.... اه يا دنيا ..

هذه القصيدة واقعية للشاعر فاتح بلكبير سطيف الجزائر
.... اه يا دنيا ..
يا التراب المرصوص اشفق وارحم

قدري وتالمكتوب نفسي واش اداواها
ما فدرتش يا ناس لسراري نكتم

قلبي بلجمار مقواني ما ننساها
نبدا في الابيات نكتب والنظم

والدنيا يا ناس لا تغريني بفناها
هذي قصة حب يا رحمان ارحم

مرشومة كيات في صدري تلقاها
انيسة بالذات قصدي يا فاهم

نفسي علىلجمار قلبي كيهواها
وينك يا يا خيال ليلي اتظلم

انهاري بسواد نفس واش ادواها
خيالك في قلبي جالس ونايم

وافراقك اهبال نفسي كرشا ها
ياولفي وعلاش خليتيني هايم

جان في الصحورصورك ما نلقاها
هذا قدر الله مكتوب اموشم

.راسم على لجبين طياتو ترعاها
على لسقات القلب خلاتو هايم

اجناتو بفراقها لحقت بمولاها .
ما انكثرش احديث ران كنحشم

هذا حال عشيق للوردة وانشاها
لا امي لا اب لا خويا لاعم

لا رفيقي مرسول لابرية نقراها

في يوم الاثنين ضنيتها تعلم

ترقب فالماجول قالتها بشفاها.
يا مكثر الايباب والاجل تقدم

فاضت روح الولف لحقت بمولاها
كشاعت لخبار والدشرة تتلم

شيوخ ونسوان والصبيان معاها
ما صدقت احديث الاجر اتعظم

فاضت لي دموع حزن كقواها
يا مشيد لمقام سايس لا يرجم

ولفي مثل الحورزاد النور بهاها
ريتها علنعاش ضاحكة تتبسم

جثة في لكفان تترجى لقضاها
تخفي عني سرفي الوجه امعلم

ملفوفة بالشاش يا ناس كوتاها
طوها في القبر مثل البدر اتلم

وابداو بالفاش يا متقن اسناها
حجرة مثل احديد صلبة كتنصم

غطاو الرجلين حتى غاب اقفاها
بقيت انا مبهوت ودمعات دم

تجري كالودان ما تعرف مرساها
اخلاو المكان تركوها ليثم

على الكدية غيم رقدت في منفاها
ولد الخالة قال في الشعر انظم

فاتح بلكبيراكتبها واهداها
لي جنات القلب خلاتو هايم

اجناتو بفراق لحقت بمولاها