روايـــــــــة الرزق على الله الجزء الثالث عشر

الجزء الثالث عشر

طلال : ريميه نمشي
ريميه: كيفك
طلال: يالله
ام طلال: والله بدري
طلال: تعبان يما من طلتي الصبح
ام طلال: الله يسهل عليكم

وطلعوا من لبيت وتوجهوا لبيتهم ..؟..

ريميه تدخل الغرفه .. وتبدل ملابسهاا : لبست قميص حرير موف طويل وعاري الكمين ومعاه روب دانتيل سلفر وعليه ربطات فيونكات صغيره ..؟..
لمت شعرها وحطته ذيل حصان وهي تضبط شغلهاا دخل طلال وانسدح على الفراش وهو يطالعهاا

ريميه.. تلتفت عليه : ماتبي تبدل ملابسك
طلال: مالي خلق
ريميه: اطلع لك بيجامه
طلال: لالا
ريميه: تبي اسوي لك شي
طلال: لا خليك عندي لا تروحين مكان
ريميه: وفاتحه حلقهاا على الاخر بقلبهاا : يبيني عنده يبي عنده يعني يحبني
طلال: وين سرحتي
ريميه: وتبتسم .. بولا شي
طلال: أأأه .. وينقلب على ظهره ..
ريميه .. متخرعه شفيك .. وتجلس جنبه
طلال: ظهري يعورني
ريميه: تبيني ادلكك
طلال: تعرفين
ريميه: افا عليك الا اعرف ونص
طلال: وينسدح على بطنه يالله وريناا
ريميه: وقامت تسوي له مسااج
طلال: وهو منغمى عليه وبعدهاا نااام من التعب
ريميه: طلال نمت
طلال: خ خ خ خ خ مايرد عليهاا
ريميه : وتبوسه على راسه وقامت نزلت جوتيه ودلغاته ولحفته وجت بتطفي الليت
طلال: لا تطفينه بقوم
ريميه: وتفاجأة . يؤؤؤؤ كان صاحي حس فيني
قام يقط وجههاا ألوان

قام طلال يبدل ملابسه .. وراحت ريميه اغطت نفسها بالالحاف من الحياء..؟..
طلال بعد ما خلص راح وانسدح جنب مرته ونااام .؟.

...........................

الصباح..؟..

جميله.. تبكي .. يعني بتسافرون
ام يوسف: أي وما اوصيك على خواتك
جميله: أأي ااهي اهيي
ام يوسف: هذي وانتي الكبيره ابيك تهدين فيهم تبكين
جميه: ماني قادره استوعب بتروحين وتخلينا لستة شهور
ام يوسف: انا اللي قلبي منحرق عليكم بس هااه ما وصيكم لا تزعجون
خالتكم ولا تغثونهاا عمور انت الرجال دير بالك عليهم
عمر: ابشري بسعدك حطي رجليك بميه برده وعليهاا ثلج تطمني انشالله
اترجعين الا وحده متوفيا والثانيه بالعنايه والاخرى مفقدوده
الكل: ههههههههههههههههههههههههههههههههههههههههههه

وبعدهاا ودعوا امهم وراحوا المستشفى وانطلقوا بأسعاف للطياره ..؟..

جميله بعد ما قفلت بيتهم وتطمنت على كل شي راحت لخالتهاا ..؟..

دخلوا البيت ..

حوريه : يا مرحبا يا مرحباا يالله حيهاا
جميله: الله يحيك
حوريه: خواتك مابكوا نفسك انطمي بس
جميله: عشان امي مو عندي تتمصخرين علي
حوريه: مسكينه ماعندهاا ام
جميله: اهي اهي اهي .. تبكي
حوريه: من صدق تبكين والله احسبك تضحكين الحمد لله والشكر والله امزح معك بس انتي حساسه جدا
جميله: يوم انك تدرين اني حساسه ليه تتشمتين فيني
حوريه: بفرفشك شوي بس انتي منتي قدهاا
جميله: على شحم بس على شحم قومي حطي لي فطور يالله
حوريه: ليه ما تفطرتي في بيتكم
جميله: نسمه مريضه اليوم ما تشوفينهاا منسدحه بغرفتك
حوريه.. يؤؤ يالله تعين
جميله: جوعاانه ياالله نفطر
حوريه: شرايتس نطلب من المطعم فطور
جميله: يالله مشتهياا حمص وفلافل وفول
حوريه: يالله اجل اسوي حليب وانتي اطلبي

وبعدها طلبو لهم فطور وجلسوا يتفطروون

جميله: الا خالتي وينها فيه
حوريه: راحت تشتري لنا اغراض
جميله: وش عندكم ليه بكرى العيد
حوريه: يالماصله لا بس عشان عقب يومين بنسافر
جميله: وين بنروح
حوريه: نروح لعمامي
جميله: اجل بنروح لريميه
حوريه: يابهيمه ريميه ماهي مسافره
جميله: الا صح خلاص خلاص اجل بسافر معكم بس من بيوديكم
حوريه .. وتنزل راسهاا .. بيجي فهد ياخذنا
جميله: ههههههههههههههههههههههههههه اجل فهد هاه
حوريه: وتطق ريميه على رجلهاا .. وجع لحد يسمعك
جميله: شفيهاا فهد تحبينه .. وقامت تصارخ بأعلى صوتهاا .. يااا فهدد حوريه بتحبك
حوريه: وترمي قوطي الحمص عليهاا : وجع وقاموا البنات يتضاربوون
لين بالاخير تصالحوا

مر اليومين بسرعه البرق وكانوا حوريه وجميله يتهاوشون الصبح والليل يتصالحون
ولا يخلوا جلساتهم من الضحك والعبط والنغزاات ..؟..

حوريه: شكلي حلوو
جميله: تطالعها من فوق لين تحت .. اشك في ذالك
حوريه: من الغيره ذابحتك محتره
جميله: وتبتسم بخبث : غيرانه من شنو عشانك تحبيـــ
حوريه: تمسكها مع حلجهاا : انا غبيه يوم قلت لك
جميله: هههههههههههههههههههههههه

دخلت عليهم ريميه ومعاهاا كيس ..

جميله: اختــــــــي << وقامت تركض بطئ نفس الرسومات
ريميه .. أختـــــــــــي << ونفس اختهاا

وبعدهاا حضنوا بعض وقاموا ينقزون ويضحكون ..

ريميه: دوتس مكياج وعطور وشويه ملابس شريتها لتس تكشخين
جميله: بس انا شاريه واجد
ريميه: منتي كفوا دوتس حوريه
جميله: لالا باخذه
ريميه: المهم متى بتمشون
جميله: بعد نص ساعه
ريميه: المهم دوتس فلوس وان احتجتي أي شي اخذي من خالتي
الكل: خخخخخخخخخخخخخخ تعزم بمال غيرهاا
ريميه: كيفي خالتي انا بكرى بسافر اشوفكم على خيييير
جميله: يالله مع السلامه
ريميه: مع السلامه انا بروح لرجالي برى تلقينه بيدوس بخشمي
جميله: يالله روحي لا يتوطاك بالسياره
ريميه: فدوووووووووووه

وتطلع تروح لزوجهاا اللي راحوا للسوق يتبضعووون للسفره

بعد نص ساعه سافروا البنات

كانت سيارة فهد سوبر واللي راكب جنب فهد مشعل وعمر
واللي ورى ام مشعل وجميله بالوسط وحوريه ورى السايق واخر مرتبه
البنات الصغار يلعبون بدريه وشيخه ودانه

فهد : انشالله مرتاحين
الكل: مرتاحيين
فهد: تبون نشتري شي
الكل: لا
فهد: علامكم كنكم بمدرسه
الكل: هههههههههههههههههههههههههههههههههه
فهد: ويوقف سيارته وينزل منهاا هو وعمر ومشعل راحوا للبقاله يشترون
وهم راجعين بما ان حوريه جالسه ورى فهد جااه بيركب من الباب طاحت عينه بعينها ابتسم وركب السياره لما جلس عدل المرايه وحطها على حوريه بعد ما تأكد انهاا ورااه ..؟..

فهد : عميرر وزع العصير والاكل
عمر: لحظه اخذ للي ابي
مشعل: لالا خل هذا لي
فهد: تخسى وتعقب بايسون لي اناا والله محد يشربه
مشعل: ويفتح الغطوه ويشرب منه ..
فهد: تهبوون زقووووووووووم ماتحدره انشالله
ام مشعل: يحول شفيك على الورع
فهد: عمه دايم هذي سالفته ما ياخذ إلا اغ**** مدري من مسلطه علي هو واخوي مفرح
مشعل: وش خذيت غير نظاراتك
فهد: والشماغ والقلم والبوك ووو
مشعل: بس
عمر ويفتح الدرج : شف يمكن تلقى شي نضربه عليه
مشعل: فيه جوال
فهد: بعد جوالي جيبه لا اصفط يمين وانزلك من السياره

وجلسوا الشباب يسولفون ويحطون على بعض .؟.

وبعدهاا سكتواا ..

فجأه قطع عليهم فهد السكوت .. زقوووووووووووووووم
كلهم ارتعبوا من الصوت ..
عمر: يهب شفيك
فهد: زقوم في بطن مشعل يوم انه شرب بايسن مالي
الكل: ههههههههههههههههههههههههههههههههههههههه
ام مشعل: لا لحين ذاكرهاا
فهد: أي والله تخيلت اني اشربه وباااااااااارد ويتدحرج من اسفل زلعومي ماقول غير
زقوووووووووووووووووووووووووووووووووم
مشعل: أي والله طافك هالشعور
فهد: يالله يارب يامجيب الدعاوي انك تصكه سهال يوم انه اخذ بلعتي بغير اراده مني

وكان طول الطريق فهد يطالع حوريه من المرايه ويسوي لها حركات من غير لا يحسون الثانين
وكل ماسوى لهاا حركه قرصة جميله اللي جنبهاا صار احمر من كثر التقرص

وصلوا لبيت عمانهم اللي كانوا مسووين لهم عزيمه وذابحين لهم

دخلوا العيال عند الرياجيل والبنات الصغار راحوا يلعبون بالمزرعه ..؟..

واما الحريم كانوا فارشين لهم فرشه بالحديقه وجالسين ..؟..

حوريه: جميله تشوفين هالبنات اللي جالسين بالكراسي تراهم بنات عماني
جميله: وبس هذولا اربع بنات
حوريه: لالالا كثيير بس ترى دمهم ثقيييل ومغرورات وبنات عمي خوات فهد يشتغلون بالمطبخ هم بنتين هم اللي يهبلون ويسونهم كلهم اما هذولا مالي احتكاك فيهم حيل غير سلام ما سلام وسوالف عاديه
جميله: انا اشوف ما نادوناا نجلس معاهم
حوريه: احسن مابي اجلس تشوفين ام شعر اشقر كاريه
جميله: اللي كنها باربي ايه شفيها
حوريه: هذي تحب مطلق مووووووت وسوالفها تفشل اقولك بعدين عنهاا
جميله: يافضحي وكلن درى عنهاا
حوريه: من صدققك تتكلمين متضاربه هي والبنت اللي لابسه ازرق تشوفينهاا
جميله: ايه ليش
حوريه: عشان الثانيه كلمت مطلق وقالت انها تحبه
جميله: يافضحي
حوريه: تشوفين هذاك الباب الحديدي الاحمر
جميله: شفيه
حوريه: وراه اسطبل مطلق احذرك احذرك منه لا تقربين له ولا ترى بيقطعك قطع صغيره ويفضحك فيه ..؟..
جميله: الله واكبر وليه انتم ماتدخلون فيه
حوريه: لا من عرفتهم وانا ما اطب هالاسطبل ابد
جميله: غريبه ليش ممنوع
حوريه: لان كانوا البنات يدخلون فيه وهو مايدري ويسوون شغلات ياربي عافناا
جميله: وش يسوون
حوريه: وحده قاطه فيه سحر تبي تسحره بس سبحان الله ربي كشفها وهي تدفنه
جميله.. تحط ايدهاا على راسها : الله واكبر
حوريه: والثانيه داخله عليه بالليل وتبيه يتزوجهاا وهو كان يصدهاا دخل اخوهاا وشافها معااه وراحت تبكي وتقول تحرش فيهاا واخوها صدق ومن عقب السالفه هالبنت واهلهاا اقطعوا علاقتهم بالجماعه
جميله: ش ذا بنات عمك فاصخات الحياء
حوريه: الحب وما يسوي
جميله: امحق حب الا الجهل بالدين ومايسوي اجل تسحر ولد عمهاا والثانيه
تتحرش فيه يهب كرهت بنات عمك كلهم مالوم الورع يوم انه حرمكم من دخلت الاسطبل ..؟..
حوريه: تمشين نروح للبنات بالمطبخ
جميله: يالله

...........................................

لولوه .. تكلم ريميه بالتلفون .. هااه وش صار
ريميه: شريت اغراض وبطبق الخطه اليوم
لولوه: اوكي زين ولما يصير شي طرشي لي مسج
ريميه: ماعندي جوال منين اطرش لك بس ادق عليك بكرى
لولوه: وانا شنو يصبرني لبكرى
ريميه: وش اسوي طيب
لولوه: دبري حالك المهم لما يصير شي اتصلي علي تراي سهرانه
استناك
ريميه : ابشري بروح ارتب لغرفه
لولوه: قود لوك
ريميه: وشو
لولوه:مع السلامه ان جلست اقولك وش معناها ماخلصنا باي
ريميه: باي

وراحت ريميه تطبق الخطه

جابت شموع ووزعتها بكل الغرفه واوراق على شكل قلب حب وفيها حرفها وحرف طلال وزينه علقها بالسقف ..

ريميه: وهي تعلق الزينه . حسبي عليك يا لولوه انكسر اظهري وانا اللزق وانا الهبله
اصدق كني مهبوله معلقتن بالسقف انشالله عقب هالتعب جيب نتيجه

وعقب مازينت الغرفه وخلت الاضاءه خافته راحت ولبست لها قميص لونه احمر
طويل ومعاه روب شفاف واطرافه ريش ..؟..

جلست وجلست وجلست تنطر طلال وعقب 3 ساعات من انتظارها شرف على حدود
الساعه 1 ونص ..؟..

طلال .. يصيح .. ريميـــــه ريميــــه انتي وينك
ريميه: انا بالغرفه تعال

راح طلال لها بالغرفة اول ما دخل تفاجئ وقام يطالع الغرفه ويطالع ريميه
منصدم وظل فوق العشر دقايق بس يطالعهم ...

بعدها راح يبدل ملابسه ويلبس له بدله سبورت

ريميه: تطالعه وهو يبدل ملابسه ..بتطلع
طلال: ايه
ريميه.. وودها تسأل وين : ومتى بترجع
طلال: مادري
ريميه: وجلست على كرسي التسريحه .. وحطت ايدها على خدهاا
طلال: انا طالع لا تنطريني يالله مع السلامه
ريميه: مع السلامه

وراح طلال لربعه بالاستراااحه . وخلى ريميه جالسه تتحسر وتتحلطم
....

قامت ريميه وشالت الزينه والشموع والاوراق بعصبيه وحذفتهاا من الدريشه
ونزلت تحت للمطبخ وشالت الاكل حطته بصحون وودته لبيت جارهم مع الخادمه
وهي كاتمه بكيتهاا

واثناء ما هي جالسه تشيل بقايا الزينه من الغرفه اتصل التليفون وراحت ترد عليه

لولوه: هااه بشري شصااار
ريميه: شصار تعب 3 ساعات وتجيزاتها راحت كلها بكلمة وحده انا طالع
لولوه: لالالالالالا انت نفذتي الخطه بحذافيرهاا
ريميه: بحذافيرها مع اضافات من عندي عشان اطلع بحسن صوره

طلال رجع بعد عشر دقايق لبيته نسى ياخذ اوراقه من مكتبه
نزل وراح المكتب واخذ اوراقه بس ضيع تلفونه اخذ تلفون المكتب وبيتصل على
تلفونه يشوفه وين واول مارفع السماعه سمع ريميه تتكلم مع لولوه

لولوه: انا اعرف اخوي يحب الزين ومايقاومه
ريميه.. وصوتها مخنوق .. اقول لك طلع لا زين ولا هم يحزنون
لولوه: اووف يعني الخطه الاولى فشلت
ريميه: فشلت من قلب
لولوه: شكنتي لابسه
ريميه: قميص احمر ابو ريش
لولوه . تصيح : لالالالالا انتي صادقه
ريميه: ايه
لولوه: يابقره في احد يلبس هالقميص
ريميه: هذا الماجود شسوي بعد
لولوه: تفكر.. يبي لنا بكرى فره بالسوق نشتري لك قمصان شي
ريميه: لولو احس اني مخنوقه ودي ابكي تكفين عند باكيت زقاير
لولوه: ههههههههههههههه لالحينك خبله
ريميه: والله يقلون انها تهدي الاعصاب الله يخليك بروح اقحص واجي يمكن انسى الهم

طلال.. وهو يسمعها منسدح ضحك بس كاتمها بسمع اخرهاا مع اخته وريميه

ريميه: لولو عطيني الخطه الثانيه لعلى وعسى تجب نفعه وتخليه ما يطلقني
لولوه: شنو شعار خطتنا
ريميه: اهااا من قلتي شعارخطتنا وانا عارفه ان الخطه ماراح تعجبني
لولوه: قولي وشهو الشعار
ريميه: لا يأس مع الحياة ولا حياة مع اليأس
لولوه: يابقره هذي حكمة خطتنا ابي الشعار
ريميه: اللي حاطه فوقه قلبين حب واحد مكسور
لولوه: لالاتحته بسطرين
ريميه.. واحد اثنين ايه لقيته
لولوه: ياربي مو مصبرني عليك الا اني احب واموت فيك هذا شي وحيد شافع لك
ريميه: وفي احد يسترجي مايحبني يا اخت لولوه
لولوه: فيه طلال
ريميه: اللعن ام التحطيم ليش تحطمين انتي بعرف ليه شدراك داخله قلبه
لولوه: خلينا من سيرة طلال وقولي شعار الخطه عشان اقول لك الخطة الثانيه
ريميه: اللي يحب يضحي بكل شي لمحبوبه
لولوه: عليك نور

طلال: دق تليفونه واللتفت ورى سكر السماعه وراح لتليفونه كلم ربعه
ومشى من البيت

ريميه: لالالالا ماعرف
لولوه: ريميه تراك اتعبتيني معك حاولي وشنو يعني خبصي بوجهك يطلع مكياج
ريميه: وان طلع شكلي يضحك
لولوه: ماتوقع ان شكلك يطلع غلط جربي هالخطه عقب بكرى مو بكرى
عشان مايحس فينا
ريميه. صمت .. شورتك وهدايت الله
لولوه: يالله بنام حبي
ريميه: نوم العوافي

» روايـــــــــة الرزق على الله الجزء الثالث
» روايـــــــــة الرزق على الله الجزء 7
» روايـــــــــة الرزق على الله الجزء الثاني عشر
» روايـــــــــة الرزق على الله الجزء الرابع عشر
» روايـــــــــة الرزق على الله الجزء الخامس عشر