روايـــــــــة الرزق على الله الجزء الحادي عشر

الجزء الحادي عشر

ريميه جالسه بالحوش وحاطه ايدها على خدها وتفكر ..؟..

جميله: يابنت شفيك محزنه احد عرسه اليوم ويحزن كذا
ريميه: أه يا جميله وشلون تبيني استانس وحنا مالنا بيت وقاعدين عاله على خالتي
جميله: يابنت فكيها وربك يحليها انتي ماتقولن طلال يدور بيت
ريميه: وانا شدراني عنه هاك اليوم عطيته مهري وعقبه ماشفته
جميله: لا تخافين انشالله بيلاقي لنا بيت وبنستانس بس انتي روحي البسي واكشخي لرجالك
ريميه: يمال الوجع وش البس ماعندي شي البسه
جميله: أي والله ماعليه اللحين انا بكشخك
ريميه: وشلون
جميله: حوريه عندها بدلة عرس لونها ابيض حلوه وناعمه مفصلتها لها
بنت عمهاا
ريميه: وبتعطينياهاا
جميله: الا بتعطيك اياهاا تقول فدوه وتبي تجي تسنع شعرك وتحط لك مكياج
ريميه: الله وناسه من اليوم ضايق خلقي ماعندي شي البسه وشنطتى سنعتها من امس
ومافيهاا شين يجمل

وبعدهاا جت حوريه ومعاها الثوب ولبسته ريميه

كان الثوب عباره عن فستان كت خامة حرير فلنتينو لونها صدفي على اوف وايت
لون عجيب ومطرزه من الصدر بشوار فسكي مختلف الاحجام ومن الوركين
جايه تطريز على جنبينهاا بلولو وشوار فسكي صغير ولثوب ذيل من تحت
ومعاه تاج صغير وعقد لولو وتراكي لبنانيه وخاتم

لبسته ريميه واطلعت احلى عروس فتحت شعرها على طوله وحطت التاج فوقه
وطلعت لها خصل من قدام وحطت لها حوريه مكيااج ناعم مجرد حمره فوشيه وشدو صدفي على ذهبي دامجتهم وكحل داخل العين بس كان يغني عن المكياج الفخم شكلهاا رووووووووعه

حوريه : واللحين المفاجعه
ريميه : وشهي
جميله : وش رايك بالورد
ريميه : اللله مشكوورييييييين وراحت ضمت خواتها وي تبكي

كانو جايبين لها ثلاث وردات جوريه حمره ملفوفه بورق ذهبي انيق

ريميه: وماهي قادره تمسك بكاهاا : الله لا يحرمني منكم
جميله: وتمسح دموعهاا : الله يقلعك بتفارقينا
حوريه: اللحين من بيزعجنا بصوته وتعليقاته السخيفه
ريميه: تطقهاا على ايدهاا : انا سخيفه هين اعلمك
جميله: جيبي الورد منتي كفو
ريميه: معصي
خوريه: يالله اطلي برى مسوين لك حفله

وطلعت ريميه ولا تلاقي خوانهاا وخواتها وخلتها وامها متجمعات برى وحاطين لها
كرسي تجلس عليه وجلسوا يغنون لها ويرقصون ويحكون يبون يفرحونهاا وبعدها جابوا العشاء وتعشواا وانبسطوا حيل ..؟..

اما بالقصر..؟...

فكانت حفله ارقى ..؟.. صحيح انها بس عائيليه بس حلوه
طلبو بوفيه و حطوا دي جي وكانت بخدمتهم شركه لعصائر

وهم عايلة بو طلال وخوانه ابوفايز وابومشاري وفيصل اخوه
وربعهم الخاصين << عند الرياجيل

ابوفايز: مبروك وانا عمك
طلال: يصطنع الابتسامه : الله يبارك فيك
فايز: هاه وين مسافر
طلال: ماقررت عندي شغل هنا لاسبوع وبعدها بنسافر يمكن لندن
مشاري: وراك معلول يوم انك تروح لندن
طلال: بعدعندي هناك شغل
فيصل: لا تنسى انك بشهر العسل
طلال: ومايغنى اني اترك شغلي
فواز: ياخ خلني بدالك اسافر
بدر: ليه منت مسافر عقب يومين
فواز: بس غير مع زوجتي
مشاري: الا ابرك لك وانا اخوك ان كان تبي نصيحتي خلها هنا وسافر بروحك
الكل: هههههههههههههههههههههههههههه

عند الحريم << ام طلال وبناتها وام فايز وبناتها بشاير ومشاعل وزوجة فيصل عهد
وخلتهم ام جود وبناتهاا والجده

ام طلال : ليه ماترقصوا يابنات
مشاعل : تمسك ايد لولوه وجود : رايحين نرقص يا عمه

وبعدها قاموا يرقصون الا جود اللي كانت مكتفه ايدهاا وتطالعهم

سومه: يالله بشوره خلينا نرقص
بشوره: مالي نفس احس برجع اللي اكلته
ندوشه: من الكوبين العصير اللي شربتيهم ورى بعض
سومه: ههههههههه
بشوره: ابي بعد واحد
كلهم بصوت واحد: لالالالالالالالا
بشوره: ههههههههه خلا نرقص ونغلب البنااات

وحطوا على اغنية تنحط على الجرح يبرى وقاموا يرقصون ويأشرون على بعض
والبنات الكبار يبون يحرونهم يدخلون عليهم ويخربون عليهم جوهم الرومنسي

وبعدها انبسطوا واضحكوا وراحوا تعشوا ..؟..

على البوفيه ..؟..

لولوه: عطيني الكبه اللي عندك
مشاعل: تفضلي الا تعالي العروس ماراح تجي
لولوه: لا بياخذها طلال وتجي تزورنا بكره وعقبهاا بيسافرون
مشاعل: حساافه محنا شايفينهاا
لولوه.. وتبي تحر جود: اووف لو تشوفيهاا بتنهبلي عليهاا وانشالله لما يرجعوا من السفر بنسوي لها عزومه وامي بتعزم كل سيدات المجتمع عشان يشوفوهاا
مشاعل: سمعت انها ملكة جمال
لولوه: الا ملكه شنو اقول لك جمالها ماله وصف

جود: معاد تستحمل تركت الصحن وراحت للمجلس عند امهاا

جود: مامي يالله مشينا
ام جود : خلينا مبسوطين
جود: انا بروح لحالي

طلعت جود من البيت وهي حدها بتموت قهر وحقد ودها تموت ولا تشوف طلال لغيرهاا وهي طالعه صادفت طلال عند الباب

لما شافته انبسطت حيل وطيحت اللثمه كأنها بحركه مومقصوده

جود: اووبس اسفه ماكان قصدي
طلال: لا عادي شلونك جود
جود: مو بخير
طلال: افا ليه
جود: انت عارف ولا تستعبط
طلال.. ببراءه : لا ماني عارف وش عندك
جود: وش انت سويت
طلال: وش سويت
جود: لا تتلف اعصابي
طلال.. ببرود: عشان ماتلف عصابك انا طالع
جود: وين
طلال: وهو معطيها ظهره بعدها لف عليها وابتسم : رايح لعروستي
جود: وبان عليهاالغيض عصبت ودفته ومشت
طلال: ههههههه مدري ليه احب احرق اعصابهاا

بعدهاا وراح لعند عروسه في بيت اهلهاا .؟..

لما وصل ظل طلال جالس بسيارته ربع ساعه ماهو قادر ينزل ياخذهاا
بعدهاا انفتح الباب وطلع عمر .؟..

عمر: هلا بالنسيب وش مجلسك هنا اقلط
طلال: لا انا مستعجل خل ريميه تطلع
عمر: ابشر
طلعت ام يوسف: هلا والله بطلال ولدي تفضل
طلال: مستعجل يا خاله خليها طلع
ام يوسف: انشالله بالمبارك يا طلال
طلال: الله يبارك فيك

وبعد دقايق طلعت ريميه لابسه عباة راس وبوشيه طويله ومعها عمر شايل جنطتهاا

طلال.. ويفتح لها الباب : تفضلي
ريميه.. بحياء ركبت وجلست ..
طلال: يالله عمر توصي شي
عمر: سلامتك
طلال: الله يسلمك روح ناد لي خالتي
عمر: ابشر
ام يوسف: خير
طلال: ويعطيهاا ورقه ومفتاح : هذا بيت شريته لكم مأثث وخالص بكرى بس ملابسكم تاخذونها معاكم وبيجي لكم سواق مع حرمته وضفتهم لكم يشتغلون بالبيت
ام يوسف.. وبكت: ماتقصر يا وليدي
طلال: عن اذنك
ام يوسف اذنك معك

وراح طلال هو وريميه لبيتهم ..؟..

ام يوسف دخلت على اهلها قالت لهم بالخبر اللي طاروا من الفرح وقاموا يجهزون
اغراضهم وماقدروا يناموون ..؟..

طلال بالسياره سااكت ومانطق بحرف .. وريميه كذالك ..

طلال .. بيكسر الصمت .. مبرووك << بصوت جهوري
ريميه .. ارتعبت من صوته فجأه وهي سرحانه .. أللــ ه يبــ ارك فيييك
طلال..وابتسم : لهدرجه اخرع انا
ريميه. ؟؟؟؟؟
طلال: تعشيتي ولا نطلب لنا عشى
ريميه: لا شبعانه
طلال: بس انا جوعان
ريميه: هني
طلال: يهنيك عادي نوقف ونطلب عشى
ريميه: كيفك
طلال: خلاص

وقف وطلب له ولها عشى وراح للبيت

دخلوا الفله .. وطلال ماسك شنطتهاا والعشى بيده : تفضلي
ريميه: زاد فضلك

دخلت ريميه وراها طلال ..؟..

ريميه تفاجأه بالبيت بس سكتت مابينت قدام طلال ..؟..

طلال: ويتلفتت : ترى بروحنا حنا ريميه قطي بوشيتك
ريميه: ورفعت الغطوه: وهي مبتسمه بخجل
طلال: منصدم بالكائن البشري اللي قدامه ظل مبطل فمه ساعه يطالعهاا
ريميه: رفعت عينهاا : تطالعه
طلال: بنظل واقفين تعالي داخل تعالي

ونزل شنطتها على السلم وراح قدامها على الصاله قام يبطل صحون العشى ..

ريميه: وقفت قدام المرايه تضبط شكهاا

طلال: ريميه تعالي
وراحت له ريميه .
طلال.. تعالي اكلي
ريميه: شبعانه
طلال: انزين اشربي عصير
ريميه: انشالله وجلست بالكرسي المقابله
طلال.. رفع حاجبه وقام يطالعهاا : تعالي جنبي
ريميه.. وانصفق وجهها وقمت تتراعد : انا مرتاحه
طلال: ويعقد عواجبه : تعالي
ريميه: وقفت ونزلت راسهاا وبدت عيونها تدمع مع انها ماسكتها من اليوم
طلال: انصدم ..لالالا اضحك معاك ليش الدموع
ريميه.. وتشاهق : ابي امي
طلال: افا تبين امك وانا هنا
ريميه: وتبكي حيل .. قلت ابي امي
طلال.. من وين اجيبهاا
ريميه.. وتشاهق حيل : م ن م ن بييي تناا
طلال.. يقرب لهاا ويحط ايدها على كتوفهاا : خلاص بس لا تبيكين بكرى بنروح لهم
اللحين انا تعباان
ريميه: وتسكت .. وعد
طلال: امممممم مدري
ريميه: ومستعده تبكي ..
طلال: لالا اضحك عليك
سكتت ريميه وقامت تمسح دموعهاا
طلال: تبين تروحين لغرفتك تبدلين ملابسك
ريميه: تهز راسه : أي
طلال: يالله مشيناا

وراحت ريميه وطلال لغرفتهم

طلال: تفضلي
ريميه: مشكور
طلال: تبين شي قبل ما اطلع
ريميه: شنطتي ابي ابدل ملابسي
طلال: ويأشر على الكبت هناك ملابسك
ريميه: اللتفتت على الكبت وبعدها لما لفت على طلال كان توه مسكر الباب

راحت قفلته وقامت تبطل الكبت وتشوف الملابس وراحت تركض على التواليت
تشوف العطور الغريبه والمكياج ..؟..

ريميه: خساره ماعرف احط منه ايه بعطيه حوريه

وراحت تطلع لها ثوب تلبسه لقت لها قميص ستن ابيض وكمومه دانتيل كان بسيط
وحلو حيييييييييل

وبعدهاا لقت لها ربطه ربطت شعرها فيهاامن قدام وطلعت منه خصل لشعرها وخلت باقي شعرها مفتوح..؟..

وبعدها طلعت لقت طلال جالس ويتكلم بالتلفون ولما شاف ريميه ترك الجهاز وقام يناظر فيهاا راحت جلست بكنبه موازيه له

طلال.. عجبتك الملابس
ريميه.. تأشر: أي عجبتني
طلال: زين اروح ابدل اناا

وراح بدل لبس بجامه نوم كحليه قميص وبنطرون ولما خلص فتح الباب

طلال.. وهو واقف علىالباب : تعالي ريميه
ريميه.. وقامت ترجف : هاه لا مستانسه هنا
طلال: وحس عليها .. وماحب يحرجهاا

راح وجلس عندهاا

طلال: ريميه بكلمك بموضوع مهم الصراحه
ريميه : تفضل
طلال : ريميه الصراحه انا اخذتك بغير ارادتي
ريميه: هاه
طلال: بغير ارادتي وانا مابي لا اظلمك ولا احط من كرامتك ولا ابيك تتعلقين فيني وتعيشين بوهم وادري انك انتي بعد انجبرتي علي عشان ابوك بس لعلمك انا بحاول قدر استطاعتي اني اسعدك بالايام قبل الطلاق عشان تذكريني بذكرى طيبه
ريميه: طلالاق؟؟
طلال: طلاق انشالله عقب شهر بطلقك
ريميه: مصدومه .. وليه
طلال: انا اخذتك لضروف خاص وبطلقك لضروف خاصه وبس خلينا حبايب بالهشر انا اذكرك بذكرى طيبه وانتي بعد عشان انا ما احب انجبر على شي واستمر عليه انا رضيت عشان بس الوالده وان هالامر ماهو دائم بيننا

ريميه .. انصدمت من هالكلام وتتوقعون وحده بمكانها وش تسوي انسان شالها من الفقر هي واهلها وعالج ابوهاا وعزهم واكرمهم وفوق هذاجميل وهي تحبه شو بتسوي ..؟..

ريميه: انشالله
طلال: وحس انه ارتااح : ريحتيني يا ريميه على العموم روحي داخل نامي انا بنام بالغرفه الثانيه
ريميه: انشالله

وقامت راحت تنام بغرفتهاا وكذالك طلال ..؟..

ريميه : طاحت على السرير تبكي وتبكي لين نااااااااااااامت
...............

جميله : يارب توفقها انحرمت من كل شي وربي الحمد لله رزقها
حوريه: تمسح دموعهاا .. ماتوقعت بشتاق لهاا كذا
جميله: على طاري ريميه منتي جوعانه
حوريه: ههههههههههه انتقلت لك عدوتهاا تعالي ماقلتي متى بتسافر خالتي
جميله: ماقلت لك ان زوج ريميه ضبط امورهم وهم خلاص عقب يومين مسافرين
حوريه: ومن بسافر..
جميله: ابوي وامي ويوسف
حوريه: وبس
جميله: وبس من بيروح يعني عمر ودانه مابقى شي علىامتحاناتهم
حوريه:اهاا وين بتجلسون
جيمله: ريميه تقول تعالو عندي وامي تقل لا روحوا لخالتكم
حوريه: وناااااااسه ماقلت لك هلعطه بنروح لعمامي وبنقعد كل العطله عندهم
جميله: وش الجديد كل عطله انتم رازين فيسكم عندهم
حوريه: والله ياقلبي هم اللي يطلبوناا مو حناا نروح لهم كل عطله جدي يطرش واحد من عماني ياخذنا ولا محتره
جميله: وش اللي يحرني الله يهني سعيد بسعيده اجل على كذا بنجلس عند ريميه
حوريه: مو تقولين ريميه مساافره عقب كم يووم
جميله: يؤؤؤ خلاص بنسافر معاهاا
حوريه: يا لئيمه كل هذا ماتبين تروحين معانا عاد لا يطوفك بيت عماني بمزارع
واسطبلات وشي يجيب العافيه
جميله: عمانك تجار
حوريه: الا تجار كل مارحت عندهم لازم يشترون لي ذهب وسوالف وشغلات مايقصرون علينا بشي
جميله: وليه ماتقولون لخالتي تخليكم عندم
حوريه: عجزت وانا اقول تقول ماتبي منة احد
جميله: أي والله .. وقامت تغني

>>مانبي من ورى الناس منه .. رزقنا على منشي الغيومي<<

حوريه: الله يقلع صوتك يا ازعااج
جميله: مشكله اللي يغاروون تعالي شسم ولد عمك للي تحبينه
قامت حوريه وسكرت حلجهاا: لحد يسمعك يابقره
جميله.. تتلفت ماحولنا احد
حوريه .. وتزل راسهاا : فهد
جميله: ههههههههههههه لو تشوين شكلك شلون قلتيهاا
حوريه: يؤؤه اسكتي عني
جميله:ههههههههههههههههههههه ياحلوك وفهد شيطلع هذا بعد
حوريه: يدرس هندسه
جميله: ومزيون شيك ولا مشي حالك
حوريه: ماعليه بس عنده اخوه اللي اكبر منه مطلق يا امييي مزيون وشيك وضابط
جميله: ماشالله ورى ماحبيتيه على كل هالمواصفات
حوريه وتكشر .. لان بنات عمي ميتاات عليه وانا ما حبيته ابد احسه ثقيييل حيل حتى عمري ماشفته يبتسم
جميله: وانتي وين جلستي معااه لايكون يجلسون مع بعض بناتهم مع عيالهم
حوريه: يعني ان صادف جلسوا برى بالمزرعه جلسومع بعض اما داخل البيت لا قسم حريم وقسم رياجيل وبنات عمي اصلن مايتغطن بس يتحجبن
جميله: ياا فضحيي فضحاااااااااه يارب تستر علااانااا ..؟
حوريه.. وتنسدح : ماودك ترقدين
جميله: الا والله
حوريه": ورى ماعقبين روحنا
جميله: الشكو لله حريم يحبن السوالف المهم ارقي ولا تشاخرين وروحي دبري لك بطانيه لاني اعرفك ان نمت سحبتيهاا مني
حوريه.. تقوم: وين اغراض ريميه
جميله: بالكبت
حوريه: ولامنتك يا بقره منتك بالتراب
جميله: ترى والله اسريك بلليل لبيتكم
حوريه: لالا خلاص برقد
جمله: ارقدي

وبعد ربع ساعه
حوريه .. تشاخر
جميله. وتمسك علبة منديل وتحذفها على جميله .. صوتك يابنت
حوريه .. متروعه : منهوو ذبحوووه امس هاااااه
جميله: ههههههههههههههههههههههه هذرت البنت
حوريه: صحيح قليلة ابد ارقد بالحوش ابرك لي

وتطلع ترقد بالحوش جميله ارتاحت من الازعاج وحوريه تشاخر على
كيفهاا