الغَانِي الرَّازْقْ المَنَّانْ *** رَبِّي ايْجُودْ بَالغُفْرْانْ
نَدْعِيهْ يْجَاوَزْ عَنْ ذَنْبِي وَ انْتَ الشَّفِيعْ تَضْمَنِي*
لَوْلاَ شْفَاعْتَكْ و افْضَالَكْ العُصَاتْ كِيفَاشْ ادِّير *** يُومْ الحِسَابْ يُومْ كْبِيرْ
رَبِّي الكَرِيمْ بَعَثَكْ رَحْمَة و عَتَّاقْ أمَّتَكْ من النَارْ*
مَبْعُوثْ لَلأمَّة رَحْمَة نَنْجَاوْ بِيكْ مِنَ السَعِيرْ*** يَا احْمَدْ يَا مَنْبَعْ الخِيرْ
و الجَهْلِين لِيهُمْ نَقْمَة و المَجُوسْ و الكُفّاَرْ*
يا صَاحْبْ الشَفَاعَة لله تْنُوبْ على الضّعِيفْ تْغِيرْ *** قُدَامْ نَاكَرْ و نَكِيرْ
في لِيلْةْ القَبَرْ تَحْظَرْلِي عَارِي عْلِيكْ يا المُخْتارْ*
يا طَهَ انْظَرْ لْحَالِي حَمْلْ الذّنُوبْ حَمْلْ ثْقِيلْ *** وزَادِي من الأحْسَانْ قْلِيلْ
ما سَبَّقْتْ بَاهْ انْقابَلْ يُومْ انْ تْقابَلْنِي ألأفْعَالْ *
يا طَهَ لُوْ مَا فَضْلَكْ وَ العَفْوْ مِنْ الجَلِيلْ *** خَالْقِي يْدِيرْ التَّوِيلْ
العَبْدْ مَنْ طَبْعُو مُوخْطِئ وَ الله لَهُ الكَمَالْ *
يا طَهَ في فَضْلَكْ طَامَعْ مُوحَالْ مَا تْكُونْ بْخِيلْ *** سْخَاكْ وِدَانْ تْسٍيلْ
فِيكِ الرّجَاء وْ فِي من بَعْثَكْ كُلْ الصّاعْبَة تَسْهالْ*
يا طَهَ بْغِيتَكْ تَحْظَرْ تْكُونْلِي مُورْشَدْ و دْلِيلْ *** يا رْشِيدْ من اخْطَأ السَّبِيلْ
يَا مُونْقَذْ من اخْطَا دَرْبُو انْقَذْنٍي من الأهْوَالْ*
يا طهَ مْضَاتْ ايَامِي واليُومْ حَرْتْ كِيفْ انْديرْ*** وْمَا بْقَىى من العُمْرْ قْصِيرْ
لا زَادْ عَنْدِي للَرحْلَة كِيفْ انْصِيبْ ذِيكْ الدَّارْ*
يا طَهَ انْتَ تَسْنَادِي و انا ما قْصَدْتْ الغِيرْ*** إلاَّ انْتَ وَ القَدِيرْ
نَبْغِي مَنْزَلٍي فِي قرْبَكْ انْكُونْ يا الهَادِي جَارْ*
يا صَاحْبْ الشَّفَاعَة لله تْنُوبْ على الظَّعِيفْ تْغِيرْ*** قُدَّامْ نَاكَرْ وُ نَكِيرْ
في لِيلْةْ القَبَرْ تَحْظَرْلِي عَارِي عْلِيكْ يا المُخـْتَارْ*
زَادِي قْلِيلْ وَ دْنَا صَفْرِي لاَ خِيرْ دَرْتُو نَلْقَاهْ ***إبْلِيسْ جُرْنِي لَهْوَهْ
من قَلْتْ العَقَلْ تَبَّعْتُو بِلاَ شْرَى اخْذَانِي لِيهْ *
مْنِينْ فُقْتْ صُبْتْ الشِّيبْ غْزَانِي وَ رَاسِ غَطَّاهْ *** وَ الظَّهْرْ كِي االقُوصْ ااحْنَاهْ
وَانا وْرَاء الدُّنْيَا نَجْرِي وَالفَرْضْ امْفَرَّطْ فِيهْ *
مَرْعُوبْ من اوْزَارِي خَايَفْ اجِيرْنِي يا رَسول الله*** يا خْيَارْ من نَهْرُبْ لَحْمَاهْ
جِيتَكْ يا إمَامْ ألأنْبِيَا وْ حَالِي الله عَالَمْ بِيهْ*
لاَ خِيرْ عْمَلْتُو في زْمَانِي غَدّا في الأخْرَة نَلْقَاهْ*** ايْفِيدْنِي نَأخُذْ جَزَاهْ
إلاَّ العَفوْ من المُولَى تَكْلِي وَ رْجَايَا فِيهْ*
يَا طَهَ جِيتَكْ هَارَبْ كِمَا لْجَالَكْ البَعِيرْ*** وَالضّبْيْ الضّيَا المُونِيرْ
كِمَا ضْمَنتَهُمْ اَضْمَنِّي نَنْجَا من لَهِيبْ النَّارْ *
يَا طَهَ يَوْمْ ايْنَادِي و يَوْفَا أجْلِي و نسِيرْ*** نَرْجَاكْ يا سْبَابْ االخِيرْ
تَحْظَرْلِي تْكُونْ لِي سَنْدَة في ظلأمْ هَذِيكْ الدّارْ*
يَا صَاحْبْ الشَّفَاعَة لله تْنُوبْ على الظّعِيفْ تْغِيرْ*** قُدَامْ نَاكَرْ و نَكِيرْ
في لِيلَتْ القبَرْ تَحظرلِي عَاري يا المُخْتَارْ*
يا طَهَ اغْزَلْتْ كْلَمِي و خْتَمْتُو وَ هْدِتو ليكْ *** مَهْمَا مْدَحْتْ ما نُوفيكْ
سَبْحَانْ من عَلَّا قَدْرَكْ على الكَائِنَاتْ واصْطَفَاكْ*
غُوثَة بْغِيتْهَا يَا طَهَ حَالِي مَا خْفَاشْ ععْلِيكْ*** رْجَايَا في الله وْ فِيكْ
اعْتَقْ جَسْدِي من جَهَنّمْ و دِيرْنِي في الخُلْدْ حْذَاكْ*
يا من دَنَا الجَدْعْ العَنْدَكْ و الْحَصَا شَهَّدْ بِينْ ايْدِيككْ*** والمَاء أنْهَرَقْ من كَفِّيكْ
ارْوَاتْ الجُيُوشْ من ضْمَاهَا وأيْدَكْ عَنْ كَيْدْ اعْدَاكْ*
يَا من صَلَّى عْلِيكْ المُولَى و أمَرْ بَالصَّلاةْ عْلِيك*** يا سَعْدْ من أمَنْ بِيكْ
غَدَّا في يَوْمْ القِيَّامَة يَبْشَرْ لِأنُو في حْمَاكْ*
يا صَاحْبْ اللكْرَايَمْ لله فُكْ القُيُودْ على االأسِيرْ *** عَبْدَكْ الضّعِيفْ حْقِيرْ
اجِيرْنِي يا إمَامْ الرّسْلَى ودِيرْنِي في حْمَىى الجَبَّار*
خُوذْ ليك يا رَاوِي حُلَّة مَطْرُزَة ذَهَبْ وَ حْرِيرْ*** وَ الْمَسْكْ والزّهَرْ وعْبِيرْ
جُوْهَرَة ما يْسِيغْ مْثلْهَا إلاَّ ألأدِيبْ من الأحْبَارْ*
يْقُولْ رِيّالْ في نَظْمُو سَغْتْلَكْ كَنْزْ لَلتَّذْكِيرْ*** شَغْلِي مْرَتْبُو تَسْطِيرْ
نَرْجَى الله يَغْفَرْ ذَنبِي سُبْحَانْ خَلْقِي الغُفَّا رْ*
يا رَحِيمْ أرْحَمْ ظُعْفِي و اجْعَلْ لِيَ تَيْسِيرْ*** وَ جْمِيعْ أمّةْ البَشِيرْ
اللِّي فيهْ رَانِي نَمْدَحْ في كُلْ لِيلَة و نْهَارْ*
يا صَحْبْ الشَفَاعَة لله تْنُوبْ على الظّعيفْ تْغِيرْ*** قُدَّامْ نَاكَرْ و نَكِيرْ
في لِيلْةْ القَبَرْ تحْظَرْلي عَارِي عْلِيكْ يَا المُخْتَارْ*
تَمَّتْ بِعَوْنْ الله . مُحَمَّدْ رِيَالْ.
بقلم ..محمد سعيد ريال ..
الإثنين 15 مايو - 11:57
